Jeremias 19:3 - Ang Pulong sa Dios

³ Mao kini ang imong isulti, ‘Kamong mga hari sa Juda ug katawhan sa Jerusalem, paminawa ang mensahe sa Ginoo nga Makagagahom, ang Dios sa Israel. Mao kini ang iyang giingon: Magpadala akog kalaglagan niini nga dapit nga makapakurat gayod sa bisan kinsa nga makadungog niini.

Ang Biblia 2011

³ Ikaw mag-ingon, ‘Pamatia ninyo ang pulong sa Ginoo, O mga hari sa Juda ug mga lumulupyo sa Jerusalem. Mao kini ang giingon sa Ginoo sa mga panon, ang Dios sa Israel: Ako magpadala ug kadaot niining dapita, aron ang mga dalunggan sa matag usa nga makadungog niini mogilok.

Maayong Balita Biblia

³ Gisugo ako sa Ginoo nga ingnon ko ang katawhan, “Pamati kamong mga hari sa Juda ug katawhan sa Jerusalem sa akong isulti. Ang Ginoo nga Labing Gamhanan, ang Dios sa Israel nag-ingon: Padad-an ko kining dapita ug matang sa katalagman nga makabungog sa dalunggan sa tanan.

Ang Bag-ong Maayong Balita Biblia

³ Gisugo ako sa Ginoo nga ingnon ko ang katawhan, “Pamati kamong mga hari sa Juda ug katawhan sa Jerusalem sa akong isulti. Ang Ginoo nga Labing Gamhanan, ang Dios sa Israel nag-ingon: Padad-an ko kining dapita ug matang sa katalagman nga makabungog sa dalunggan sa tanan.

Jeremias 19:3 Cross References

Salmo 102:15

Ang kanasoran motahod sa Ginoo; ang tanang hari sa kalibotan motahod sa iyang gahom.

Salmo 110:5

Ang Ginoo nag-uban kanimo; laglagon niya ang mga hari sa panahon nga ipakita niya ang iyang kasuko.

Salmo 2:10

Busa, kamong mga hari ug mga pangulo sa kalibotan, sabta ninyo kining mga pulonga, ug pamatia ninyo ang mga pasidaan batok kaninyo.

Isaias 28:19

Moabot kini kanunay matag adlaw, buntag ug gabii, ug malaglag gayod kamo niini.” Malisang gayod kamo kon masabtan ninyo kini nga mensahe.

Jeremias 13:18

Gisugo ako sa Ginoo nga ingnon ang hari ug ang iyang inahan nga manaog na gikan sa ilang trono kay kuhaon na gikan kanila ang ilang matahom nga mga korona.

Jeremias 17:20

Unya ingna ang mga tawo, ‘Paminawa ninyo ang mensahe sa Ginoo, kamong mga hari ug katawhan sa Juda, apil na kamong nagpuyo sa Jerusalem nga ga-agi niini nga ganghaan.

Jeremias 18:11

“Busa ingna ang katawhan sa Juda ug ang mga lumulupyo sa Jerusalem nga mao kini ang akong gisulti: ‘Paminaw! Aduna akoy kalaglagan nga giandam ug giplano batok kaninyo. Busa biya na kamo sa inyong mga daotang gawi. Usba na ninyo ang inyong mga batasan ug binuhatan.’

Jeremias 19:15

“Paminaw kamo, kay mao kini ang giingon sa Ginoo nga Makagagahom, ang Dios sa Israel: Ipadala ko niini nga siyudad ug sa mga lungsod sa palibot niini ang mga kalaglagan, nga akong giingon batok kanila, tungod kay gahi silag ulo ug dili maminaw sa akong mga pulong.”

Jeremias 25:29

Tan-awa! Gisugdan ko na gani ang pagpadala ug kalaglagan sa Jerusalem, ang siyudad nga akong gipili alang sa akong kadungganan, kamo pa kaha ang dili ko silotan? Silotan ko gayod kamo! Kay maggira ang tanang nasod sa tibuok kalibotan. Ako, ang  Ginoo nga Makagagahom, ang nag-ingon niini.’

Jeremias 35:17

Busa ako, ang Ginoong Dios nga Makagagahom, ang Dios sa Israel nag-ingon: Paminaw kamong mga katawhan sa Jerusalem ug sa ubang bahin sa Juda! Ipahamtang ko kaninyo ang tanang katalagman nga akong giingon nga ipadala ko kaninyo. Nakigsulti ako kaninyo apan wala kamo mamati; nanawag ako kaninyo apan wala kamo motubag.”

Jeremias 44:3

tungod sa kadaotang gihimo sa ilang mga lumulupyo. Gipalagot nila ako pinaagi sa pagsunog ug insenso ug pagsimba sa ubang mga dios nga wala gani nila o sa ilang mga katigulangan mailhi.

Jeremias 6:19

Pamati, O kalibotan! Magpadala akog kalaglagan niini nga mga tawo ingon nga silot sa ilang daotang mga plano. Kay wala nila hatagig pagtagad ang akong mga pulong ug gisalikway nila ang akong kasugoan.

Ezequiel 7:5

“Ako, ang Ginoong Dios, nag-ingon: “Moabot ang sunod-sunod nga kalaglagan.

Mateo 10:18

Isumbong kamo sa mga gobernador ug mga hari tungod sa inyong pagsunod kanako, ug didto makasangyaw kamo sa Maayong Balita kanila ug sa uban pang dili Judio.

Gipadayag 2:29

“Ang naminaw kinahanglan nga maghuna-huna kon unsa ang giingon sa Espiritu ngadto sa mga iglesia.”

1 Samuel 3:11

Miingon ang Ginoo, “Hinumdomi kini, sa dili madugay aduna akoy himuon sa Israel. Ang tanang makadungog niini mahadlok gayod.