Jeremias 12:3 - Ang Pulong sa Dios

³ Apan nakaila ka kanako, O Ginoo. Nakita mo ang akong mga binuhatan ug gisusi mo ang akong kasing-kasing. Guyora kining mga tawhana nga daw gaguyod ka ug mga karnerong ihawonon. Igahin sila alang sa adlaw sa pag-ihaw.

Ang Biblia 2011

³ Apan ikaw, O Ginoo, nakaila kanako; ikaw nakakita kanako, ug nagsulay sa akong kasingkasing nganha kanimo. Guyora sila sama sa mga karnero nga ihawonon, ug igahin sila alang sa adlaw sa pag-ihaw

Maayong Balita Biblia

³ Apan nasayod ka kanako, O Ginoo, nahibalo ka sa akong gibuhat ug nakita mo nga gimahal ko ikaw. Guyora kining mga tawhana sama sa mga karnero nga ihawonon. Laminga sila hangtod nga sila ihawon na.

Ang Bag-ong Maayong Balita Biblia

³ Apan nasayod ka kanako, O Ginoo, nahibalo ka sa akong gibuhat ug nakita mo nga gimahal ko ikaw. Guyora kining mga tawhana sama sa mga karnero nga ihawonon. Laminga sila hangtod nga sila ihawon na.

Jeremias 12:3 Cross References

2 Mga Hari 20:3

Miingon siya, “Ginoo, hinumdomi nga nagkinabuhi ako nga matinumanon kanimo ug nag-alagad sa kinasing-kasing, ug gibuhat ko ang tanan nga makalipay kanimo.” Ug mihilak siya ug kusog.

1 Cronicas 29:17

Dios ko, nahibalo ako nga ginasusi mo ang among kasing-kasing ug malipay ka kon makita mo nga matarong kini. Nasayod ka nga matinud-anon ako ug maayo ang akong tuyo sa paghatag niining mga butanga. Ug nakita ko nga malipayon ug kinasing-kasing usab nga nanghatag ang imong katawhan diha kanimo.

Job 23:10

Apan nahibaloan niya ang akong ginahimo. Kon sulayan niya ako, makita niya nga putli ako sama sa purong bulawan.

Salmo 11:5

Ginasusi niya ang mga matarong ug ang mga daotan. Ginakapungtan niya ang mga bangis.

Salmo 139:23

Susiha ako, O Dios, aron mahibaloan mo kon unsay anaa sa akong kasing-kasing. Sulayi ako, aron mahibaloan mo kon unsay anaa sa akong huna-huna.

Salmo 17:3

Imong gisusi ang akong kasing-kasing bisan sa gabii. Gisulayan mo ako ug wala kay nakita nga sala kanako. Determinado ako nga dili mosulti ug daotan

Salmo 26:1

Pamatud-i, Ginoo, nga wala akoy sala, kay nagkinabuhi ako nga walay ikasaway ug nagsalig ako kanimo sa walay pagduha-duha.

Salmo 7:9

Santaa ang daotang binuhatan sa mga tawong daotan, ug panalangini ang mga matarong, kay ikaw matarong man nga Dios, ug imong ginasusi ang among mga huna-huna ug mga kasing-kasing.

Jeremias 15:15

Miingon ako, “O Ginoo, nasayod ka sa tanang nahitabo kanako! Hinumdomi ug tabangi ako. Panimasli ang naglutos kanako. Nahibalo ako nga dili ka daling masuko, busa ayaw kuhaa ang akong kinabuhi. Hinumdomi kon giunsa ko pag-antos ang kaulaw tungod kanimo.

Jeremias 17:16

O Ginoo, wala ako magpasagad sa akong buluhaton isip magbalantay sa imong katawhan. Wala gayod ako magtinguha nga padad-an mo silag katalagman. Nasayod ka sa akong gipanulti.

Jeremias 17:18

Pakaulawi ug hadloka ang nagtinguha ug daotan kanako, apan ayaw kini buhata kanako. Padad-i silag katalagman aron mangalaglag silang tanan.

Jeremias 20:12

O Ginoo nga Makagagahom, nasayod ka kon kinsa ang matarong. Nasayod ka sa kasing-kasing ug huna-huna sa tawo. Ipakita kanako ang pagpanimalos mo kanila, kay gitugyan ko kanimo ang akong pagpakigbisog.

Jeremias 48:15

Apan malaglag gayod ang Moab ug ang mga lungsod niini. Pamatyon ang iyang kinaisogan nga mga batan-on.” Ako, ang  Ginoo nga Makagagahom nga Hari, ang nag-ingon niini.

Jeremias 50:27

Pamatya ninyo ang tanan nilang mga sundalo nga pareho sa nating torong baka. Alaot sila kay miabot na ang panahon nga silotan sila.

Jeremias 51:4

Magbuy-od ang mga patayng lawas ug magkatag ang mga samaran diha sa kadalanan.

Juan 21:17

Sa ikatulong higayon miingon pag-usab si Jesus, “Simon nga anak ni Juan, gihigugma mo ba ako?” Nahiubos si Pedro tungod kay katulo na siya pangutan-a ni Jesus kon gihigugma ba niya siya. Busa miingon si Pedro kaniya, “Ginoo, nahibalo ka sa tanan, ug nahibalo ka nga gihigugma ka nako.” Miingon si Jesus kaniya, “Atimana ang akong mga karnero.

Santiago 5:5

Nagpatuyang kamo sa inyong kinabuhi dinhi sa kalibotan. Sama lang nga gipatambok ninyo ang inyong kaugalingon ug gitagana alang sa adlaw sa pag-ihaw.

2 Pedro 2:12

Apan kining mga tawhana nagtamay sa mga butang nga wala gani nila masabti. Sama sila sa mga mananap nga walay paghuna-huna kon unsay ilang gibuhat, ug walay lain nga dangatan kondili dakpon ug patyon. Laglagon gayod kining mga tawhana.