Exodo 15:1 - Ang Pulong sa Dios

¹ Unya miawit si Moises ug ang mga Israelinhon niini nga awit ngadto sa Ginoo: “Awitan ko ang Ginoo tungod kay nagmadaogon gayod siya. Gitambog niya sa dagat ang mga kabayo ug ang mga nagsakay niini.

Ang Biblia 2011

¹ Unya si Moises ug ang katawhan sa Israel miawit niini nga alawiton ngadto sa Ginoo, “Awitan nako ang Ginoo, kay siya midaog nga mahimayaon; ang kabayo ug ang nagkabayo niini gitambog niya sa dagat.

Maayong Balita Biblia

¹ Unya si Moises ug ang mga Israelita nag-awit niining mosunod pahinungod sa Ginoo: “Awitan ko ang Ginoo tungod sa mahimayaon niyang kadaogan: gipanglimbuwad niya sa dagat ang mga kabayo ug ang mga nagkabayo niini.

Ang Bag-ong Maayong Balita Biblia

¹ Unya si Moises ug ang mga Israelita nag-awit niining mosunod pahinungod sa Ginoo: “Awitan ko ang Ginoo tungod sa mahimayaon niyang kadaogan: gipanglimbuwad niya sa dagat ang mga kabayo ug ang mga nagkabayo niini.

Exodo 15:1 Cross References

Nehemias 9:11

Gitunga mo ang dagat atubangan sa imong katawhan aron makaagi sila sa yuta nga mala. Ang ilang mga kaaway nga naggukod kanila gitambog mo sa kinahiladman sa dagat nga sama sa bato nga gitambog sa sulog nga tubig.

Job 36:24

Ayaw kalimti ang pagdayeg sa iyang binuhatan sama sa ginahimo sa uban sa ilang pag-awit.

Salmo 105:43

Gipagawas niya gikan sa Ehipto nga malipayon ug naghugyaw sa kalipay ang katawhan nga iyang pinili.

Salmo 106:12

Busa mituo sila sa iyang mga saad ug nag-awit silag pagdayeg kaniya.

Salmo 107:15

Angay silang magpasalamat sa Ginoo tungod sa iyang gugma ug sa iyang katingalahang mga buhat ngadto sa mga tawo.

Salmo 107:8

Angay silang magpasalamat sa Ginoo tungod sa iyang gugma ug sa iyang katingalahang mga buhat ngadto sa mga tawo.

Salmo 32:7

Ikaw ang akong tago-anan; panalipdan mo ako sa panahon sa kalisod, ug palibotan mo ako sa mga tawong naghugyaw sa kalipay tungod sa imong pagluwas kanako.

Salmo 76:6

O Dios ni Jacob, sa imong pagbadlong nangamatay ang ilang mga tigkabayo ug mga kabayo.

Salmo 76:7

Gikahadlokan ka, O Dios. Kinsa bay makaharong kanimo kon ikaw nay masuko?

Exodo 14:26

Sa dihang nakatabok na ang mga Israelinhon, miingon ang Ginoo kang Moises, “Iisa pag-usab ang imong kamot sa dagat aron mobalik ang tubig ug matabonan ang mga Ehiptohanon ug ang ilang mga karwahi ug mga tigkabayo.”

Exodo 14:27

Busa gipunting ni Moises ang iyang kamot sa dagat, ug sa pagsubang sa adlaw, mibalik ang tubig sa daang nahimutangan niini. Misulay ang mga Ehiptohanon sa pag-ikyas apan gilumsan sila sa Ginoo.

Exodo 15:21

Ug mao kini ang iyang awit kanila: “Pag-awit kamo sa Ginoo tungod kay nagmadaogon gayod siya. Gitambog niya sa dagat ang mga kabayo ug ang mga nagsakay niini.”

Exodo 18:11

Karon nahibaloan ko na nga ang Ginoo mas labaw sa tanang mga dios, kay giluwas niya ang mga Israelinhon sa mga Ehiptohanon nga midaog-daog kanila.”

Mga Panultihon 29:6

Ang tawong daotan malit-agan sa iyang kaugalingong sala, apan ang tawong matarong mag-awit nga malipayon.

Isaias 42:10

Pag-awit kamo ug bag-ong awit ngadto sa Ginoo! Pag-awit kamo ug mga pagdayeg kaniya, bisan kamo nga anaa sa pinakalayong bahin sa kalibotan. Dayega ninyo siya, kamo nga naglawig sa dagat ug tanan kamong mga binuhat nga anaa niini, ug kamong nagpuyo sa mga isla.

Jeremias 51:21

ang mga kabayo ug tigkabayo, ang mga karwahi ug mga tigkarwahi.

Oseas 2:17

Dili ko na gayod kamo pasangpiton sa mga ngalan ni Baal.

Habacuc 3:18

Apan ako maglipay diha sa Ginoo, magmalipayon ako diha sa Dios nga akong Manluluwas.

Numeros 21:17

Ug didto nanganta ang mga Israelinhon niini nga awit: “Padayon pagtubod, O atabay! Mag-awit kita mahitungod niini

Mga Taga-Colosas 2:15

Didto usab sa krus gipildi sa Dios ang mga espiritu nga naghari ug adunay gahom, ug gipakita niya sa tanan nga sila nabihag na niya.

Gipadayag 15:3

Nag-awit sila sa awit sa alagad sa Dios nga si Moises, nga awit usab sa Karnero. Mao kini ang ilang awit: “Ginoong Dios nga makagagahom sa tanan, kahibulongan ang imong mga binuhatan! Hari sa tanang mga nasod, matarong ug matuod ang imong mga pamaagi!