Jeremias 7:34 - Ang Pulong sa Dios

³⁴ Undangon ko ang kamaya ug kasadya diha sa kadalanan sa Jerusalem. Ang malipayon nga tingog sa bag-ong kasal dili na madunggan diha sa mga lungsod sa Juda. Kay mahimong awaaw kining yutaa.”

Ang Biblia 2011

³⁴ Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Maayong Balita Biblia

³⁴ Ang maong yuta mahimo nang usa ka diserto ug didto sa mga siyudad sa Juda ug sa kadalanan sa Jerusalem wala nay madungog nga pagmaya ug hudyaka ug wala nay mabati pang tingog sa mga bag-ong minyo.

Ang Bag-ong Maayong Balita Biblia

³⁴ Ang maong yuta mahimo nang usa ka diserto ug didto sa mga siyudad sa Juda ug sa kadalanan sa Jerusalem wala nay madungog nga pagmaya ug hudyaka ug wala nay mabati pang tingog sa mga bag-ong minyo.

Jeremias 7:34 Cross References

Job 3:7

Wala na lang unta ako ipakatawo niadtong gabhiona, ug wala untay nagmaya niadto nga higayon.

Salmo 78:63

Gilamoy sa kalayo ang ilang batan-ong mga lalaki, busa wala nay mabana ang ilang mga dalaga.

Isaias 1:7

Naawaaw ang inyong nasod; ang inyong mga lungsod nangasunog. Samtang nagtan-aw kamo, panguhaon sa mga langyaw ang mga bunga sa mga tanom diha sa inyong uma. Pasipad-an nila ang inyong kaumahan hangtod nga dili na kini mapuslan.

Isaias 3:26

Adunay pagbangotan ug paghilak diha sa mga ganghaan sa siyudad sa Zion. Ug ang siyudad mahisama sa usa ka babayeng nagyaka sa yuta, nga nawad-an sa tanan niyang kabtangan.

Isaias 6:11

Nangutana ako, “Unsa kadugay, Ginoo?” Mitubag siya, “Hangtod nga magun-ob ang mga lungsod sa Israel ug wala nay tawo. Hangtod nga wala nay mopuyo sa mga balay ug ang yuta malaglag sa hingpit.

Jeremias 16:9

Kay ako, ang  Ginoo nga Makagagahom, ang Dios sa Israel nag-ingon: ‘Undangon ko ang kamaya ug kasadya niining lugara, lakip ang kasadya sa mga bag-ong kinasal. Ug makita mo kini nga mahitabo sa imo mismong kapanahonan.’

Jeremias 22:6

Kay mao kini ang gisulti sa Ginoo bahin sa palasyo sa hari sa Juda: “Alang kanako, sama ikaw katahom sa Gilead o sa tumoy sa bukid sa Lebanon. Apan himuon ka nako nga sama sa disyerto, sama sa lungsod nga walay nagpuyo.

Jeremias 25:10

Undangon ko ang inyong pagsadya ug paglipay. Dili na madungog ang malipayong tingog sa bag-ong kasal. Wala nay maggaling ug trigo o mopasiga sa mga suga kon gabii.

Jeremias 27:17

Ayaw kamo paminaw kanila. Alagari ninyo ang hari sa Babilonia, ug padayon kamo nga mabuhi. Nganong pasagdan man nga malaglag kining siyudara!

Jeremias 33:10

Nagpadayon ang  Ginoo sa pag-ingon, “Nag-ingon kamo nga awaaw ang Juda ug Jerusalem ug wala nay mga tawo ug mga mananap nga nagpuyo niini. Apan moabot ang adlaw nga madungog na usab dinhi niining dapita

Jeremias 33:11

ang mga kalipay ug kasadya. Madungog ang paglipay sa bag-ong kasal ug sa mga tawo nga nagdalag mga halad sa pagpasalamat ngadto sa balay sa Ginoo, moingon sila, “Pasalamati ninyo ang  Ginoo nga Makagagahom, kay maayo kaayo siya. Ang iyang gugma walay kataposan.” Oo, maglipay ang mga tawo kay ibalik ko ang kanhing maayong kahimtang niini nga yuta. Ako, ang  Ginoo, ang nag-ingon niini.

Jeremias 4:26

Nakita ko nga ang tabunok nga yuta nahimong disyerto. Ang tanang lungsod nalaglag tungod sa labihan nga kasuko sa Ginoo.

Jeremias 4:27

Mao kini ang giingon sa Ginoo, “Ang tibuok kayutaan mangaguba, apan dili ko kini laglagon sa hingpit.

Jeremias 44:6

Busa gipatagamtam ko kanila ang akong labihan nga kasuko. Daw sa kalayo kini nga milamoy sa mga lungsod sa Juda apil na ang Jerusalem, ug nahimo kining awaaw hangtod karon.

Mga Pagbangotan 5:14

Ang mga tigulang wala na manglingkod sa ganghaan sa siyudad sa paghatag ug tambag. Ug ang mga batan-ong lalaki miundang na sa pagtukar ug mga honi.

Ezequiel 26:13

Paundangon ko ang inyong mga pag-awit ug ang pagtukar sa inyong mga harpa.

Ezequiel 7:11

Ang ilang kabangis mobalik kanila ingon nga silot sa ilang pagkadaotan. Walay mahibilin kanila. Ang tanan nilang bahandi mawala.

Oseas 2:11

Undangon ko ang iyang paglipay ug ang tanan niyang mga kasaulogan: ang Pista sa Pagsugod sa Bulan, mga Adlaw nga Igpapahulay, ug ang tanang gitakda nga mga kasaulogan sa tuig.

Oseas 2:13

Silotan ko siya tungod sa mga higayon nga nagsunog siyag insenso isip halad ngadto sa mga imahen ni Baal. Nagsul-ob siya ug mga alahas ug migukod sa iyang mga laki, apan ako gikalimtan niya,” miingon ang  Ginoo niini.

Levitico 26:33

Padad-an ko kamo ug gira nga moguba sa inyong dapit apil na ang mga lungsod niini. Ug ipatibulaag ko kamo ngadto sa laing mga nasod.

Miqueas 7:13

Maawaaw ang mga nasod sa kalibotan tungod sa kadaotan sa mga lumulupyo niini.

Gipadayag 18:23

Dili na gayod modan-ag ang suga alang kanimo. Ang malipayong tingog sa bag-ong kinasal dili na gayod madungog. Kaniadto ginatahod ka sa mga negosyante sa tibuok kalibotan Kay sa imong salamangka nalimbongan ang tanan.