Jeremias 8:1 - Ang Pulong sa Dios

¹ Nagpadayon sa pagsulti ang  Ginoo, “Nianang adlawa, panghabwaon gikan sa mga lubnganan ang mga bukog sa mga hari ug sa mga opisyal sa Juda, apil ang mga bukog sa mga pari, sa mga propeta, ug sa katawhan sa Jerusalem.

Ang Biblia 2011

¹ “Nianang panahona, nag-ingon ang Ginoo, ang mga bukog sa mga hari sa Juda, ang mga bukog sa iyang mga pangulo, ang mga bukog sa mga pari, ang mga bukog sa mga propeta, ug ang mga bukog sa mga nagpuyo sa Jerusalem kuhaon gikan sa ilang lubnganan.

Maayong Balita Biblia

¹ “Niadtong adlawa, kubkobon gikan sa ilang gilubngan ang mga bukog sa mga hari ug sa mga kadagkoan sa Juda, ingon man sa mga pari, sa mga propeta ug sa uban pang katawhan sa Jerusalem. Ako, ang Ginoo, ang nagsulti niini.

Ang Bag-ong Maayong Balita Biblia

¹ “Niadtong adlawa, kubkobon gikan sa ilang gilubngan ang mga bukog sa mga hari ug sa mga kadagkoan sa Juda, ingon man sa mga pari, sa mga propeta ug sa uban pang katawhan sa Jerusalem. Ako, ang Ginoo, ang nagsulti niini.

Jeremias 8:1 Cross References

1 Mga Hari 13:2

Gisugo sa Ginoo ang iyang alagad nga panghimaraoton kadto nga halaran. Miingon siya, “Mao kini ang giingon sa Ginoo bahin niini nga halaran: Adunay matawo nga usa ka bata sa panimalay ni David nga ang iyang ngalan si Josia. Pamatyon niya ug ihalad niini nga halaran ang mga pari nga nag-alagad sa mga simbahanan diha sa habog nga mga dapit ug ang gahalad niini nga halaran. Mangasunog ang ilang mga bukog dinhi niini nga halaran.”

2 Mga Hari 23:16

Samtang nagtan-aw tan-aw siya sa palibot, nakita niya ang mga lubnganan sa kilid sa bungtod. Gipakuha niya ang mga bukog gikan sa mga lubnganan ug gisunog niya didto sa halaran sa Betel sa pagtamastamas niini. Nahitabo kini sumala sa giingon sa Ginoo pinaagi sa iyang alagad nga mitagna niining mga butanga.

2 Mga Hari 23:20

Gipamatay niya ang tanang mga pari nga nag-alagad niadtong mga simbahanan, didto mismo sa mga halaran. Ug nagsunog siya ug mga bukog sa tawo niadto nga mga halaran sa pagpanamastamas niini. Unya mibalik siya sa Jerusalem.

2 Mga Hari 9:37

Magkatag ang iyang lawas didto nga daw tae ug wala nay makaila kaniya.’ ”

Salmo 53:5

Apan mangalisang sila. Bation nila ang kahadlok nga wala pa gayod nila sukad masinati, tungod kay katagon sa Dios ang ilang kabukogan. Pakaulawan ninyo sila, tungod kay gisalikway sila sa Dios.

Jeremias 14:16

Ug mahitungod sa mga tawo nga ilang gisultihan sa ilang mga mensahe, ipanglabay ang ilang mga patayng lawas diha sa mga kadalanan sa Jerusalem. Mangamatay sila tungod sa gira ug kagutom. Walay molubong kanila, sa ilang mga asawa, ug sa ilang mga kabataan. Ipatagamtam ko kanila ang silot nga angay kanila.

Ezequiel 37:1

Unya gigamhan ako sa Ginoo ug gidala ako sa iyang Espiritu ngadto sa taliwala sa walog nga adunay daghang mga bukog.

Ezequiel 6:4

Mangaguba ang inyong mga halaran apil na ang mga halaran nga sunoganan sa mga insenso, ug pamatyon ko ang inyong mga nagpuyo atubangan sa inyong mga dios-dios.

Ezequiel 6:5

Ibutang ko ang inyong mga patay nga lawas atubangan sa inyong mga dios-dios ug katagon ko ang inyong mga bukog palibot sa inyong mga halaran.

Amos 2:1

Mao kini ang gisulti sa Ginoo bahin sa Moab: “Tungod sa padayon nga pagpakasala sa mga taga-Moab, silotan ko gayod sila. Kay gisunog nila ang mga bukog sa hari sa Edom hangtod nga naabo kini.