Joel 2:18 - Ang Pulong sa Dios

¹⁸ Nabalaka gayod ang  Ginoo sa iyang yuta, ug naluoy siya sa iyang katawhan.

Ang Biblia 2011

¹⁸ Unya ang Ginoo nangabubho alang sa iyang yuta ug naluoy sa iyang katawhan.

Maayong Balita Biblia

¹⁸ Unya gipakita sa Ginoo nga nahingawa siya sa iyang yuta ug naluoy sa iyang katawhan.

Ang Bag-ong Maayong Balita Biblia

¹⁸ Unya gipakita sa Ginoo nga nahingawa siya sa iyang yuta ug naluoy sa iyang katawhan.

Joel 2:18 Cross References

2 Mga Hari 19:31

Kay adunay mga nahibiling buhi nga magkatag gikan sa Jerusalem, ug mga naluwas gikan sa Bukid sa Zion. Siguradohon gayod sa Ginoo nga Makagagahom nga matuman kini.

Salmo 103:13

Ug maingon nga ang usa ka amahan maluoy sa iyang mga anak, maluoy usab ang  Ginoo sa mga nagtahod kaniya.

Salmo 103:17

Apan walay kataposan ang gugma sa Ginoo sa mga nagtahod kaniya, sa mga nagtuman sa iyang kasabotan, ug sa mga nahinumdom sa pagtuman sa iyang mga sugo. Ug ang iyang kaayo mopadayon hangtod sa ilang mga kaliwat.

Isaias 37:32

Kay adunay mangahibiling buhi nga magkatag gikan sa Jerusalem, ug mga naluwas gikan sa Bukid sa Zion. Siguradohon gayod sa Ginoo nga Makagagahom nga matuman kini.

Isaias 42:13

Makig-away ang  Ginoo sama sa usa ka sundalong kusgan ug isog. Mosinggit siya sa pagsulong, ug modaog siya batok sa iyang mga kaaway.

Isaias 60:10

Nag-ingon ang  Ginoo sa Jerusalem, “Pabarogon sa mga langyaw ang imong mga paril, ug ang ilang mga hari moalagad kanimo. Bisan gisilotan ka nako tungod sa akong kasuko, kaloy-an ka nako tungod sa akong kaayo.

Isaias 63:15

Tan-awa kami gikan sa langit, ang balaan ug dungganon mong puloy-anan. Hain na ang imong kahangawa kanamo ug ang imong gahom nga gipakita mo kaniadto kanamo? Hain na ang imong gugma ug kaluoy?

Isaias 63:9

Sa tanan nilang mga pag-antos, nag-antos usab siya, ug giluwas niya sila pinaagi sa anghel nga nagpadayag sa iyang presensya. Tungod sa iyang gugma ug kaluoy giluwas niya sila; giatiman niya sila sa tanang adlaw niadtong unang panahon.

Jeremias 31:20

Mitubag ang  Ginoo, “Kamong katawhan sa Efraim pinalangga ko nga mga anak. Nalipay ako kaninyo. Bisan ug nagsige akog sulti batok kaninyo, naghuna-huna gihapon ako kaninyo. Gimingaw ako ug naluoy gayod kaninyo.

Mga Pagbangotan 3:22

nga ang gugma ug kaluoy sa Ginoo walay kataposan. Mao kana nga wala kita malaglag sa hingpit.

Zacarias 1:14

Unya ang anghel nga nakigsulti kanako miingon, “Ipadayag kining mga pulong: Mao kini ang giingon sa Ginoo nga Makagagahom: ‘Ako nangabugho sa Jerusalem ug sa Zion,

Lucas 15:20

Busa mipauli siya. “Samtang layo pa siya, nakita na siya sa iyang amahan. Naluoy gayod ang amahan sa iyang anak, busa midagan siya paingon sa iyang anak ug gigakos niya kini ug gihagkan.

Deuteronomio 32:16

Gipapangabugho nila ug gipasuko ang Ginoo sa ilang mangil-ad nga mga dios.

Deuteronomio 32:36

Hukman sa Ginoo ang iyang katawhan; kaloy-an niya sila nga iyang mga alagad kon makita niya nga wala na silay kusog ug diyutay na lang ang nabilin kanila, ulipon man o dili ulipon.

Deuteronomio 32:43

Dayega ninyo ang katawhan sa Ginoo, O mga nasod, kay panimaslan sa Ginoo ang nagpatay niining iyang mga alagad. Panimaslan niya ang iyang mga kaaway, ug hinloan niya ang iyang yuta ug ang iyang katawhan.

Santiago 5:11

Dili ba nga giisip man nato nga bulahan ang mga tawo nga nag-antos? Nadunggan ninyo ang mahitungod sa mga pag-antos ni Job, ug nasayran usab ninyo kon giunsa siya pagtabang sa Dios sa kaulahian. Kay ang Ginoo maayo ug maluloy-on.

Mga Maghuhukom 10:16

Unya gisalikway nila ang ilang mga dios ug mialagad pag-usab sa Ginoo. Sa kadugayan, wala na makaagwanta ang Ginoo sa pagtan-aw sa ilang kalisod.