Joel 1:9 - Ang Pulong sa Dios

⁹ Wala nay mga trigo ug mga bino nga ikahalad sa Templo sa Ginoo; mao nga nagsubo ang mga pari nga nag-alagad sa Ginoo.

Ang Biblia 2011

⁹ Ang halad nga pagkaon ug ang halad nga ilimnon gihunong gikan sa balay sa Ginoo. Ang mga pari nagsubo, ang mga alagad sa Ginoo.

Maayong Balita Biblia

⁹ Wala nay trigo o bino nga ikahalad didto sa Templo; nagbangotan ang mga pari kay wala na man silay ihalad ngadto sa Ginoo.

Ang Bag-ong Maayong Balita Biblia

⁹ Wala nay trigo o bino nga ikahalad didto sa Templo; nagbangotan ang mga pari kay wala na man silay ihalad ngadto sa Ginoo.

Joel 1:9 Cross References

2 Cronicas 13:10

“Apan alang kanamo, ang Ginoo mao ang among Dios, ug wala namo siya isalikway. Ang among mga pari nga nag-alagad sa Ginoo mga kaliwat ra gayod ni Aaron, ug ang nagtabang kanila mao lang ang mga Levita.

Exodo 28:1

“Ilain gikan sa mga tawo si Aaron nga imong igsoon ug ang iyang mga anak nga lalaki nga sila si Nadab, Abihu, Eleazar, ug Itamar, aron mag-alagad sila kanako ingon nga mga pari.

Isaias 61:6

Tawgon kamong mga pari sa Ginoo, mga alagad sa atong Dios. Busgon kamo sa bahandi sa mga kanasoran, ug ipasigarbo ninyo kini.

Mga Pagbangotan 1:16

“Tungod niini, gahilak ako ug daw nagbaha ang mga luha sa akong mga mata. Wala gayoy makalipay ug makadasig kanako. Alaot ang akong katawhan kay gipildi sila sa kaaway.”

Mga Pagbangotan 1:4

Subo ang mga dalan paingon sa Jerusalem, kay wala nay nag-adto didto sa pagsaulog sa gitakda nga mga pista. Mingaw ang tanang mga ganghaan niini. Nag-agulo ang iyang mga pari. Ang iyang putli nga mga babaye nagsubo pag-ayo. Pagkasubo sa gidangatan sa Jerusalem!

Oseas 9:4

Dili na kamo tugotan nga maghalad ug bino ngadto sa Ginoo. Ang inyong mga halad dili makalipay kaniya. Si bisan kinsa nga mokaon niana nga mga halad isipon nga mahugaw, kay nahisama kana sa pagkaon sa namatyan. Ang inyong pagkaon alang lang sa inyong kaugalingon; dili kana mahimong ihalad sa Templo sa Ginoo.

Joel 1:13

Kamong mga pari nga nag-alagad sa halaran sa akong Dios, pagbisti kamog sako ug adto sa Templo, ug pagminatay kamog hilak tibuok gabii, kay wala nay mga trigo ug mga bino nga ihalad sa Templo sa inyong Dios.

Joel 1:16

Ato mismong nasaksihan kon sa unsang paagi kita nawad-an ug pagkaon ug kon sa unsang paagi nawala ang kasadya sa Templo sa Dios.

Joel 2:14

Basin pa lang mausab ang huna-huna sa Ginoo nga inyong Dios, ug panalanginan niya ang inyong mga abot, aron makahalad na kamo kaniya ug mga trigo ug bino.

Joel 2:17

Ang mga pari nga nag-alagad sa Ginoo pahilaka taliwala sa halaran ug sa balkonahe sa Templo. Paampoa sila ug sama niini: “Ginoo, kaloy-i ang imong katawhan nga imong gipanag-iya. Ayaw tugoti nga pakaulawan sila ug tamayon sa ubang mga nasod pinaagi sa pag-ingon, ‘Asa na ba ang inyong Dios?’ ”