Jeremias 9:7 - Ang Pulong sa Dios

⁷ Busa ako, ang  Ginoo nga Makagagahom nag-ingon: “Putlion ko ang akong katawhan ug sulayan ko sila. Kay unsa pa may mahimo ko kanila?

Ang Biblia 2011

⁷ Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Maayong Balita Biblia

⁷ Tungod niini, nag-ingon ang Ginoo nga Labing Gamhanan, “Sama sa puthaw tunawon ko ang akong katawhan aron maputli ug sulayan ko sila. Nagbuhat silag daotan, busa unsa pa may buhaton ko kanila?

Ang Bag-ong Maayong Balita Biblia

⁷ Tungod niini, nag-ingon ang Ginoo nga Labing Gamhanan, “Sama sa puthaw tunawon ko ang akong katawhan aron maputli ug sulayan ko sila. Nagbuhat silag daotan, busa unsa pa may buhaton ko kanila?

Jeremias 9:7 Cross References

2 Samuel 13:26

Miingon si Absalom, “Kon dili ka moadto, si Amnon na lang nga akong igsoon ang paadtoa.” Nangutana ang hari, “Nganong siya man ang gusto mong paadtoon?”

2 Cronicas 36:15

Kanunayng nagpahimangno kanila ang Ginoo, nga Dios sa ilang mga katigulangan, pinaagi sa iyang mga propeta, tungod kay naluoy siya kanila ug sa iyang Templo.

Salmo 120:4

Silotan niya kamo pinaagi sa talinis nga pana sa sundalo ug sa nagdilaab nga baga.

Salmo 55:22

Itugyan sa Ginoo ang imong mga kabalaka, kay tabangan ka niya. Dili niya pasagdan ang mga matarong hangtod sa kahangtoran.

Salmo 62:5

Sa Dios lang ako makaangkon ug kapahulayan kay gihatagan niya akog paglaom.

Isaias 1:25

Silotan ko kamo aron mahinloan kamo, sama sa plata nga tunawon sa kalayo aron mahimong lunsay.

Isaias 48:10

Pamati! Gihinloan ko kamo apan dili sama sa pagputli sa plata. Gihinloan ko kamo pinaagi sa pagpaantos.

Isaias 59:3

Kay natina sa dugo ang inyong kamot, ug naghimog daotan. Bakakon kamo ug nagsultig daotan.

Jeremias 31:20

Mitubag ang  Ginoo, “Kamong katawhan sa Efraim pinalangga ko nga mga anak. Nalipay ako kaninyo. Bisan ug nagsige akog sulti batok kaninyo, naghuna-huna gihapon ako kaninyo. Gimingaw ako ug naluoy gayod kaninyo.

Jeremias 5:1

Miingon ang  Ginoo, “Mga lumulupyo sa Jerusalem, pangadto kamo sa mga kadalanan! Tan-awa ang mga plasa! Kon aduna kamoy makita nga bisan usa lang ka tawong matarong ug kasaligan, pasayloon ko ang inyong siyudad.

Jeremias 6:27

Miingon ang  Ginoo kanako, “Gihimo ka nako nga sama sa tigsulay sa metal aron masulayan mo ang kinaiya sa akong katawhan.

Oseas 4:1

Kamong mga Israelinhon nga nagpuyo sa yuta sa Israel, pamatia ninyo kining akusasyon sa Ginoo batok kaninyo, “Wala nay tawo sa inyong yuta nga nagmatinumanon, naghigugma, ug nag-ila kanako.

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

1 Pedro 1:7

aron masulayan ang inyong pagtuo, sama sa bulawan nga gisulayan sa kalayo aron masayran kon tinuod o dili. Apan mas mahinungdanon ang atong pagtuo kaysa bulawan nga mawala lang. Busa kon mapamatud-an nga ang inyong pagtuo tinuod gayod, dayegon niya kamo ug pasidunggan sa adlaw nga si Jesu-Cristo moabot.

1 Pedro 4:12

Mga hinigugma, ayaw kamo katingala sa masakit nga pagsulay nga moabot kaninyo. Ayaw ninyo isipa nga kahibulongan ang nahitabo kaninyo.