Genesis 8:12 - Ang Pulong sa Dios

¹² Gipalabay pa ni Noe ang laing pito ka adlaw ug gibuhian niya pag-usab ang salampati, apan wala na kini mobalik.

Ang Biblia 2011

¹² Ug mihulat pa gayod siya ug laing pito ka adlaw ug unya gisugo niya ang salampati ug kini wala na mobalik kaniya.

Maayong Balita Biblia

¹² Unya naghulat pa gayod si Noe ug laing pito ka adlaw ug gibuhian na usab niya ang salampati ug wala na kini mobalik.

Ang Bag-ong Maayong Balita Biblia

¹² Unya naghulat pa gayod si Noe ug laing pito ka adlaw ug gibuhian na usab niya ang salampati ug wala na kini mobalik.

Genesis 8:12 Cross References

Genesis 8:10

Gipalabay pa ni Noe ang pito ka adlaw ug unya gibuhian niya pag-usab ang salampati.

Genesis 8:11

Pagkakilom-kilom, mibalik ang salampati nga gatangag ug lunhawng dahon sa olibo. Busa nahibaloan ni Noe nga mihubas na ang tubig.

Salmo 27:14

Salig kamo sa Ginoo! Pagpakalig-on kamo ug ayaw pagpakawala ug paglaom. Salig lang kamo sa Ginoo!

Isaias 25:9

Kon mahitabo na kini, moingon ang mga katawhan: “Siya ang atong Dios! Misalig kita kaniya, ug giluwas niya kita. Siya ang  Ginoo nga atong gisaligan. Maglipay kita ug magsadya kay giluwas niya kita.”

Isaias 26:8

Ginoo, among gisunod ang imong mga sugo, ug nagsalig kami kanimo. Ang among pangandoy mao nga ikaw mapasidunggan.

Isaias 30:18

Apan naghulat ang  Ginoo nga moduol kamo kaniya aron ikapakita niya ang iyang kaluoy kaninyo. Andam siya mopakita sa iyang pagkahangawa kaninyo. Kay ang  Ginoo matarong nga Dios, ug bulahan ang tanang nagsalig kaniya.

Isaias 8:17

Molaom ako sa Ginoo bisan pag gitalikdan niya ang mga kaliwat ni Jacob. Mosalig gayod ako kaniya.

Jeremias 48:28

Biya na kamo sa inyong mga lungsod ug puyo kamo sa batoon nga bukid, sama sa salampati nga nagsalag diha sa pangpang.

Habacuc 2:3

Kay ang gipadayag magpaabot sa gitakda nga panahon; nagsulti kini mahitungod sa katapusan ug dili kini mapamatud-an nga bakak. Bisan tuod madugay kini, paabota kini; moabot gayod kini ug dili na malangay.