Exodo 6:2 - Ang Pulong sa Dios

² Miingon pa gayod ang Dios kang Moises, “Ako mao ang Ginoo.

Ang Biblia 2011

² Ug ang Dios miingon kang Moises, “Ako mao ang Ginoo.

Maayong Balita Biblia

² Ang Dios miingon kang Moises, “Ako ang Ginoo.

Ang Bag-ong Maayong Balita Biblia

² Ang Dios miingon kang Moises, “Ako ang Ginoo.

Exodo 6:2 Cross References

Genesis 15:7

Miingon pa gayod ang Ginoo kang Abram, “Ako ang Ginoo nga nagsugo kanimo sa pagbiya sa Ur nga sakop sa pagdumala sa mga Kaldeanhon aron ihatag kanimo kining yutaa ug imong mapanag-iya.”

Exodo 12:12

“Niana gayong gabhiona molabay ako sa Ehipto ug pamatyon ko ang tanang kamagulangang anak nga mga lalaki sa mga Ehiptohanon, lakip ang tanang unang laki nga anak sa ilang mga kahayopan. Silotan ko ang tanang dios sa Ehipto. Ako mao ang Ginoo.

Exodo 14:18

Ug kon malaglag ko na sila, mahibaloan sa mga Ehiptohanon nga ako mao ang Ginoo.”

Exodo 15:3

Ginoo ang iyang ngalan, ug usa siya ka manggugubat.

Exodo 17:1

Sumala sa sugo sa Ginoo, mibiya sa kamingawan sa Sin ang tibuok katilingban sa Israel ug nagpadayon sa paglakaw. Nagbalhin-balhin sila ug dapit hangtod nga nakaabot sila sa Refidim ug nagkampo didto. Apan walay tubig nga mainom didto.

Exodo 20:2

“Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.

Exodo 3:14

Mitubag ang Dios kang Moises, “Ako ang Dios nga mao sa gihapon. Mao kini ang imong itubag kanila: ‘Ang Dios nga mao sa gihapon mao ang nagpadala kanako nganhi kaninyo.’ ”

Exodo 3:15

Miingon pa gayod ang Dios kang Moises, “Isulti kini sa mga Israelinhon: ‘Ang Ginoo, ang Dios sa inyong mga katigulangan nga si Abraham, Isaac, ug Jacob mao ang nagpadala kanako nganhi kaninyo.’ “Ginoo ang akong ngalan ug pagailhon ako sa mao nga ngalan hangtod sa hangtod.

Exodo 6:29

miingon siya, “Ako mao ang Ginoo. Sultihi ang Paraon nga hari sa Ehipto sa tanan nga giingon ko kanimo.”

Exodo 6:6

“Busa ingna ang mga Israelinhon: ‘Ako mao ang Ginoo. Haw-ason ko kamo sa pagkaulipon sa Ehipto. Pinaagi sa akong gahom, ipahamtang ko sa mga Ehiptohanon ang labihan nga silot, ug luwason ko kamo.

Exodo 6:8

Dad-on ko kamo sa yuta nga akong gisaad nga ihatag kang Abraham, Isaac, ug Jacob. Ihatag ko kini kaninyo ug inyo kining panag-iyahon. Ako mao ang Ginoo.’ ”

Isaias 42:8

Ako mao ang  Ginoo, mao kana ang akong ngalan! Dili ko ihatag ang akong pasidungog kang bisan kinsa o ang pagdayeg nga alang kanako ngadto sa mga dios-dios.

Isaias 43:11

Ako lang gayod ang  Ginoo. Gawas kanako, wala nay lain pa nga Manluluwas.

Isaias 43:15

Ako mao ang  Ginoo, ang inyong Balaang Dios, ang magbubuhat sa Israel, ang inyong Hari.

Isaias 44:6

“Mao kini ang giingon sa Ginoo, ang Hari ug Manluluwas sa Israel, ang Makagagahom nga Ginoo: Ako ang una ug ang kataposan. Wala nay laing Dios gawas kanako.

Jeremias 9:24

Kon buot siyang magpasigarbo, mao kini ang angay niyang ipasigarbo: Nga nakasabot siya ug nakaila kanako nga mao ang  Ginoo nga mahigugmaon, nga nagbuhat sa husto ug matarong dinhi sa kalibotan, kay mao kini ang makapalipay kanako.”

Ezequiel 20:5

Ingna sila nga ako, ang Ginoong Dios, nag-ingon: Sa dihang gipili ko ang Israel nga mga kaliwat ni Jacob, ug gipaila ko ang akong kaugalingon kanila didto sa Ehipto, nanumpa ako kanila nga nag-ingon, ‘Ako mao ang  Ginoo nga inyong Dios.’

Malaquias 3:6

Miingon pa ang  Ginoo nga Makagagahom, “Ako, ang  Ginoo, nga dili mausab. Busa kamong mga kaliwat ni Jacob wala malaglag.