Jeremias 5:8 - Ang Pulong sa Dios

⁸ Sama sila sa mga inatiman nga laking kabayo nga labihan ka higal. Matag-usa kanila nangibog sa asawa sa uban.

Ang Biblia 2011

⁸ Sila mga maayong pagkagalam nga mga laking kabayo nga higal, ang matag usa nagbahihi alang sa asawa sa iyang silingan.

Maayong Balita Biblia

⁸ Nahisama sila sa laking kabayo nga maayong pagkagalam ug higal kaayo, nga mangita gayod sa asawa sa lain.

Ang Bag-ong Maayong Balita Biblia

⁸ Nahisama sila sa laking kabayo nga maayong pagkagalam ug higal kaayo, nga mangita gayod sa asawa sa lain.

Jeremias 5:8 Cross References

Genesis 39:9

Gihatagan niya ako sa labawng katungod dinhi niini nga panimalay, ug gitugyan niya kanako ang tanan gawas lang kanimo tungod kay ikaw iyang asawa. Busa dili ko mahimong budhian ang akong agalon ug magpakasala sa Dios.”

Job 31:9

“Kon natintal ako sa babaye o nakagusto sa asawa sa akong silingan,

Exodo 20:14

Ayaw kamo panapaw.

Exodo 20:17

Ayaw kamo kaibog sa balay sa inyong isigka-tawo, o sa iyang asawa, mga ulipon, mga baka o asno, o sa bisan unsa nga anaa kaniya.”

Mga Panultihon 6:29

Mao kana nga kon makighilawas ka sa asawa sa uban, silotan ka!

Jeremias 13:27

Nakita ko ang inyong ngil-ad nga mga buhat nga mao ang pagsimba sa mga dios-dios diha sa mga bungtod ug sa kaumahan. Nahisama kamo sa babayeng mananapaw nga nalabihan sa kauwag, o sa walay ulaw nga babayeng nagbaligya sa iyang dungog. Alaot kamo, mga taga-Jerusalem! Hangtod kanus-a kamong magpabiling mahugaw?”

Jeremias 23:10

Napuno gayod ang yuta sa mga tawong nagsimba sa mga dios-dios, kay ang mga propeta naghimog daotan ug nag-abuso sa ilang gahom. Tungod niini, gitunglo sa Ginoo ang yuta, busa nagmala kini ug nangalaya ang mga tanom.

Jeremias 29:23

Mahitabo kini kanila kay naghimo silag mga binuang diha sa Israel. Nanapaw sila ug namakak ginamit ang akong ngalan. Wala ko gayod sila sugoa pagbuhat niini. Nasayod ako niining ilang gibuhat ug makapamatuod ako niini. Ako, ang  Ginoo, ang nag-ingon niini.”

Jeremias 50:11

“Katawhan sa Babilonia, giilogan ninyo sa mga kabtangan ang katawhan nga akong gipanag-iyahan. Naglipay kamo ug nagsadya nga daw mga dumalagang baka sa sabsabanan o sa laking kabayo nga nagbahihi.

Jeremias 9:2

Kon aduna lang unta akoy kadayonan didto sa disyerto aron makapalayo ako sa akong mga katagilungsod. Kay maluibon silang tanan sa Ginoo. Sama sila sa mga babayeng mananapaw.

Ezequiel 22:11

Adunay nakighilawas sa asawa sa uban, o sa iyang umagad nga babaye, o sa iyang igsoon nga babaye.

Deuteronomio 5:18

Ayaw kamo panapaw.

Deuteronomio 5:21

Ayaw kamo kaibog sa asawa sa inyong isigka-tawo o sa iyang balay, yuta, mga sulugoon, mga kahayopan, o sa bisan unsa nga anaa kaniya.’