Jeremias 12:4 - Ang Pulong sa Dios

⁴ Hangtod kanus-a magpabilin nga uga ang yuta ug laya ang mga sagbot sa tanang kaumahan? Nangamatay ang mga hayop ug ang mga langgam tungod sa pagkadaotan sa mga katawhan nga nagpuyo sa mao nga yuta. Kay nag-ingon sila, “Wala manghilabot ang Dios sa atong dangatan.”

Ang Biblia 2011

⁴ Hangtod kanus-a ba ang yuta magsubo, ug mangalaya ang mga sagbot sa tanang yuta? Kay tungod sa pagkadaotan sa mga nagpuyo didto, ang mga mananap ug ang mga langgam nangahanaw tungod kay ang mga tawo miingon, “Siya dili makakita sa atong binuhatan.”

Maayong Balita Biblia

⁴ Magsigi na ba lang ug hulaw nga nangalaya na man ang kasagbotan? Himatyon na ang mga mananap ingon man ang mga langgam, tungod sa pagkadaotan sa katawhan nga namuyo niining nasora, katawhan nga nag-ingon, “Wala siya masayod sa atong binuhatan.”

Ang Bag-ong Maayong Balita Biblia

⁴ Magsigi na ba lang ug hulaw nga nangalaya na man ang kasagbotan? Himatyon na ang mga mananap ingon man ang mga langgam, tungod sa pagkadaotan sa katawhan nga namuyo niining nasora, katawhan nga nag-ingon, “Wala siya masayod sa atong binuhatan.”

Jeremias 12:4 Cross References

Salmo 107:34

Gihimo niyang walay pulos ang maayo nga yuta, tungod sa pagkadaotan sa mga namuyo niini.

Salmo 50:21

Sa dihang gihimo ninyo kining mga butanga, nagpakahilom lang ako, ug naghuna-huna kamo nga sama ako kaninyo. Apan karon badlongon ko kamo, ug ipakita ko kaninyo kon unsa kamo kadaotan.

Isaias 24:4

Momala ug mogahi ang yuta. Maluya ang mga tawo sa tibuok kalibotan, apil ang dungganon nga mga tawo.

Isaias 24:6

Busa panghimaraoton sa Dios ang kalibotan, ug manubag ang mga lumulupyo niini tungod sa ilang mga sala. Sunogon sila, ug gamay lang ang mahibilin kanila.

Jeremias 12:11

Gihimo nila kining usa ka dapit nga dili na mapuslan sa akong atubangan. Nahimo kining awaaw, kay wala may nagtagad niini.

Jeremias 14:2

“Nagbangotan ang Juda. Huyang na ang mga tawo sa iyang mga lungsod. Nangyaka sa yuta ang iyang mga lumulupyo tungod sa kasubo, ug madungog ang mga pagtiyabaw gikan sa Jerusalem.

Jeremias 23:10

Napuno gayod ang yuta sa mga tawong nagsimba sa mga dios-dios, kay ang mga propeta naghimog daotan ug nag-abuso sa ilang gahom. Tungod niini, gitunglo sa Ginoo ang yuta, busa nagmala kini ug nangalaya ang mga tanom.

Jeremias 4:25

Nakita ko usab nga wala nay mga tawo, ug ang tanang langgam nanglupad na.

Jeremias 4:28

Ang kalibotan magsubo ug ang kalangitan mongitngit, kay nasulti ko na ang silot, ug dili ko na kini bakwion pa. Nakahukom na ako ug dili na mausab ang akong huna-huna.”

Jeremias 5:13

Ang mga propetang walay pulos ug ang ilang mga mensahe wala maggikan sa Dios. Hinaut pa nga mahitabo kanila ang mga kalaglagan nga ilang gipangtagna.’ ”

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Jeremias 7:20

“Busa ako, ang Ginoong Dios nag-ingon: Ipatagamtam ko ang labihan kong kasuko niining dapita, ngadto sa mga tawo, sa mga kahayopan, sa mga kahoy, ug sa mga abot sa yuta. Ang akong kasuko sama sa kalayo nga dili mapalong.”

Jeremias 9:10

Miingon ako: Magminatay ako alang sa mga bukid. Magbangotan ako alang sa mga sabsabanan sa kamingawan. Kay naawaaw na kini ug wala nay nangagi niini. Dili na madungog ang pag-inga sa mga baka, ug mipalayo na ang mga langgam ug ang ihalas nga mga iro.

Jeremias 9:9

Dili ko ba diay sila silotan tungod niini? Dili ko ba diay panimaslan ang nasod nga sama niini? Ako, ang  Ginoo, ang nag-ingon niini.”

Oseas 4:3

Tungod niini nagmala ang inyong yuta ug nangamatay ang tanang nagpuyo niini, apil ang tanang klasi sa mga mananap nga naglakaw, naglupad, ug naglangoy.

Joel 1:18

Nag-agulo ang mga mananap tungod sa kagutom. Naglibot-libot ang mga baka kay wala na silay sibsiban; bisan pa ang mga karnero nag-antos.

Amos 1:2

Miingon siya, “Nagdahunog ang tingog sa Ginoo gikan sa Zion; naglanog kini gikan sa Jerusalem. Ug tungod niini nangalaya ang mga sagbot sa sibsiban sa mga magbalantay sa mga karnero apil ang mga tanom sa ibabaw sa Bukid sa Carmel.”

Habacuc 3:17

Bisan kung ang kahoyng igera dili na mamulak, ug wala nay ubas sa kaparasan, bisan kon ang abot sa olibo mapakyas ug ang kayutaan dili na mohatag sa iyang pagkaon, bisan kon wala nay karnero diha sa toril, ug wala nay baka sa iyang butanganan,

Zacarias 1:12

Unya ang anghel sa Ginoo miingon, “Ginoo nga Makagagahom, hangtod kanus-a nimo ihikaw ang imong kaluoy sa Jerusalem ug sa mga lungsod sa Juda, nga imong gikalagotan sulod niining setenta ka mga katuigan?”

Roma 8:22

Nasayran nato nga hangtod karon ang tanan nga binuhat sa Dios nag-agulo sa kasakit sama sa babaye nga manganakay.