Jeremias 9:2 - Ang Pulong sa Dios

² Kon aduna lang unta akoy kadayonan didto sa disyerto aron makapalayo ako sa akong mga katagilungsod. Kay maluibon silang tanan sa Ginoo. Sama sila sa mga babayeng mananapaw.

Ang Biblia 2011

² Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Maayong Balita Biblia

² Maayo untag may kapuy-an pa ako didto sa kamingawan, aron mopahilayo ako sa akong katawhan nga mga maluibon.

Ang Bag-ong Maayong Balita Biblia

² Maayo untag may kapuy-an pa ako didto sa kamingawan, aron mopahilayo ako sa akong katawhan nga mga maluibon.

Jeremias 9:2 Cross References

Isaias 59:3

Kay natina sa dugo ang inyong kamot, ug naghimog daotan. Bakakon kamo ug nagsultig daotan.

Jeremias 12:1

O Ginoo, kanunay mo akong gihatagan sa hustisya kon aduna akoy dad-on nga reklamo diha kanimo. Apan aduna akoy pangutana bahin sa imong hustisya: Nganong gauswag man ang mga tawong daotan? Nganong nagkinabuhi man nga hayahay ang mga tawong nagluib kanimo?

Jeremias 12:6

Bisan ang imong igsoon ug mga paryente nagluib kanimo. Nagplano silag daotan batok kanimo. Ayawg salig kanila bisan pag maayo ang ilang isulti bahin kanimo.

Jeremias 13:22

Mangutana ka sa imong kaugalingon, “Nganong nahitabo kini kanako?” Gilaglag ka ug nahisama sa usa ka babayeng gipanamastamasan tungod sa imong daghang mga sala.

Jeremias 23:10

Napuno gayod ang yuta sa mga tawong nagsimba sa mga dios-dios, kay ang mga propeta naghimog daotan ug nag-abuso sa ilang gahom. Tungod niini, gitunglo sa Ginoo ang yuta, busa nagmala kini ug nangalaya ang mga tanom.

Jeremias 4:22

Miingon ang  Ginoo, “Buang-buang ang akong katawhan. Wala sila makaila kanako. Sama sila sa mga batang walay panabot. Hanas silang mohimo ug daotan; dili sila mahibalong mobuhat ug maayo.”

Jeremias 5:1

Miingon ang  Ginoo, “Mga lumulupyo sa Jerusalem, pangadto kamo sa mga kadalanan! Tan-awa ang mga plasa! Kon aduna kamoy makita nga bisan usa lang ka tawong matarong ug kasaligan, pasayloon ko ang inyong siyudad.

Jeremias 5:11

Ang katawhan sa Israel ug sa Juda dili na gayod matinud-anon kanako. Ako, ang  Ginoo, ang nag-ingon niini.

Jeremias 5:2

Bisan ug manumpa kamo sa akong ngalan, gabakak lang gihapon kamo.”

Oseas 4:2

Ang pagpanunglo, pagpamakak, pagpatay, pagpangawat ug pagpanapaw mao na hinuon ang inyong ginahimo. Miabot na kini bisan asa, ug nagsunodsunod na ang pagpinatyanay.

Oseas 5:7

Giluiban ninyo ako kay ang inyong mga anak dili akoa. Busa karon, laglagon ko kamo ug ang inyong mga yuta sa usa lang ka bulan.

Oseas 6:7

Sama kang Adan, gipakawalay-bili ninyo ang akong kasabotan kaninyo. Nagluib kamo kanako diha sa inyong dapit.

Oseas 7:4

Maluibon silang tanan. Sama sila sa labihan kainit nga pugon nga dili na kinahanglan sugnoran sa panadero gikan sa pagmasa sa harina hangtod sa pagtubo.

Miqueas 6:12

Bangis ang mga adunahan diha kaninyo ug tanan kamo limbongan ug bakakon.

Sofonias 3:4

Ang iyang mga propeta walay mga prinsipyo; malipoton silang katawhan. Ang iyang kaparian nagpasipala sa balaang puloy-anan ug naghimo silag kadaotan sa balaod.

Malaquias 2:11

Nagluib ang mga taga-Juda; naghimo sila ug mangil-ad nga butang sa Jerusalem ug sa tibuok nga nasod sa Israel. Kay gihugawan nila ang Templo nga gihigugma sa Ginoo pinaagi sa pagpangasawa sa mga babayeng nagsimba sa laing mga dios.

Malaquias 2:14

Mangutana pa kamo kon nganong wala na niya tagda ang inyong mga halad. Kana tungod kay saksi ang  Ginoo nga nagluib kamo sa inyong asawa nga inyong gipakaslan sa batan-on pa kamo. Gilapas ninyo ang inyong kasabotan sa inyong asawa nga magmatinud-anon kamo kanila.

Santiago 4:4

Dili kamo matinud-anon sa Dios. Sama kamo sa babayeng mananapaw. Wala ba kamo masayod nga kon palabihon ninyo ang mga butang dinhi sa kalibotan, kaaway kamo sa Dios? Busa gihimo ninyo ang inyong kaugalingon nga kaaway sa Dios kon gipalabi ninyo ang mga butang dinhi sa kalibotan.

Mga Maghuhukom 2:10

Sa dihang nangamatay na ang mga tawo niadto nga henerasyon, ang nagsunod nga henerasyon wala na makaila sa Ginoo ug walay nasayran sa gipanghimo sa Ginoo alang sa Israel.