Joel 1:13 - Ang Pulong sa Dios

¹³ Kamong mga pari nga nag-alagad sa halaran sa akong Dios, pagbisti kamog sako ug adto sa Templo, ug pagminatay kamog hilak tibuok gabii, kay wala nay mga trigo ug mga bino nga ihalad sa Templo sa inyong Dios.

Ang Biblia 2011

¹³ Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Maayong Balita Biblia

¹³ Kamong mga pari nga nag-alagad diha sa halaran sa Dios, pagsul-ob kamog sako ug panghilak kamo. Pangadto kamo sa Templo ug pagbangotan didto sa tibuok gabii, kay wala nay trigo o bino nga ikahalad ngadto sa inyong Dios.

Ang Bag-ong Maayong Balita Biblia

¹³ Kamong mga pari nga nag-alagad diha sa halaran sa Dios, pagsul-ob kamog sako ug panghilak kamo. Pangadto kamo sa Templo ug pagbangotan didto sa tibuok gabii, kay wala nay trigo o bino nga ikahalad ngadto sa inyong Dios.

Joel 1:13 Cross References

2 Samuel 12:16

Nagpakiluoy si David sa Dios alang sa bata. Nagpuasa siya sulod sa iyang kuwarto, ug sa yuta siya nagkatulog matag gabii.

1 Mga Hari 21:27

Pagkadungog ni Ahab sa gisulti ni Elias, gigisi niya ang iyang bisti ug nagbistig sako, ug nagpuasa. Natulog siya nga nagbistig sako ug naglakaw-lakaw nga masulob-on.

Isaias 22:12

Nagtawag kaninyo ang Ginoong Dios nga Makagagahom nianang adlawa aron nga magsubo ug manghilak kamo. Gisultihan niya kamo nga magpa-upaw ug magbistig sako sa pagpakita sa inyong pagsubo.

Isaias 61:6

Tawgon kamong mga pari sa Ginoo, mga alagad sa atong Dios. Busgon kamo sa bahandi sa mga kanasoran, ug ipasigarbo ninyo kini.

Jeremias 4:8

Busa pagbisti kamog sako sa pagpakita sa inyong pagsubo. Pagminatay kamog hilak kay anaa pa gihapon ang hilabihan nga kasuko sa Ginoo kanato.

Jeremias 9:10

Miingon ako: Magminatay ako alang sa mga bukid. Magbangotan ako alang sa mga sabsabanan sa kamingawan. Kay naawaaw na kini ug wala nay nangagi niini. Dili na madungog ang pag-inga sa mga baka, ug mipalayo na ang mga langgam ug ang ihalas nga mga iro.

Ezequiel 21:12

Tawo, hilak ug kusog ug pukpoka ang imo nga dughan sa kasubo, kay kana nga espada mopatay sa akong katawhan nga mga Israelinhon ug sa ilang mga pangulo.

Ezequiel 27:31

Magpa-upaw ug magbistig sako samtang magdangoy-ngoy sila sa kasubo.

Ezequiel 7:18

Magsuot sila ug sako ug kagisan nila ang ilang mga ulo sa pagpakita sa ilang pagsubo. Ug mohari kanila ang kahadlok ug kaulaw.

Oseas 9:5

“Unya, unsa may inyong buhaton sa pag-abot sa pinasahi nga mga panahon sa pagsimba o sa mga pista sa pagpasidungog sa Ginoo?

Joel 2:12

Miingon ang  Ginoo, “Panahon na nga mobalik kamo kaniya sa kinasing-kasing inubanan sa pagpuasa, paghilak, ug pagsubo.”

Joel 2:14

Basin pa lang mausab ang huna-huna sa Ginoo nga inyong Dios, ug panalanginan niya ang inyong mga abot, aron makahalad na kamo kaniya ug mga trigo ug bino.

Joel 2:17

Ang mga pari nga nag-alagad sa Ginoo pahilaka taliwala sa halaran ug sa balkonahe sa Templo. Paampoa sila ug sama niini: “Ginoo, kaloy-i ang imong katawhan nga imong gipanag-iya. Ayaw tugoti nga pakaulawan sila ug tamayon sa ubang mga nasod pinaagi sa pag-ingon, ‘Asa na ba ang inyong Dios?’ ”

Numeros 28:14

Ang kada nating torong baka lakipan ug halad nga ilimnon nga duha ka litrong bino. Ang hamtong nga laking karnero lakipan ug usa ug tunga ka litrong bino. Ug ang matag batan-ong karnero lakipan ug usa ka litrong bino. Mao kini ang binulan nga halad nga sinunog nga inyong pagahimuon sa matag sugod sa bulan sa tibuok tuig.

Numeros 28:4

Ang usa ka karnero ihalad sa buntag ug ang laing usa ihalad sa hapon.

Numeros 28:7

Ang halad nga ilimnon nga i-apil sa kada karnero, usa ka litrong bino, ug ibubo kini didto sa balaang dapit alang sa Ginoo.

Numeros 29:6

Ihalad ninyo kini dugang sa binulan ug inadlaw-adlaw nga mga halad nga sinunog uban sa mga halad sa pagpasidungog ug sa mga halad nga ilimnon. Mga halad kini pinaagi sa kalayo, ug ang kahumot niini makapalipay sa Ginoo.

1 Mga Taga-Corinto 4:1

Busa isipa ninyo kami nga mga alagad ni Cristo nga gisaligan sa Dios sa pagpasabot sa kamatuoran nga iyang gitago kaniadto.

1 Mga Taga-Corinto 9:13

Dili ba nasayod man kamo nga ang mga nag-alagad diha sa templo diha usab mokuha sa ilang pagakan-on? Ug ang mga nag-alagad diha sa halaran mokuha usab sa ilang bahin sa mga gihalad diha sa halaran.

2 Mga Taga-Corinto 11:23

Kon nag-ingon sila nga mga alagad sila ni Cristo, mas maayo ako nga alagad ni Cristo kay kanila. Nasayod ako nga niining akong mga pagpasigarbo mura akog buang, apan ang tinuod, mas maayo gayod ako nga alagad kay kanila tungod kay mas daghan ang akong kahago kon itandi sa ila. Ug mas makadaghan pa ako napriso. Dili maihap ang pagbunal kanako, ug sa makapila ka higayon anaa ako sa kakuyaw sa kamatayon.

2 Mga Taga-Corinto 3:6

Siya ang naghatag kanamo ug katakos aron masaysay namo ang bag-o nga kasabotan nga iyang gibuhat aron kita makaduol kaniya. Kining bag-o nga pamaagi dili pinaagi sa gisulat nga Kasugoan kondili pinaagi sa Espiritu. Kay ang Kasugoan nagdala sa silot nga kamatayon, apan ang Espiritu naghatag ug kinabuhi nga walay kataposan.

2 Mga Taga-Corinto 6:4

Sa tanan namong gibuhat gipakita namo nga kami mga alagad gayod sa Dios. Bisan labihan kalisod ang among mga nasinati, giantos gayod namo.

Gipadayag 11:3

Ug nianang mga adlawa ipadala ko ang akong duha ka saksi nga magbistig sako. Ug mag-wali sila sa akong ipawali kanila sulod sa 1,260 ka adlaw.”