Exodo 11:2 - Ang Pulong sa Dios

² Ingna ang mga Israelinhon, lalaki ug babaye, nga mangayo sila sa ilang mga silingan nga Ehiptohanon ug mga alahas nga plata ug bulawan.”

Ang Biblia 2011

² Sultihi ang katawhan nga ang tanang lalaki ug babaye mangayo sa ilang silingan ug mga alahas nga plata ug mga alahas nga bulawan.”

Maayong Balita Biblia

² Sultihi ang mga Israelita sa pagpangayo ug mga alahas nga plata ug bulawan sa ilang mga silingan.”

Ang Bag-ong Maayong Balita Biblia

² Sultihi ang mga Israelita sa pagpangayo ug mga alahas nga plata ug bulawan sa ilang mga silingan.”

Exodo 11:2 Cross References

Genesis 24:53

Unya gipagawas niya ang dala niyang mga alahas nga hinimo gikan sa pilak ug bulawan, ug ang mga bisti, ug gihatag kang Rebeka. Gihatagan usab niya ug mahalon nga mga gasa ang igsoong lalaki ug ang inahan ni Rebeka.

Genesis 31:9

Gikuha sa Dios ang mga kahayopan sa inyong amahan ug gihatag kanako.”

Salmo 105:37

Unya gipagawas niya ang mga Israelinhon gikan sa Ehipto nga wala maunsa, ug aduna pay dala nga mga pilak ug mga bulawan.

Salmo 24:1

Ang tibuok kalibotan ug ang tanang anaa niini iya sa Ginoo.

Exodo 3:21

“Ug himuon ko nga maayo kaninyo ang mga Ehiptohanon, aron iniglakaw na ninyo pabalonan pa nila kamo.

Exodo 3:22

Ang matag babaye nga Israelinhon mangayo ug mga alahas nga plata ug bulawan ug mga bisti sa ilang silingan nga mga Ehiptohanon ug sa mga dumuduong didto sa Ehipto, ug ipasul-ob ninyo kini sa inyong mga anak. Niining paagiha, makuhaan ninyo ug mga kabtangan ang mga Ehiptohanon.”

Exodo 32:24

Busa miingon ako kanila nga dad-on nila dinhi kanako ang ilang mga alahas nga bulawan. Sa dihang nadala na kini kanako, gilabay ko kini sa kalayo ug mitungha kining baka.

Exodo 35:22

Ang tanan nga gustong mohalad, lalaki man ug babaye, nagdalag mahalong mga barpin, mga ariyos, mga pulseras, ug mga nagkalain-laing klasi sa mga alahas nga bulawan. Gidala nila kining mga bulawan nga halad ingon nga ginabayaw nga halad ngadto sa Ginoo.

Mga Panultihon 13:22

Ang bahandi sa maayo nga tawo mapanunod sa iyang mga apo, apan ang bahandi sa makasasala mapanag-iya sa mga matarong.

Hageo 2:8

‘Ang plata akoa ug ang bulawan ako usab,’ nag-ingon ang  Ginoo nga Gamhanan.

Mateo 20:15

Dili ba makabuot man ako kon unsa ang akong buhaton sa akong kuwarta? Basin nasina ka lang tungod kay maayo ako kanila.’ ”