Genesis 8:11 - Ang Pulong sa Dios

¹¹ Pagkakilom-kilom, mibalik ang salampati nga gatangag ug lunhawng dahon sa olibo. Busa nahibaloan ni Noe nga mihubas na ang tubig.

Ang Biblia 2011

¹¹ Ug ang salampati mibalik kaniya sa pagkilomkilom, ug tan-awa, nagtangag kini ug usa ka dahon sa olibo nga bag-ong gikutlo. Busa si Noe nahibalo nga ang mga tubig mihubas na sa ibabaw sa yuta.

Maayong Balita Biblia

¹¹ Sa pagkakilomkilom na, mibalik kini kaniya nga nagtangag ug lunhawng dahon sa kahoyng olibo. Sa ingon niana, nasayran ni Noe nga mihubas na gayod ang tubig.

Ang Bag-ong Maayong Balita Biblia

¹¹ Sa pagkakilomkilom na, mibalik kini kaniya nga nagtangag ug lunhawng dahon sa kahoyng olibo. Sa ingon niana, nasayran ni Noe nga mihubas na gayod ang tubig.

Genesis 8:11 Cross References

Genesis 8:10

Gipalabay pa ni Noe ang pito ka adlaw ug unya gibuhian niya pag-usab ang salampati.

Genesis 8:12

Gipalabay pa ni Noe ang laing pito ka adlaw ug gibuhian niya pag-usab ang salampati, apan wala na kini mobalik.

Nehemias 8:15

Kinahanglan usab nilang ipahibalo sa Jerusalem ug sa tanan nilang mga lungsod ang sugo sa Ginoo nga moadto sila sa mga bungtod ug manguha ug mga sanga sa olibo, mirto, palma, ug sa uban pang mga sanga sa labong nga mga kahoy aron himuong mga payag, sumala sa nasulat sa Kasugoan.

Roma 10:15

Ug unsaon man paglakaw ug pagsugilon sa mga tigbalita kon wala sila ipadala? Sumala sa Kasulatan: “Pagkatahom gayod kon moabot ang mga nagsangyaw sa Maayong Balita.”