Joel 1:12 - Ang Pulong sa Dios

¹² ug nangalaya ang mga punoan sa ubas ug ang tanang mga kahoy, apil na ang mga igos, pomegranata, palma, ug mansanas. Tinuod gayod nga nawala na ang kalipay sa mga tawo.

Ang Biblia 2011

¹² Ang paras nalaya, ug ang kahoyng igera nalawos. Ang granada, ang palma ug ang mansanas, ang tanang kahoy sa kaumahan nangalaya; ang kalipay nawala gikan sa mga anak sa mga tawo.

Maayong Balita Biblia

¹² Patay na ang mga paras, nangalaya usab ang mga igera, ingon man ang mga granada, palmera, mansanas ug ang tanang kahoy sa kaumahan, ug nawad-ag kalipay ang katawhan.

Ang Bag-ong Maayong Balita Biblia

¹² Patay na ang mga paras, nangalaya usab ang mga igera, ingon man ang mga granada, palmera, mansanas ug ang tanang kahoy sa kaumahan, ug nawad-ag kalipay ang katawhan.

Joel 1:12 Cross References

Salmo 4:7

Apan ang kalipay nga imong gihatag kanako, mas labaw pa kaysa kalipay sa mga tawo nga abundansya sa kalan-on ug ilimnon.

Salmo 92:12

Ang mga matarong magmabungahon sama sa mga palma, ug molig-on sila sama sa mga kahoyng sedro sa Lebanon.

Awit sa mga Awit 2:3

Kon itandi sa uban nga mga batan-ong lalaki, ang akong pinangga sama sa kahoy nga mansanas taliwala sa kalasangan. Kalipay ko ang pagpasilong sa iyang landong, ug alang kanako tam-is ang iyang bunga.

Awit sa mga Awit 4:13

Namunga kini ug mga pomegranata ug uban pang maayong mga bunga. Abunda kini sa mga pahumot nga henna, nardo,

Isaias 16:10

Nawala ang kalipay ug ang kasadya alang sa dagkong abot sa mga uma. Wala nay mag-awit o manghugyaw didto sa mga ubasan. Wala nay mopuga sa ubas aron himuon nga bino. Gipahunong na sa Ginoo ang ilang paghugyaw.

Isaias 24:11

Maninggit ang mga tawo diha sa kadalanan, nga nagpangayo ug bino. Ang ilang kalipay mapulihan sa kasubo. Wala nay kasadya sa kalibotan.

Isaias 24:7

Mangalaya ang mga ubas, ug mahurot ang bino. Magsubo ang naghudyaka,

Isaias 9:3

Ginoo, hatagan mo silag hilabihan nga kalipay. Maglipay sila diha sa imong presensya sama sa mga tawo nga naglipay kon ting-ani o sama sa mga tawo nga naglipay sa ilang pagbahin-bahin sa mga kabtangan nga nailog nila gikan sa pagpakig-gira.

Jeremias 48:3

Paminawa ninyo ang singgit sa pagpakitabang gikan sa Horonaim tungod sa grabe nga kagubot ug kalaglagan.

Jeremias 48:33

Mahanaw ang kalipay ug kasadya diha sa mga kaumahan ug mga ubasan sa yuta sa Moab. Wala nay modagayday nga bino sa mga pug-anan. Wala nay magpuga ug ubas nga inubanan sa singgit sa kalipay. Adunay pagsinggit apan dili singgit sa kalipay.

Joel 1:10

Nangadaot ang mga kaumahan ug daw sama kini sa tawo nga nasubo. Nangadaot ang mga trigo ug wala nay duga sa ubas ug lana.

Joel 1:16

Ato mismong nasaksihan kon sa unsang paagi kita nawad-an ug pagkaon ug kon sa unsang paagi nawala ang kasadya sa Templo sa Dios.

Jonas 4:7

Apan pagkasunod adlaw, sa mobanag-banag pa lang, gipakaon sa Dios ngadto sa ulod ang tanom ug namatay kini.

Hageo 2:19

Aduna nabay binhi nahabilin sa kamalig? Hangtod karon, ang kaparasan ug ang kahoyng igos, ang granada ug ang kahoyng olibo wala makahatag ug bunga. “ ‘Gikan karon ug hangtod ako magpanalangin kaninyo.’ ”

Malaquias 3:11

“Dili ko tugotan nga kaonon sa peste ang inyong mga pananom. Ug ang inyong mga ubas dili mangalarag,” miingon ang Ginoo nga Makagagahom.

Numeros 13:23

Pag-abot nila sa Walog sa Eshcol, nagputol silag usa ka pungpong sa ubas ug gidayongan kini ug duha ka tawo tungod sa kabug-at niini. Nagdala usab silag mga prutas nga pomegranata ug igos.