Exodo 17:2 - Ang Pulong sa Dios

² Busa nakiglalis ang mga tawo kang Moises ug miingon, “Hatagi kamig tubig nga mainom.” Mitubag si Moises, “Nganong nakiglalis man kamo kanako? Nganong ginasulayan ninyo ang Ginoo?”

Ang Biblia 2011

² Busa ang katawhan nakiglantugi kang Moises ug miingon, “Hatagi kami ug tubig nga mainom.” Ug si Moises miingon kanila, “Ngano ba nga nakiglantugi man kamo kanako? Nganong gisulayan man ninyo ang Ginoo?”

Maayong Balita Biblia

² Mireklamo sila kang Moises ug miingon, “Hatagi kamig tubig nga mainom.” Si Moises mitubag kanila, “Nganong mireklamo man kamo kanako? Nganong sulayan man gayod ninyo ang Ginoo?”

Ang Bag-ong Maayong Balita Biblia

² Mireklamo sila kang Moises ug miingon, “Hatagi kamig tubig nga mainom.” Si Moises mitubag kanila, “Nganong mireklamo man kamo kanako? Nganong sulayan man gayod ninyo ang Ginoo?”

Exodo 17:2 Cross References

Salmo 106:13

Apan gikalimtan lang dayon nila ang iyang gihimo, ug wala sila mohulat sa iyang tambag.

Salmo 106:14

Didto sa kamingawan, gisulayan nila ang Dios tungod sa hilabihan nilang pagpangandoy sa pagkaon.

Salmo 78:18

Gituyo nila ang pagsulay sa Dios pinaagi sa pagpangayo sa gipangandoy nila nga kalan-on.

Salmo 78:41

Kanunay nila siyang gisulayan; gipasakitan gayod nila ang pagbati sa Balaang Dios sa Israel.

Salmo 78:56

Apan gisulayan nila ang Labing Halangdong Dios ug misupak sila kaniya. Wala nila tumana ang iyang mga sugo.

Salmo 95:8

ayaw patig-aha ang inyong kasing-kasing sama sa gibuhat sa inyong mga katigulangan kaniadto didto sa Meriba, ingon man sa dihang didto sila sa kamingawan sa Masa.

Salmo 95:9

Miingon ang Dios, “Didto gisulayan nila ako bisan nakita na nila ang akong gihimo alang kanila.

Exodo 15:24

Tungod niini, mireklamo ang mga Israelinhon kang Moises, “Unsa na lay atong imnon niini?”

Exodo 16:8

Miingon pa gayod si Moises, “Hatagan kamo sa Ginoo ug karne nga inyong kan-on sa gabii ug magpagusto kamog kaon ug pan sa buntag, kay nadungog niya ang inyong mga pagbagulbol ngadto kaniya. Dili kami ang inyong gibagulbolan kondili ang Ginoo. Kinsa ba gud kami nga diri man kamo magbagulbol kanamo?”

Exodo 17:7

Ginganlan ni Moises kadtong lugara nga Masa ug Meriba, tungod kay nakiglalis ang mga Israelinhon kaniya didto ug gisulayan nila ang Ginoo pinaagi sa pag-ingon, “Nag-uban ba ang Ginoo kanato o wala?”

Exodo 5:21

Miingon sila kang Moises ug kang Aaron, “Hinaut unta nga silotan kamo sa Ginoo, kay tungod kaninyo nasuko kanamo ang hari ug ang iyang mga opisyal. Tungod sa inyong gihimo nakakita silag hinungdan sa pagpatay kanamo!”

Isaias 7:12

Mitubag si Ahaz, “Dili ako mangayo! Dili ko sulayan ang  Ginoo.”

Malaquias 3:15

Miingon man gani kita nga bulahan ang mga tawong mapahitas-on. Kay sa pagkatinuod, sila nga mga naghimo ug daotan nag-uswag. Ug bisan gisulayan nila ang pasensya sa Dios wala sila siloti.’ ”

Numeros 14:2

Nagbagulbol sila ngadto kang Moises ug kang Aaron. Miingon sila, “Maayo pag nangamatay na lang kita didto sa Ehipto o kaha dinhi sa kamingawan!

Numeros 14:22

walay bisan usa kanila nga makasulod sa yuta nga gisaad ko sa ilang mga katigulangan. Kay bisan nakita nila ang akong gamhanang presensya ug ang mga milagro nga gipangbuhat ko sa Ehipto ug sa kamingawan, kanunay gihapon nila akong ginasulayan ug wala sila nagtuman kanako. Busa ang mga nagsalikway kanako dili gayod makasulod niana nga yuta.

Numeros 21:5

busa mireklamo sila sa Dios ug kang Moises. Miingon sila, “Nganong gipagawas mo pa kami gikan sa Ehipto aron mangamatay lang dinhi sa kamingawan? Walay pagkaon ug tubig dinhi! Ug giluod na kami niining walay lami nga manna.”

Mateo 4:7

Apan gitubag siya ni Jesus, “Ang Kasulatan nag-ingon: ‘Ayaw sulayi ang Ginoo nga imong Dios.’”

Lucas 15:12

Miingon ang manghod ngadto sa iyang amahan, ‘Tay, ihatag na kanako ang akong bahin sa katigayonan.’ Busa gibahin sa amahan ang iyang mga kabtangan ngadto sa ilang duha.

Lucas 4:12

Apan gitubag siya ni Jesus, “Ang Kasulatan nag-ingon, ‘Ayaw sulayi ang Ginoo nga imong Dios.’ ”

Mga Buhat 15:10

Nganong sulayan man ninyo ang Dios? Nganong pugson man ninyo ang mga dili Judio nga magtutuo nga mosunod sa mga tulomanon nga bisan gani kita ug ang atong mga katigulangan dili makatuman?

Mga Buhat 5:9

Busa miingon si Pedro kaniya, “Nganong nagkauyon man kamong magtiayon nga sulayan ang Espiritu sa Ginoo? Tan-awa, anaa na sa pultahan ang mga batan-on nga naglubong sa imong bana, ug ikaw ila usab karong dayongan ug ilubong.”

1 Mga Taga-Corinto 10:9

Dili usab nato sundon ang uban kanila nga mihimo sa pagsulay sa Ginoo, maong gipapaak niya sila sa mga halas ug nangamatay sila.

Deuteronomio 6:16

Dili ninyo sulayan ang Ginoo nga inyong Dios sama sa inyong gihimo didto sa Masa.

Deuteronomio 9:22

“Gipasuko usab ninyo ang Ginoo didto sa Tabera, sa Masa, ug sa Kibrot Hataava.

Mga Hebreo 3:9

Bisan nakita na nila ang akong gibuhat sulod sa 40 ka tuig, gisulayan pa gihapon nila ako kon hangtod asa gayod ang akong pagpailob sa ilang gibuhat nga daotan.

1 Samuel 8:6

Apan nasakitan pag-ayo si Samuel sa ilang gihangyo, busa nag-ampo siya ngadto sa Ginoo.