Exodo 6:3 - Ang Pulong sa Dios

³ Nagpakita ako kang Abraham, kang Isaac, ug kang Jacob ingon nga Makagagahom nga Dios, apan wala ko ipadayag ngadto kanila ang akong ngalan nga Ginoo.

Ang Biblia 2011

³ Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Maayong Balita Biblia

³ Mipakita ako kang Abraham, kang Isaac ug kang Jacob ingon nga Labing Gamhanang Dios apan wala ko ipaila ang akong kaugalingon pinaagi sa akong ngalan nga mao si Yahweh.

Ang Bag-ong Maayong Balita Biblia

³ Mipakita ako kang Abraham, kang Isaac ug kang Jacob ingon nga Labing Gamhanang Dios apan wala ko ipaila ang akong kaugalingon pinaagi sa akong ngalan nga mao si Yahweh.

Exodo 6:3 Cross References

Genesis 13:18

Busa gibalhin ni Abram ang iyang tolda, ug didto siya mipuyo duol sa kahoy nga tugas ni Mamre didto sa Hebron, ug nagbuhat siya didto ug halaran alang sa Ginoo.

Genesis 17:1

Sa dihang nag-edad si Abram ug 99 ka tuig, nagpakita ang Ginoo kaniya ug miingon, “Ako ang Dios nga Makagagahom. Pagmatinumanon kanunay kanako ug pagkinabuhi nga matarong.

Genesis 22:14

Ginganlan ni Abraham kadtong dapita ug “Magtagana ang Ginoo.” Busa hangtod karon adunay panultihon nga nag-ingon, “Sa Bukid sa Ginoo aduna siyay gitagana.”

Genesis 28:3

Hinaut nga panalanginan ka sa Makagagahom nga Dios ug hatagan ug daghang mga kaliwat aron mahimo kamong usa ka dakong pundok sa mga katawhan.

Genesis 35:11

Miingon pa gayod ang Dios kaniya, “Ako ang Dios nga Makagagahom. Manganak kag daghan. Maggikan kanimo ang usa ka nasod ug ang daghan pa nga mga nasod, ug mahimong hari ang uban mong mga kaliwat.

Genesis 48:3

Miingon si Jacob kang Jose, “Sa didto pa ako sa Luz, sa yuta sa Canaan, nagpakita kanako ang Makagagahom nga Dios ug gipanalanginan niya ako.

Salmo 68:4

Awiti ninyo ang Dios; awiti ninyo siya ug mga pagdayeg. Dayega ninyo siya nga nagsakay sa panganod. Ang iyang ngalan mao ang  Ginoo; paglipay kamo sa iyang presensya.

Salmo 83:18

Hinaut pa nga makaamgo sila nga ikaw, Ginoo, mao lang ang Labing Halangdong Dios sa tibuok kalibotan.

Exodo 15:3

Ginoo ang iyang ngalan, ug usa siya ka manggugubat.

Exodo 23:21

Pamati kamo kaniya ug tumana ang iyang isulti. Ayaw kamo pagsupak kaniya. Kay ang tanan niyang himuon, himuon niya sa akong ngalan ug dili niya baliwalaon ang inyong mga sala.

Exodo 3:14

Mitubag ang Dios kang Moises, “Ako ang Dios nga mao sa gihapon. Mao kini ang imong itubag kanila: ‘Ang Dios nga mao sa gihapon mao ang nagpadala kanako nganhi kaninyo.’ ”

Isaias 42:8

Ako mao ang  Ginoo, mao kana ang akong ngalan! Dili ko ihatag ang akong pasidungog kang bisan kinsa o ang pagdayeg nga alang kanako ngadto sa mga dios-dios.

Isaias 44:6

“Mao kini ang giingon sa Ginoo, ang Hari ug Manluluwas sa Israel, ang Makagagahom nga Ginoo: Ako ang una ug ang kataposan. Wala nay laing Dios gawas kanako.

Jeremias 16:21

Miingon ang  Ginoo, “Busa karon ipakita ko kanila ang akong gahom ug katakos aron mahibaloan nila nga ako mao ang  Ginoo.”

Jeremias 33:2

Mao kini ang gisulti sa Ginoo nga naghimo ug nagpahimutang sa kalibotan, ang  Ginoo ang iyang ngalan:

Ezequiel 20:5

Ingna sila nga ako, ang Ginoong Dios, nag-ingon: Sa dihang gipili ko ang Israel nga mga kaliwat ni Jacob, ug gipaila ko ang akong kaugalingon kanila didto sa Ehipto, nanumpa ako kanila nga nag-ingon, ‘Ako mao ang  Ginoo nga inyong Dios.’

Ezequiel 37:13

Unya mahibaloan ninyo, O katawhan ko, nga ako mao ang  Ginoo, kon ablihon ko na ang inyong mga lubnganan ug banhawon kamo.

Ezequiel 37:6

Butangan ko kamo ug mga ugat ug mga unod, ug puston ko kamo sa panit. Hatagan ko kamo ug gininhawa, ug mabuhi kamo. Unya mahibaloan ninyo nga ako mao ang  Ginoo.”

Juan 8:58

Miingon si Jesus, “Sa pagkatinuod, sultihan ko kamo nga sa wala pa matawo si Abraham, anaa na akong daan.”

Gipadayag 1:4

Gikan kang Juan, alang sa pito ka mga iglesia sa probinsya sa Asia. Hinaut nga ang Dios, ang Espiritu, ug si Jesu-Cristo maghatag kaninyo ug grasya ug pakigda-it. Kon mahitungod sa Dios, mao siya karon, mao usab kaniadto, ug mao usab sa umaabot. Kon mahitungod sa pito ka Espiritu, anaa siya atubangan sa trono sa Dios. Ug kon mahitungod kang Jesu-Cristo, siya ang kasaligan nga tigpamatuod. Siya gayod ang una nga nabanhaw. Ug siya usab ang naggahom sa tanan nga mga pangulo dinhi sa kalibotan. Gihigugma niya kita, ug pinaagi sa iyang dugo giluwas niya kita gikan sa atong mga sala.

Ruth 1:20

Miingon si Noemi kanila, “Ayaw ninyo ako tawgag Noemi, kondili tawga ninyo ako ug Mara, kay gihimong labihan kapait sa Makagagahom nga Dios ang akong kinabuhi.