Joel 1:4 - Ang Pulong sa Dios

⁴ Nagpulipuli sa pag-ataki sa mga tanom ang mga panon sa dulon. Ang mga tanom nga salin sa usa ka panon gitilok sa misunod nga panon hangtod nga nahurot.

Ang Biblia 2011

⁴ Unsay gibilin sa dulon, gikaon sa panon sa dulon. Unsay gibilin sa panon sa dulon gikaon sa lukton, ug unsay gibilin sa lukton, gikaon sa dangan nga dulon.

Maayong Balita Biblia

⁴ Nagbanosbanos paghugpa sa mga tanom ang mga panon sa dulon. Ang mga tanom nga salin sa mga dulon, gihurot pagkaon sa mga lukton.

Ang Bag-ong Maayong Balita Biblia

⁴ Nagbanosbanos paghugpa sa mga tanom ang mga panon sa dulon. Ang mga tanom nga salin sa mga dulon, gihurot pagkaon sa mga lukton.

Joel 1:4 Cross References

1 Mga Hari 8:37

“Kon adunay moabot nga kagutom sa yuta sa imong katawhan, o kaha katalagman, init nga hangin, dangan sa mga tanom sama sa mga dulon ug mga ulod, o kon libotan sa mga kaaway ang ilang mga lungsod, o moabot kanila ang bisan unsa nga balatian,

2 Cronicas 6:28

“Kon adunay moabot nga kagutom sa yuta sa imong katawhan, o kaha katalagman, init nga hangin, peste sa mga tanom sama sa mga dulon ug mga ulod, o kon libotan sa mga kaaway ang ilang mga lungsod, o moabot kanila ang bisan unsa nga balatian;

2 Cronicas 7:13

“Kon pananglit dili ko paulanon, o ipakaon ko sa mga dulon ang mga tanom sa inyong yuta, o padad-an ko ang akong katawhan ug katalagman,

Salmo 105:34

Sa iyang pagmando, miabot ang mga dulon nga dili maihap sa kadaghan.

Salmo 78:46

Gipakaon niya sa mga dulon ang ilang mga tanom ug mga abot.

Exodo 10:4

Kon dili mo gani sila palakwon, ugma padad-an ko ug mga dulon ang imong nasod.

Exodo 10:5

Tungod sa ilang kadaghan, dili na makita ang yuta. Kan-on nila ang nahibiling mga tanom nga wala madaot sa ulan nga yelo, lakip ang tanan ninyong mga kahoy.

Isaias 33:4

Kuhaon ang ilang mga kabtangan; mahisama sila sa tanom nga giataki ug dulon.

Jeremias 51:14

Nagsaad ang  Ginoo nga Makagagahom sa iyang kaugalingon nga nagkanayon, Lukopon ko sa sundalo sa mga kaaway nga sama kadaghan sa dulon ang imong yuta, ug mosinggit sila batok kaninyo.

Jeremias 51:27

“Ipataas ang bandera ingon nga ilhanan sa pagsulong! Patingoga ang budyong ngadto sa mga nasod! Paandama sila sa pagsulong sa Babilonia. Pasulonga ang mga sundalo sa Ararat, Mini, ug Askenaz. Pagpili kamog pangulo ug pagpadala kamog mga kabayo nga sama kadaghan sa dulon.

Joel 2:25

Kay nag-ingon ang  Ginoo, “Ibalik ko ang mga nawala kaninyo sa mga katuigan nga giataki ang inyong mga tanom sa sunod-sunod nga mga panon sa mga dulon. Ako ang nagpadala kaninyo niining daghang mga dulon nga akong mga sundalo.

Amos 4:9

“Makadaghan ko na daota ang inyong mga tanaman pinaagi sa init nga hangin ug peste. Giataki sa mga dulon ang inyong mga kahoy nga igos ug olibo. Apan wala gihapon kamo mobalik kanako. Ako, ang  Ginoo, ang nag-ingon niini.

Amos 7:1

Adunay panan-awon nga gipakita ang Ginoong Dios kanako: Nakita ko nga nagtigom siya ug daghan kaayong mga dulon. Nahitabo kini human magarab ang mga kumpay nga alang sa mga kabayo sa hari, ug sa dihang nagsugod na ang ikaduhang ani.

Malaquias 3:11

“Dili ko tugotan nga kaonon sa peste ang inyong mga pananom. Ug ang inyong mga ubas dili mangalarag,” miingon ang Ginoo nga Makagagahom.

Deuteronomio 28:38

“Daghan ang inyong itanom apan gamay lang ang inyong maani, kay kaonon kini sa mga dulon.

Deuteronomio 28:42

Kaonon sa daghang mga gagmayng mananap ang tanan ninyong mga kahoy ug mga tanom.