Joel 3:14 - Ang Pulong sa Dios

¹⁴ Labihan kadaghan sa mga tawo nga nagsaba sa Walog sa Paghukom, kay duol na moabot ang adlaw sa pagsilot sa Ginoo.

Ang Biblia 2011

¹⁴ Mga panon sa katawhan, mga panon sa katawhan atua sa walog sa paghukom! Kay ang adlaw sa Ginoo duol na sa walog sa paghukom.

Maayong Balita Biblia

¹⁴ Linibo ang katawhan sa Walog sa Paghukom ug didto hapit na gayod moabot ang adlaw sa Ginoo.

Ang Bag-ong Maayong Balita Biblia

¹⁴ Linibo ang katawhan sa Walog sa Paghukom ug didto hapit na gayod moabot ang adlaw sa Ginoo.

Joel 3:14 Cross References

Salmo 37:13

Apan nagkatawa lang ang Ginoo sa mga daotan, kay nahibalo siya nga hapit na ang panahon nga laglagon sila.

Isaias 13:4

Pamatia ninyo ang kasaba gikan sa mga bukid sa labihan kadaghang mga tawo. Pamatia ninyo ang kasaba taliwala sa mga gingharian ug mga nasod nga nagtigom. Gitigom sa Ginoo nga Makagagahom ang iyang mga sundalo alang sa pagpakig-gira.

Isaias 22:1

Kini nga mensahe bahin sa Walog sa Panan-awon: Unsay nahitabo? Nganong nanaka man kamong tanan sa mga atop?

Joel 1:15

Hapit na ang adlaw nga manglaglag ang Ginoo nga Makagagahom.

Joel 2:1

Patingoga ninyo ang budyong sa pagpasidaan sa mga tawo sa Zion, ang balaang bungtod sa Ginoo. Tanan kamong nagpuyo sa Juda, magkurog kamo sa kahadlok, kay haduol na gayod ang adlaw sa Ginoo.

Joel 2:11

Ang Ginoo nagmando niining labihan kadaghang mga dulon, ug nagtuman sila sa iyang sugo. Makalilisang gayod ang adlaw nga magsilot ang Ginoo; wala gayoy makaagwanta niini.

Joel 3:12

“Kinahanglang maaghat sa pagtungas ngadto sa walog ni Jehosafat ang mga nasod sa palibot, kay hukman ko sila didto.

Joel 3:2

Tigomon ko ang mga nasod ug dad-on ko sila sa Walog ni Jehosafat. Didto hukman ko sila tungod sa ilang gihimo sa katawhan nga akong gipanag-iyahan, ang mga Israelinhon. Gipakatag nila ang akong katawhan sa ubang mga nasod ug gibahin nila ang akong yuta.

Sofonias 1:14

Haduol na ang makalilisang nga adlaw sa Ginoo. Haduol na sa hilabihan ug mapait ang hilak sa adlaw sa Ginoo, bisan pa ang gamhanang manggugubat magsinggit aron mangayo ug tabang.

Mga Taga-Filipos 3:2

Pagbantay kamo sa mga mamugos nga magpatuli kamo. Sama sila sa mga iro, mga tawo nga nagbuhat ug daotan.

2 Pedro 3:7

Pinaagi usab sa pulong sa Dios, ang langit ug ang yuta nga atong makita karon gitagana na nga sunogon sa adlaw nga ang daotang mga tawo hukman ug laglagon.