Joel 3:13 - Ang Pulong sa Dios

¹³ Garaba sila nga daw trigo nga alanihon! Tunob-tunobi sila nga daw ubas nga pugaunon tungod kay puno na ang pug-anan ug gaawas na kini! Kay labihan sila kadaotan.”

Ang Biblia 2011

¹³ Gamita ninyo ang galab, kay ang anihonon hinog na. Panulod kamo, paggiok kamo kay puno na ang pug-anan. Nag-awas ang mga kawa kay hilabihan ang ilang pagkadaotan.

Maayong Balita Biblia

¹³ Daotan sila kaayo, busa galaba sila sama sa trigo sa panahon sa ting-ani, ug pigsaa sila sama sa ubas diha sa pug-anan hangtod nga mobuhagay ang bino.”

Ang Bag-ong Maayong Balita Biblia

¹³ Daotan sila kaayo, busa galaba sila sama sa trigo sa panahon sa ting-ani, ug pigsaa sila sama sa ubas diha sa pug-anan hangtod nga mobuhagay ang bino.”

Joel 3:13 Cross References

Genesis 13:13

Ang mga tawo sa Sodoma labihan gayod kadaotan ug makasasala atubangan sa Ginoo.

Genesis 15:16

Molabay una ang upat ka henerasyon ayha pa makabalik ang imong mga kaliwat dinhi, tungod kay dili pa igo ang pagpakasala sa mga Amorihanon aron silotan sila ug papahawaon niini nga yuta.”

Genesis 18:20

Unya miingon ang Ginoo kang Abraham, “Daghan na ang mga reklamo bahin sa Sodoma ug Gomora, kay labihan na gayod kadaotan ang maong mga dapit.

Isaias 17:5

Mahisama siya sa kaumahan sa taga-Efraim human kini maanihi.

Isaias 63:3

Mitubag ang Ginoo, “Sa akong kasuko gipuga ko ang mga nasod sama sa ubas. Ako lang ang nagpuga; walay miuban kanako. Ang ilang dugo nanglagsik sa akong bisti; mao nga namansahan kini.

Jeremias 51:33

Miingon ang  Ginoo nga Makagagahom, ang Dios sa Israel, “Ang Babilonia mahisama sa trigo nga dali na lang anihon ug linason.”

Mga Pagbangotan 1:15

“Gisalikway sa Ginoo ang tanan kong sundalo. Nagtigom siyag mga sundalo sa paglaglag sa akong mga batan-ong lalaki. Ang mga lumulupyo sa Juda daw mga ubas lang nga gitunob-tunoban sa Ginoo.

Oseas 6:11

“Ug bisan kamong mga taga-Juda, gitakda na nga silotan. Gusto ko unta nga ibalik ang maayong kahimtang sa akong katawhan.

Mateo 13:39

Ang Yawa mao ang kaaway nga nagsabwag sa mga sagbot. Ang ting-ani mao ang kataposan sa kalibotan, ug ang mga mag-aani mao ang mga anghel.

Marcos 4:29

Ug kon hinog na, anihon sa tag-iya kay anihonon na man.”

Deuteronomio 16:9

“Pag-ihap kamog pito ka semana gikan sa pagsugod sa ting-ani.

Gipadayag 14:14

Unya aduna akoy nakita nga puti nga panganod, ug adunay naglingkod didto nga murag tawo. Aduna siyay korona nga bulawan sa iyang ulo ug aduna siyay gikuptang hait nga galab.

Gipadayag 19:15

Naggawas sa iyang baba ang hait nga espada nga mao ang iyang gamiton sa pagpildi sa tanang mga nasod, ug walay makabatok sa iyang pagdumala. Ipakita gayod niya ang hilabihang kasuko sa makagagahom nga Dios ngadto kanila.