Jeremias 19:2 - Ang Pulong sa Dios

² pangadto kamo sa Walog sa Ben Hinom, duol sa Ganghaan sa Buak nga Kolon. Ug didto ipahayag ang akong isulti kanimo.

Ang Biblia 2011

² ug lakaw ngadto sa walog sa anak ni Hinom, sa agianan sa Ganghaan sa mga Buak nga Banga ug ipahibalo didto ang mga pulong nga akong isulti kanimo.

Maayong Balita Biblia

² aron sa pag-adto sa gawas sa ganghaan nga ginganlag Ganghaan sa mga Buak nga Tadyaw didto sa Walog sa Hinom. Didto gipasangyaw sa Ginoo kanako ang iyang gisulti kanako.

Ang Bag-ong Maayong Balita Biblia

² aron sa pag-adto sa gawas sa ganghaan nga ginganlag Ganghaan sa mga Buak nga Tadyaw didto sa Walog sa Hinom. Didto gipasangyaw sa Ginoo kanako ang iyang gisulti kanako.

Jeremias 19:2 Cross References

2 Mga Hari 23:10

Gipaguba usab ni Haring Josia ang halaran sa Tofet, sa Walog sa Ben Hinom, aron wala na didtoy maghalad sa iyang anak sa kalayo alang kang Molec.

2 Cronicas 28:3

Nagsunog siyag mga halad sa Walog sa Ben Hinom, ug ang iya mismong mga anak gihalad niya sa kalayo. Gisunod niya ang mangil-ad nga mga buhat sa mga nasod nga gipaabog sa Ginoo sa mga Israelinhon.

2 Cronicas 33:6

Gihalad niya ang iyang mga anak sa kalayo didto sa Walog sa Ben Hinom. Gibuhat usab niya ang mga buluhaton sa mga babaylan, manalagna, mamarang ug mga espiritista. Labihan gayod ang iyang pagpakasala atubangan sa Ginoo, ug nakapasuko kini sa Ginoo.

Nehemias 3:29

Ang sunod kanila mao si Sadok nga anak ni Imer. Giayo niya ang bahin sa paril nga anaa atubangan sa iyang balay. Ang sunod kaniya mao ang anak ni Shecania nga si Shemaya, nga tigbalantay sa Ganghaan sa Sidlakan.

Jeremias 1:7

Apan miingon ang  Ginoo kanako, “Ayaw pag-ingon nga batan-on ka pa. Kinahanglan nga moadto ka bisan asa ka nako ipadala, ug isulti mo ang bisan unsa nga ipasulti ko kanimo.

Jeremias 11:6

Miingon pag-usab ang  Ginoo kanako, “Ipahibalo kini nga mga mensahe ngadto sa mga lungsod sa Juda ug sa mga kadalanan sa Jerusalem: ‘Hinumdomi ninyo ug tumana ang mga lagda niini nga kasabotan.

Jeremias 18:2

“Lakaw sa balay sa tighimog kolon, ug didto isulti ko kanimo ang akong mensahe.”

Jeremias 3:12

Karon, lakaw ug isulti kini nga mensahe ngadto sa Israel, “Ako, ang  Ginoo, nag-ingon: Balik kanako, maluibon nga Israel, kay maluloy-on ako. Dili na ako masuko kanimo hangtod sa kahangtoran.

Jeremias 32:35

Nagpatukod silag mga simbahanan alang kang Baal didto sa Walog sa Ben Hinom aron paghalad sa ilang mga anak kang Molec. Wala gayod ako magsugo niini kanila. Wala gani ako maghuna-huna nga buhaton nila kining mangil-ad nga mga butang nga nahimong hinungdan sa pagpakasala sa katawhan sa Juda.

Jeremias 7:2

“Tindog sa ganghaan sa akong Templo ug isulti kini nga mensahe: “ ‘Paminaw kamo nga katawhan sa Juda nga nagsulod dinhi sa pagsimba sa Ginoo.

Jonas 3:2

Miingon siya, “Adto sa dakong siyudad sa Nineve, ug isangyaw sa mga tawo didto ang mensahe nga gihatag ko kanimo.”

Mateo 10:27

Ang mga butang nga kaninyo ko lang gisulti, isulti ninyo sa tanan. Ug ang akong gihunghong kaninyo, isangyaw ninyo sa katawhan.

Mga Buhat 20:27

Kay wala gayod akoy gitago kaninyo mahitungod sa tibuok nga katuyoan ug plano sa Dios.

Mga Buhat 5:20

“Adto kamo didto sa templo ug tudloi ninyo ang mga tawo mahitungod sa bag-ong kinabuhi nga gihatag sa Dios.”

Josue 15:8

Gikan didto mipaingon kini sa Walog sa Ben Hinom subay sa mga bakilid sa habagatan sa siyudad sa mga Jebusihanon (kini nga siyudad mao ang Jerusalem). Unya, mitungas kini ngadto sa tumoy sa bukid atbang sa kasadpan sa Walog sa Ben Hinom, sa tumoy sa amihan sa Walog sa Refaim.