Joel 1:8 - Ang Pulong sa Dios

⁸ Pagminatay kamog hilak sama sa dalagang putli nga nagbistig sako sa pagpakita sa iyang pagsubo sa pagkamatay sa iyang pamanhonon.

Ang Biblia 2011

⁸ Pagbangutan kamo sama sa usa ka ulay nga nagbisti ug sako alang sa pamanhonon sa iyang pagkabatan-on.

Maayong Balita Biblia

⁸ Panghilak kamo sama sa dalagang nagbangotan tungod sa namatay niyang pamanhonon.

Ang Bag-ong Maayong Balita Biblia

⁸ Panghilak kamo sama sa dalagang nagbangotan tungod sa namatay niyang pamanhonon.

Joel 1:8 Cross References

Mga Panultihon 2:17

Kining babayhana mibiya sa iyang bana nga iyang giminyoan sa batan-on pa siya; gikalimtan niya ang iyang saad sa Dios sa dihang gikasal siya.

Isaias 22:12

Nagtawag kaninyo ang Ginoong Dios nga Makagagahom nianang adlawa aron nga magsubo ug manghilak kamo. Gisultihan niya kamo nga magpa-upaw ug magbistig sako sa pagpakita sa inyong pagsubo.

Isaias 32:11

Pangurog kamo sa kahadlok, kamong mga babaye nga nagpahayahay lang ug walay gikabalak-an. Huboa ninyo ang inyong mga bisti ug pagtapis kamog sako.

Jeremias 3:4

Unya karon moingon kamo kanako, ‘Amahan ko, kauban ka nako sukad pa sa akong pagkabata.

Mga Pagbangotan 1:4

Subo ang mga dalan paingon sa Jerusalem, kay wala nay nag-adto didto sa pagsaulog sa gitakda nga mga pista. Mingaw ang tanang mga ganghaan niini. Nag-agulo ang iyang mga pari. Ang iyang putli nga mga babaye nagsubo pag-ayo. Pagkasubo sa gidangatan sa Jerusalem!

Amos 8:10

Himuon kong pagbangotan ang inyong kasadya sa pista, ug himuon kong pagminatay ang inyong panag-awit. Pabistihon ko kamo ug sako ug paupawan ko kamo, timailhan sa inyong pagsubo. Himuon ko kining daw adlaw diin nagbangotan kamo alang sa inyong bugtong anak nga lalaki, ug mahuman kini nga daw usa ka adlaw nga hilabihan ka pait.”

Malaquias 2:15

Dili ba nga gihiusa na kamo sa Ginoo sa lawas ug espiritu aron mahimong iya? Ug nganong gihiusa niya kamo? Kay gusto niya nga makabaton kamo ug mga kabataan nga diosnon. Busa siguroha ninyo nga dili ninyo luiban ang asawa nga inyong gipakaslan sa batan-on pa kamo.

Santiago 5:1

Kamo nga mga adunahan, paminaw kamo! Panghilak kamo sa hilabihan tungod sa mga kalisod nga modangat kaninyo.