Exodo 15:2 - Ang Pulong sa Dios

² “Ang Ginoo mao ang naghatag kanako ug kusog, ug siya ang akong awit. Siya ang nagluwas kanako. Siya ang akong Dios, ug dayegon ko siya. Siya ang Dios sa akong amahan, ug pasidunggan ko siya.

Ang Biblia 2011

² Ang Ginoo mao ang akong kusog ug akong awit, ug siya nahimo nga akong kaluwasan; kini mao ang akong Dios, ug ako magdayeg kaniya, ang Dios sa akong katigulangan, ug pasidunggan nako siya.

Maayong Balita Biblia

² Ang Ginoo mao ang lig-on kong tigpanalipod; siya maoy nagluwas kanako. Siya ang akong Dios ug daygon ko siya, ang Dios sa akong katigulangan, ug mag-awit ako mahitungod sa iyang pagkagamhanan.

Ang Bag-ong Maayong Balita Biblia

² Ang Ginoo mao ang lig-on kong tigpanalipod; siya maoy nagluwas kanako. Siya ang akong Dios ug daygon ko siya, ang Dios sa akong katigulangan, ug mag-awit ako mahitungod sa iyang pagkagamhanan.

Exodo 15:2 Cross References

Genesis 17:7

“Tumanon ko ang akong kasabotan kanimo ug sa imong mga kaliwat sa umaabot nga mga henerasyon, nga padayon ako nga mahimong inyong Dios. Kini nga kasabotan magpadayon hangtod sa kahangtoran.

Genesis 49:18

“O Ginoo, naghulat ako sa imong pagluwas kanako.

2 Samuel 22:47

Buhi ka, Ginoo! Dalaygon ka nga akong salipdanan nga Bato! Gibayaw ka nako tungod kay ikaw ang Dios nga akong Manluluwas.

2 Samuel 22:51

Gihatagan mo ug dagkong mga kadaogan ang imong pinili nga hari. Gihigugma mo si David ug ang iyang mga kaliwat sa walay kataposan.”

2 Samuel 7:24

Gihimo mo ang mga Israelinhon nga imong katawhan sa walay kataposan, ug ikaw, Ginoo, nahimong ilang Dios.

2 Samuel 7:5

“Lakaw ug ingna ang akong alagad nga si David nga mao kini ang akong gisulti: ‘Ikaw ba ang motukod sa balay nga akong puy-an?

1 Mga Hari 8:13

Karon nakapatukod na akog labihan katahom nga Templo alang kanimo, nga imong mapuy-an hangtod sa kahangtoran.”

1 Mga Hari 8:27

“Apan mopuyo ka ba gayod, O Dios, dinhi sa kalibotan? Bisan pa ang kinatas-ang langit dili paman gani igo nga imong kapuy-an, unsa pa kaha dinhi sa Templo nga akong gipatukod?

1 Cronicas 16:14

Siya ang Ginoo nga atong Dios, ug naghukom siya sa tibuok kalibotan.

Salmo 109:1

O Dios, nga akong ginadayeg, tubaga ang akong pagtawag kanimo.

Salmo 118:14

Ang Ginoo mao ang naghatag kanako ug kusog ug siya ang akong awit. Siya ang akong manluluwas.

Salmo 118:21

Magpasalamat ako kanimo, Ginoo, kay gitubag mo ang akong pag-ampo. Ikaw ang kaluwasan alang kanako.

Salmo 118:28

Ginoo, ikaw ang akong Dios; nagpasalamat ako ug gadayeg kanimo.

Salmo 132:5

hangtod nga dili ako makakita ug dapit nga kapuy-an sa Ginoo, ang Makagagahom nga Dios ni Jacob.”

Salmo 140:7

Ginoong Dios, ikaw ang akong gamhanang manluluwas; gipanalipdan mo ako sa panahon sa gira.

Salmo 145:1

Dayegon ka nako, akong Dios ug Hari. Dayegon ka nako sa walay kataposan.

Salmo 18:46

Buhi ka, Ginoo! Dalaygon ka nga akong salipdanan nga bato! Gibayaw ka nako tungod kay ikaw ang Dios nga akong Manluluwas.

