Joel 3:21 - Ang Pulong sa Dios

²¹ Ipanimalos ko ang mga gipamatay nga taga-Juda; silotan ko gayod ang naghimo niini kanila.” Nagpuyo ang  Ginoo sa Zion.

Ang Biblia 2011

²¹ Panimaslan nako ang ilang dugo, dili nako pasayloon ang sad-an kay ang Ginoo magpuyo sa Zion.”

Joel 3:21 Cross References

Isaias 4:4

Pinaagi sa iyang gahom hukman ug limpyohan sa Ginoo ang kahugaw sa mga kababayen-an sa Zion ug ang mga pinatyanay didtong dapita.

Ezequiel 36:25

Wisikan ko kamo ug limpyo nga tubig aron malimpyohan kamo sa tanang kahugaw, ug dili na kamo mosimba pag-usab sa mga dios-dios.

Ezequiel 36:29

Limpyohan ko kamo sa tanan ninyong kahugaw. Hatagan ko kamo ug abunda nga trigo, ug dili na kamo mag-antos sa kagutom.

Ezequiel 48:35

busa ang tibuok nga gitas-on sa paril 9 ka kilometro. Ug gikan nianang panahona ang siyudad pagatawgon ug, “Ang Ginoo Anaa Dinha!”

Joel 2:27

Unya mahibaloan ninyo nga anaa ako kaninyong mga taga-Israel, ug ako lang, ang  Ginoo, ang inyong Dios ug wala nay lain pa. Ug kamo nga akong katawhan dili na gayod maulawan hangtod sa kahangtoran.

Joel 3:17

Miingon ang  Ginoo, “Mga taga-Juda, mahibaloan ninyo nga ako, ang  Ginoo nga inyong Dios, nagpuyo sa Zion, ang akong balaan nga bukid. Ug mahimong balaan na usab ang Jerusalem; dili na gayod kini sulongon pag-usab sa mga taga-laing nasod.

Mateo 27:25

Mitubag ang mga tawo, “Kami ug ang among mga anak mao ang manubag sa iyang kamatayon!”

Gipadayag 21:3

Unya, aduna akoy nadungog nga kusog nga tingog gikan sa trono nga nag-ingon, “Karon, ang puloy-anan sa Dios anaa na sa mga tawo! Magpuyo siya uban kanila, ug sila mahimong iya nang mga tawo. Ang Dios mismo mahimong ilang kauban [ug ilang Dios].