Jeremias 9:8 - Ang Pulong sa Dios

⁸ Ang ilang mga dila daw makamatay nga mga pana. Pulos bakak ang ilang gisulti. Mosulti silag maayo ngadto sa ilang isigka-tawo, apan sulod sa ilang kasing-kasing nagplano sila sa pagdaot kanila.

Ang Biblia 2011

⁸ Ang ilang dila usa ka udyong nga makamatay; kini nagsulti nga malimbongon; pinaagi sa iyang baba ang matag usa nagsulti nga makigdaiton sa iyang isigkatawo, apan diha sa iyang kasingkasing siya naglaraw ug pagpangatang kaniya.

Maayong Balita Biblia

⁸ Ang ilang dila sama sa hait nga mga udyong; mga bakak ang ilang gipanulti. Ang tagsatagsa kanila magsultig pulong sa pakigdait ngadto sa ilang isigkatawo, apan ang tinuod nilang tuyo mao ang pagbitik kaniya.

Ang Bag-ong Maayong Balita Biblia

⁸ Ang ilang dila sama sa hait nga mga udyong; mga bakak ang ilang gipanulti. Ang tagsatagsa kanila magsultig pulong sa pakigdait ngadto sa ilang isigkatawo, apan ang tinuod nilang tuyo mao ang pagbitik kaniya.

Jeremias 9:8 Cross References

2 Samuel 3:27

Sa dihang didto na si Abner sa Hebron, gidala siya ni Joab didto sa may ganghaan sa lungsod aron kunohay magsultihanay nga sila lang duha. Ug didto gidunggab ni Joab si Abner sa tiyan, ug namatay kini. Gihimo kini ni Joab agig balos sa pagpatay ni Abner sa iyang igsoon nga si Asahel.

Salmo 12:2

Ang tanan gabakak sa ilang isigka-tawo. Gilimbongan nila ug giulog-ulogan ang usag usa.

Salmo 12:3

Hinaut pa nga imong pahilomon, Ginoo, ang mga gaulog-ulog sa uban ug ang mga mapasigarbohon

Salmo 120:3

Kamong mga limbongan, unsa kahay isilot sa Dios kaninyo?

Salmo 28:3

Ayaw ako siloti uban sa mga daotan. Nagpakaaron-ingnon sila nga mga higala sila, apan diay nagplano sila ug daotan.

Salmo 35:20

Dili sila mosulti ug maayong mga pulong ngadto sa uban; naghimo hinuon sila ug sugilanon nga walay kamatuoran mahitungod sa mga tawo nga nagpuyo nga malinawon niining lugara.

Salmo 55:21

Malumo ug maayo siyang manulti, apan aduna diay siyay pagdumot sa iyang kasing-kasing. Ug ang iyang mga pulong makapasakit sa pagbati sa uban. Sama kini sa mahait nga espada.

Salmo 57:4

Gilibotan ako sa mga kaaway nga daw sa mga liyon nga andam sa pagkunis-kunis ug tawo. Ang ilang mga ngipon daw mga bangkaw ug mga pana. Ang ilang mga dila daw hait nga mga espada.

Salmo 62:5

Sa Dios lang ako makaangkon ug kapahulayan kay gihatagan niya akog paglaom.

Salmo 64:8

Laglagon sila sa Dios tungod sa ilang gipanulti. Ang tanang makakita kanila magpanglingo.

Mga Panultihon 25:18

Ang tawo nga nagsaksi ug bakak sa iyang isigka-tawo makapasakit nga daw sa espada, bunal, ug pana.

Jeremias 5:26

“Adunay daotang mga tawo diha sa akong katawhan nga nag-atang sa ilang mabiktima, nga daw sama sa tawong nanglit-ag ug langgam. Nagbutang silag lit-ag alang sa ubang mga tawo.

Jeremias 5:9

Dili ba nako sila angayng silotan tungod niini? Dili ba nako angayng balosan ang nasod nga sama niini? Ako, ang  Ginoo, ang nag-ingon niini.

Jeremias 9:3

Miingon ang  Ginoo, “Mga bakak ang naggawas gikan sa mga baba sa akong katawhan, daw mga udyong kini gikan sa pana. Bakak ug dili kamatuoran ang nagpatigbabaw dinhi niini nga yuta. Migrabe na gayod ang ilang pagpakasala, ug wala nila ako ilha.”

Jeremias 9:4

Mao kini ang giingon sa Ginoo: “Pagbantay kamo sa inyong isigka-tawo, ug ayaw kamo pagsalig sa inyong paryente, kay ang matag-usa limbongan ug tigbutang-butang.

Jeremias 9:5

Ang matag-usa manglimbong sa iyang isigka-tawo, ug walay usa nga nagsulti sa tinuod. Naanad na ang ilang dila sa pagpamakak, ug nahago sila sa pagpakasala.

Miqueas 6:12

Bangis ang mga adunahan diha kaninyo ug tanan kamo limbongan ug bakakon.