Salmo 22:10

Sukad sa akong pagkahimugso, gitugyan na ako kanimo ug ikaw lang ang akong Dios.

Salmo 22:3

Apan balaan ka, ug naglingkod ka sa imong trono nga ginadayeg sa mga Israelinhon.

Salmo 27:1

Ang Ginoo mao ang akong kahayag, manluluwas, ug tigpanalipod, busa wala akoy angayng kahadlokan.

Salmo 28:8

Ikaw, Ginoo, ang naghatag ug kusog sa imong katawhan. Gipanalipdan mo ug giluwas ang imong pinili.

Salmo 30:1

Gidayeg ka nako, Ginoo, kay giluwas mo ako sa katalagman, ug wala mo tugoti nga magmaya ang akong mga kaaway sa akong kahimtang.

Salmo 34:3

Uban kamo kanako sa pagdayeg sa Ginoo; maghiusa kita sa pagdayeg kaniya.

Salmo 48:14

nga ingon niana ang Dios nga atong gialagaran. Dios siya sa walay kataposan. Siya ang gagiya kanato hangtod sa kahangtoran.

Salmo 59:17

O Dios, ikaw ang akong kusog; mag-awit ako ug mga pagdayeg kanimo kay ikaw ang akong dalangpanan, ang Dios nga naghigugma kanako.

Salmo 68:20

Ang atong Dios, Dios nga nagluwas. Siya ang Ginoong Dios nga nagluwas kanato gikan sa kamatayon.

Salmo 99:5

Dayega ang  Ginoo nga atong Dios. Simbaha siya sa iyang trono. Balaan siya!

Salmo 99:9

Dayega ang  Ginoo nga atong Dios. Simbaha siya sa iyang balaang bungtod, kay balaan ang  Ginoo nga atong Dios.

Exodo 14:13

Mitubag si Moises sa mga tawo, “Ayaw kamo kahadlok. Pagmalig-on kamo ug tan-awa ninyo ang pagluwas kaninyo sa Ginoo karong adlawa. Kanang mga Ehiptohanon nga nakita ninyo karon dili na gayod ninyo makita pag-usab.

Exodo 3:6

Ako ang Dios sa imong mga katigulangan, ang Dios ni Abraham, ang Dios ni Isaac, ug ang Dios ni Jacob.” Sa pagkadungog niini ni Moises, gitabonan niya ang iyang nawong, kay nahadlok siya nga motan-aw sa Dios.

Exodo 4:22

Unya ingnon mo siya, ‘Mao kini ang giingon sa Ginoo: Giisip ko ang Israel nga akong kamagulangang anak nga lalaki,

Exodo 40:34

Pagkahuman niining tanan, ang gamhanang presensya sa Ginoo milukop sa Tolda nga Tagboanan, sa dagway sa panganod.

Exodo 6:7

Isipon ko kamo nga akong katawhan ug ako mahimong inyong Dios. Unya mahibaloan ninyo nga ako mao ang Ginoo nga inyong Dios nga naghaw-as kaninyo gikan sa pagkaulipon sa Ehipto.

Isaias 12:2

Ikaw, O Dios, mao ang akong manluluwas. Mosalig ako kanimo ug dili mahadlok. Ikaw, Ginoo, mao ang naghatag kanakog kusog, ug ikaw ang akong ginaawit. Ikaw ang nagluwas kanako.”

Isaias 25:1

Ginoo, ikaw ang akong Dios! Dayegon ug pasidunggan ka nako kay katingalahan gayod ang imong gipanghimo. Tungod sa imong pagkamatinumanon gituman mo gayod ang mga plano nga gihimo mo niadtong unang panahon.

Isaias 45:17

Apan luwason mo, Ginoo, ang Israel, ug ang ilang kaluwasan walay kataposan. Dili na gayod sila maulawan ug tamayon hangtod sa hangtod.

Isaias 49:6

Miingon siya, “Ikaw nga akong alagad, aduna pa akoy dakong buluhaton nga ipabuhat kanimo, gawas sa pagpabalik sa mga Israelinhon nga akong gipanalipdan. Himuon ka nako nga sama sa suga ngadto sa mga kanasoran aron maluwas ang tibuok kalibotan.”

