Jonas 1:4 - Ang Pulong sa Dios

⁴ Sa dihang naglawig na sila, nagpadala ang  Ginoo ug kusog nga hangin sa dagat. Kusog ang unos hangtod nga murag maguba na ang barko.

Ang Biblia 2011

⁴ Apan ang Ginoo nagpadala ug usa ka kusog nga hangin ibabaw sa kadagatan ug miabot ang kusog nga bagyo sa dagat nga tungod niana ang barko daw maguba na.

Maayong Balita Biblia

⁴ Apan ang Ginoo nagpadala ug unos. Kusog kini kaayo nga tungod niini namiligro nga maguba ang barko.

Ang Bag-ong Maayong Balita Biblia

⁴ Apan ang Ginoo nagpadala ug unos. Kusog kini kaayo nga tungod niini namiligro nga maguba ang barko.

Jonas 1:4 Cross References

Salmo 135:6

Gihimo sa Ginoo ang bisan unsa nga iyang gusto didto sa langit, sa yuta, sa mga kadagatan, ug sa kahiladman niini.

Salmo 135:7

Siya ang nagmando nga mopaibabaw ang mga panganod gikan sa kinatumyan sa kalibotan, ug nagpadala siyag mga kilat uban sa ulan. Ug gipagawas niya ang hangin gikan sa ilang tipiganan.

Salmo 148:8

mga kilat, ulan nga ice, snow, mga panganod, makusog nga hangin nga nagtuman sa iyang sugo,

Exodo 10:13

Busa gipunting ni Moises ang iyang baston, ug nagpadala ang Ginoo ug hangin nga gikan sa sidlakan tibuok adlaw ug gabii. Pagkabuntag nagdala ang hangin ug mga dulon

Exodo 10:19

Mitubag ang Ginoo pinaagi sa pagpadala ug kusog nga hangin gikan sa kasadpan ug gipalid niini ang mga dulon ngadto sa Pulang Dagat. Wala na gayoy nahibilin nga dulon sa tibuok Ehipto.

Exodo 14:21

Unya giisa ni Moises ang iyang kamot ibabaw sa dagat, ug natunga ang dagat pinaagi sa makusog nga hangin nga gipadala sa Ginoo gikan sa sidlakan. Tibuok gabii nga kusog ang hangin hangtod nga mimala ang yuta taliwala sa dagat.

Exodo 15:10

Apan sa usa mo lang ka paghuyop nalumos sila sa dagat. Naunlod sila sa kinahiladman nga daw tingga.

Jeremias 51:16

Sa iyang pagmando, nagdahunog ang mga tubig nga anaa sa kalangitan. Ginapatungha niya ang mga panganod. Ginapakilat niya kon mag-ulan, ug nagpadala siyag hangin gikan sa iyang mga tipiganan.

Amos 4:13

Ang Dios mao ang naghimo sa mga bukid ug sa hangin, ug siya usab ang naghimo sa kabuntagon ug kagabhion. Gipadayag niya sa tawo ang iyang mga plano, ug siya ang naggahom sa tibuok kalibotan. Ginoong Dios nga Makagagahom ang iyang ngalan.

Numeros 11:31

Unya, nagpadala ang Ginoo ug hangin nga nagdala ug mga buntog gikan sa dagat. Mitugdon kini libot sa kampo ug milukop sa distansya nga mga usa ka adlaw nga pagbaklay gikan sa kampo ngadto sa matag kilid. Nagkatag ang mga buntog sa gibag-on nga tulo ka piye.