Genesis 17:5 - Ang Pulong sa Dios

⁵ Sukad karon dili na Abram ang ingalan kanimo kondili Abraham na, tungod kay himuon ka nako nga amahan sa daghang mga nasod.

Ang Biblia 2011

⁵ Ug ang imong ngalan dili na Abram, kondili si Abraham na, kay ikaw gihimo nako nga amahan sa daghan nga mga nasod.

Maayong Balita Biblia

⁵ Sukad karon ang imong ngalan dili na Abram kondili Abraham na kay gihimo ko man ikaw nga amahan sa daghang mga nasod.

Ang Bag-ong Maayong Balita Biblia

⁵ Sukad karon ang imong ngalan dili na Abram kondili Abraham na kay gihimo ko man ikaw nga amahan sa daghang mga nasod.

Genesis 17:5 Cross References

Genesis 17:15

Miingon pa gayod ang Dios kang Abraham, “Bahin sa imong asawa nga si Sarai, ayaw na siya tawaga ug Sarai, kay sukad karon Sara na ang iyang ngalan.

Genesis 32:28

Unya miingon ang tawo, “Sukad karon dili na Jacob ang imong ngalan kondili Israel na tungod kay nakigbisog ka sa Dios ug sa tawo, ug midaog ka.”

Genesis 32:29

Nangutana usab si Jacob kaniya, “Palihog, sultihi usab ako sa imong ngalan.” Apan mitubag ang tawo, “Nganong mangutana ka man sa akong ngalan?” Unya gipanalanginan niya si Jacob didto.

Genesis 35:10

Miingon ang Dios kaniya, “Jacob ang imong ngalan, apan gikan karon dili ka na tawgon ug Jacob kondili Israel na.” Busa nahimong Israel ang ngalan ni Jacob.

2 Samuel 12:25

ug gisugo niya si Propeta Natan nga nganlan ang bata ug Jedidia tungod kay gimahal kini sa Ginoo.

1 Cronicas 1:27

ug si Abram (nga mao usab si Abraham).

Nehemias 9:7

“Ikaw ang Ginoong Dios nga nagpili kang Abram ug nagdala kaniya pagawas sa Ur, nga sakop sa pagdumala sa mga Kaldeanhon. Ug ginganlan mo siyag Abraham.

Isaias 65:15

Gamiton sa akong mga pinili ang inyong ngalan sa pagpanunglo, ug ako, ang Ginoong Dios, mopatay kaninyo. Apan ang akong mga alagad hatagan kog bag-ong ngalan.

Jeremias 20:3

Pagkaugma, gipagawas ni Pashur si Jeremias. Unya miingon si Jeremias kaniya, “Dili na Pashur ang gingalan sa Ginoo kanimo, kondili, Magor Misabib.

Jeremias 23:6

Ug nianang panahona maluwas ang Juda ug makaangkon ug kalinaw ang Israel. Pagatawgon siya nga ‘Ginoo nga atong kaluwasan.’

Numeros 13:16

Sila ang mga tawo nga gipadala ni Moises sa pagpangispiya sa Canaan. (Giilisan ni Moises ang ngalan ni Oseas nga anak ni Nun ug Josue.)

Juan 1:42

Ug gidala niya si Simon kang Jesus. Pag-abot nila kang Jesus, gitan-aw ni Jesus si Simon ug giingnan, “Ikaw si Simon nga anak ni Juan. Apan sukad karon tawgon ka na nga Cefas” (nga kung hubaron mao ang Pedro).

Roma 4:17

Nag-ingon ang Kasulatan, “Gihimo ka nako nga amahan sa daghang mga nasod.” Busa sa atubangan sa Dios, siya atong amahan. Ug ang Dios nga gituohan ni Abraham mao usab ang Dios nga naghatag ug kinabuhi sa mga patay ug nagbuhat sa mga butang nga wala kaniadto.

Gipadayag 2:17

“Ang naminaw kinahanglan nga maghuna-huna kon unsa ang giingon sa Espiritu ngadto sa mga iglesia. “Ang mga nagmadinaugon hatagan kog pagkaon nga akong gitagana didto sa langit. Ang kada usa kanila hatagan ko usab ug puti nga bato, diin gisulat ang usa ka ngalan nga walay laing masayod gawas lang sa makadawat niini.