Isaias 66:1

Mao kini ang giingon sa Ginoo, “Ang langit mao ang akong trono, ug ang yuta mao ang tungtonganan sa akong mga tiil. Busa unsang matanga sa balay ang inyong tukoron alang kanako? Unsang matanga sa dapit ang inyong papahulayan kanako?

Jeremias 3:23

Tinuod gayod nga dakong sayop ang among pagsimba sa mga dios-dios didto sa mga bungtod ug mga bukid. Kanimo lamang gayod ang kaluwasan sa Israel, O Ginoo nga among Dios.

Jeremias 31:33

Midugang pag-ingon ang  Ginoo, “Ang bag-ong kasabotan nga akong himuon sa mga taga-Israel sa umaabot nga mga adlaw mao kini: Ibutang ko ang akong mga sugo sa ilang huna-huna, ug isulat ko kini sa ilang kasing-kasing. Mahimo nila akong Dios, ug sila mahimong akong katawhan.

Jeremias 32:38

Mahimo ko silang katawhan ug ako mahimong ilang Dios.

Habacuc 3:13

Mitungha ikaw aron ipalingkawas ang imong katawhan, aron luwason mo ang imong dinihogan. Gidugmok nimo ang pangulo sa yuta sa kadaotan, gihuboan mo siya gikan sa ulo ngadto sa tiil.

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

Lucas 1:77

Tudloan mo ang iyang mga katawhan nga maluwas sila pinaagi sa kapasayloan sa Dios sa ilang mga sala,

Lucas 2:30

Kay karon nakita ko na ang Manluluwas

Juan 4:22

Kamo nga mga Samarianhon wala gayod makaila kon kinsa ang inyong ginasimba. Apan kami nga mga Judio nakaila sa among ginasimba, kay pinaagi kanamo luwason sa Dios ang mga tawo.

Juan 5:23

aron ang tanan mopasidungog sa Anak sama sa ilang pagpasidungog sa Amahan. Busa ang wala nagpasidungog kanako wala pud nagpasidungog sa Amahan nga nagpadala kanako.

Mga Buhat 4:12

Wala nay lain pa nga makaluwas kanato kondili si Jesus lang, tungod kay walay laing ngalan sa tibuok kalibotan nga gihatag sa Dios sa mga tawo aron maluwas kita.”

2 Mga Taga-Corinto 5:19

Mao kini ang among gibalita, nga gipasig-uli na sa Dios ang iyang mga tawo ngadto kaniya pinaagi kang Cristo. Wala na niya isipa ang ilang mga sala. Ug kami mao ang iyang gitugyanan sa pagpakaylap niini nga balita.

Mga Taga-Efeso 2:22

Ug tungod kay kamo anaa kang Cristo, naapil usab kamo niining gibuhat nga balay nga gipuy-an sa Dios pinaagi sa iyang Espiritu.

Deuteronomio 10:21

Dayega ninyo siya, kay siya ang inyong Dios nga naghimo sa katingalahang mga butang nga inyo mismong nakita.

Mga Taga-Filipos 2:11

Ug ang tanan moila nga si Jesu-Cristo mao ang Ginoo, ug pinaagi niini madayeg ang Dios nga Amahan.

Mga Taga-Filipos 4:13

Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.

Mga Taga-Colosas 2:9

Ang tinuod, si Cristo nahimong tawo, apan bisan pa niini, anaa gihapon kaniya ang iyang pagka-Dios.

Gipadayag 15:3

Nag-awit sila sa awit sa alagad sa Dios nga si Moises, nga awit usab sa Karnero. Mao kini ang ilang awit: “Ginoong Dios nga makagagahom sa tanan, kahibulongan ang imong mga binuhatan! Hari sa tanang mga nasod, matarong ug matuod ang imong mga pamaagi!

Gipadayag 19:1

Pagkahuman niadto, nadungog ko ang daw tingog sa daghan kaayo nga mga tawo didto sa langit. Nag-ingon sila sa makusog, “Dayegon ta ang Ginoo! Dayegon ta ang atong Dios nga makagagahom sa tanan, kay siya ang nagluwas kanato!

Mga Maghuhukom 5:21

Ug gianod sila sa sulog sa karaang Walog sa Kishon. Magpadayon ako sa pagpakig-gira uban ang kalig-on!