Exodo 17:3 - Ang Pulong sa Dios

³ Apan gipang-uhaw pag-ayo ang mga tawo didto, busa nagsige silag bagulbol kang Moises. Miingon sila, “Nganong gipagawas mo pa kami gikan sa Ehipto kon mangamatay man lang kami dinhi sa kauhaw lakip ang among mga anak ug kahayopan?”

Ang Biblia 2011

³ Apan ang katawhan giuhaw ug tubig ug nagbagulbol sila batok kang Moises ug miingon, “Ngano bang gidala man kami nimo gikan sa Ehipto aron patyon sa kauhaw, kami ug ang among mga anak ug ang among kahayopan?”

Maayong Balita Biblia

³ Apan giuhaw pag-ayo ang mga tawo ug nagbagulbol sila kang Moises. Miingon sila, “Nganong gidala mo man kami gawas sa Ehipto? Aron ba nga mamatay kami sa kauhaw uban sa among mga anak ug mga kahayopan?”

Ang Bag-ong Maayong Balita Biblia

³ Apan giuhaw pag-ayo ang mga tawo ug nagbagulbol sila kang Moises. Miingon sila, “Nganong gidala mo man kami gawas sa Ehipto? Aron ba nga mamatay kami sa kauhaw uban sa among mga anak ug mga kahayopan?”

Exodo 17:3 Cross References

Nehemias 9:15

Sa dihang gigutom sila, gihatagan mo silag pagkaon gikan sa langit, ug sa dihang giuhaw sila, gipainom mo silag tubig gikan sa bato. Giingnan mo sila nga sudlon nila ug panag-iyahon ang yuta nga imong gisaad nga ihatag kanila.

Nehemias 9:20

Gihatag mo kanila ang imong maayong Espiritu sa pagtudlo kanila. Wala nimo sila hikawi sa pagkaon sa manna, ug padayon mo silang gihatagan ug tubig alang sa ilang kauhaw.

Salmo 107:5

Gigutom sila ug giuhaw, ug gibati nila nga daw mamatay na sila.

Exodo 12:38

Daghan usab nga mga langyaw ang nanguban kanila, ug daghan usab nga kahayopan ang ilang gidala.

Exodo 14:11

Miingon sila kang Moises, “Nganong gidala mo pa kami dinhi sa kamingawan aron mamatay? Wala bay lubnganan didto sa Ehipto? Nganong gipagawas mo pa man kami gikan sa Ehipto?

Exodo 15:24

Tungod niini, mireklamo ang mga Israelinhon kang Moises, “Unsa na lay atong imnon niini?”

Numeros 14:22

walay bisan usa kanila nga makasulod sa yuta nga gisaad ko sa ilang mga katigulangan. Kay bisan nakita nila ang akong gamhanang presensya ug ang mga milagro nga gipangbuhat ko sa Ehipto ug sa kamingawan, kanunay gihapon nila akong ginasulayan ug wala sila nagtuman kanako. Busa ang mga nagsalikway kanako dili gayod makasulod niana nga yuta.

Numeros 20:4

Nganong gidala mo man kami nga katilingban sa Ginoo dinhi sa kamingawan? Aron lang ba mangamatay uban sa among mga mananap?