Genesis 17:4 - Ang Pulong sa Dios

⁴ “Mao kini ang akong kasabotan kanimo: Mahimo kang amahan sa daghang mga nasod.

Ang Biblia 2011

⁴ “Tan-awa, ang akong kasabotan anaa kanimo, mahimo ikaw nga amahan sa daghan nga mga nasod.

Maayong Balita Biblia

⁴ “Kini mao ang kasabotan nga himoon ko tali kanimo ug kanako: isaad ko nga mahimo kang amahan sa daghang mga nasod.

Ang Bag-ong Maayong Balita Biblia

⁴ “Kini mao ang kasabotan nga himoon ko tali kanimo ug kanako: isaad ko nga mahimo kang amahan sa daghang mga nasod.

Genesis 17:4 Cross References

Genesis 12:2

“Himuon ko ang imong mga kaliwat nga usa ka bantogan nga nasod. Panalanginan ka nako ug mahimong bantogan ang imong ngalan. Pinaagi kanimo, daghan ang makadawat sa panalangin.

Genesis 13:16

Himuon ko ang imong mga kaliwat nga sama kadaghan sa abog. Ang abog dili maihap, busa ang imong mga kaliwat dili usab maihap.

Genesis 16:10

Unya miingon pa gayod ang anghel, “Padaghanon ko pag-ayo ang imong kaliwat, nga ang ilang gidaghanon dili maihap.”

Genesis 25:23

Miingon ang Ginoo kaniya, “Duha ka nasod ang maggikan sa duha ka bata nga anaa sa imong sabakan; duha ka pundok sa mga katawhan nga magkontrahanay. Ang usa mahimong gamhanan kay sa usa. Ang magulang moalagad sa manghod.”

Genesis 28:3

Hinaut nga panalanginan ka sa Makagagahom nga Dios ug hatagan ug daghang mga kaliwat aron mahimo kamong usa ka dakong pundok sa mga katawhan.

Genesis 32:12

Apan misaad ka kanako nga panalanginan mo ako ug padaghanon mo ang akong mga kaliwat sama sa balas sa baybayon nga dili maihap.”

Genesis 35:11

Miingon pa gayod ang Dios kaniya, “Ako ang Dios nga Makagagahom. Manganak kag daghan. Maggikan kanimo ang usa ka nasod ug ang daghan pa nga mga nasod, ug mahimong hari ang uban mong mga kaliwat.

Genesis 48:19

Apan midumili ang iyang amahan, “Nasayod ako anak. Ang mga kaliwat ni Manases mahimo usab nga usa ka nasod, ug mahimo usab siyang bantogan. Apan mahimong mas bantogan ang mga kaliwat ni Efraim ug maggikan kanila ang labihan kadaghang mga nasod.”

Exodo 6:4

Naghimo ako ug kasabotan uban kanila, nga ihatag ko kanila ang yuta sa Canaan diin sila nagpuyo ingon nga mga dumuduong.