Exodo 11:1 - Ang Pulong sa Dios

¹ Miingon ang Ginoo kang Moises, “Padad-an ko ug usa pa ka katalagman ang hari ug ang Ehipto. Human niana, palakwon na niya kamo. Abugon pa gani niya kamo tungod kay gusto na gayod niya nga mopahawa kamo.

Ang Biblia 2011

¹ Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod.

Maayong Balita Biblia

¹ Ang Ginoo miingon kang Moises, “Ipahamtang ko sa hari sa Ehipto ug sa mga Ehiptohanon ang usa pa ka silot. Human niini, iya kamong palakton. Gani, abugon pa gayod niya kamong tanan sa hingpit.

Ang Bag-ong Maayong Balita Biblia

¹ Ang Ginoo miingon kang Moises, “Ipahamtang ko sa hari sa Ehipto ug sa mga Ehiptohanon ang usa pa ka silot. Human niini, iya kamong palakton. Gani, abugon pa gayod niya kamong tanan sa hingpit.

Exodo 11:1 Cross References

Genesis 15:14

Apan silotan ko ang nasod nga moulipon kanila. Ug unya mobiya ang imong mga kaliwat gikan didto dala ang daghang kabtangan.

Job 10:17

Walay hunong ang imong pagbatok kanako, ug misamot ang imong kasuko kanako. Walay hunong ang imong pakigbatok kanako.

Exodo 12:29

Sa pagkatungang gabii, gipamatay sa Ginoo ang tanang mga kamagulangang anak nga lalaki sa Ehipto, gikan sa kamagulangan sa hari, nga mao ang mopuli sa trono, hangtod sa kamagulangan sa mga piniriso. Ug gipamatay usab niya ang tanang unang laki nga anak sa mga kahayopan.

Exodo 3:20

Busa silotan ko ang mga Ehiptohanon pinaagi sa mga milagro nga akong himuon taliwala kanila. Pagkahuman, tugotan na niya kamo sa paglakaw.

Exodo 6:1

Miingon ang Ginoo kang Moises, “Karon makita mo kon unsa ang himuon ko sa hari sa Ehipto. Pinaagi sa akong gahom, tugotan niya nga mobiya kamo sa iyang nasod. Mapugos siya sa pagpapahawa kaninyo.”

Exodo 9:14

Kay kon dili, ipadala ko ang hilabihan kagrabe nga katalagman diha kanimo, sa imong mga opisyal, ug sa imong katawhan aron mahibaloan mo nga walay sama kanako sa tibuok kalibotan.

Levitico 26:21

“ ‘Kon magpadayon pa gihapon kamo sa pagsupak kanako ug dili kamo mamati kanako, dugangan ko pa gayod ug pito ka pilo ang inyong silot.

Deuteronomio 4:34

Aduna bay laing dios nga nangahas sa pagkuha sa usa ka pundok sa katawhan gikan sa usa ka nasod aron mahimong iya pinaagi sa mga pagsulay, milagro, katingalahang mga butang, gira, kahibulongang gahom, o gamhanang mga buhat? Apan mao kana ang gihimo sa Ginoo nga inyong Dios didto sa Ehipto, ug kamo mismo nakakita niini.

Gipadayag 16:9

Apan bisan pag nangapaso na ang mga tawo wala gihapon sila maghinulsol ug magdayeg sa Dios, gipasipalahan pa hinuon nila ang Dios nga mao ang adunay gahom sa mga katalagman nga miabot kanila.

1 Samuel 6:4

Nangutana ang mga Filistihanon, “Unsa man nga halad isip bayad sa sala ang among ipauban?” Mitubag ang mga pari ug mga babaylan, “Pagporma ug lima ka estatuwa nga bulawan nga daw tumor, ug lima usab ka estatuwa nga bulawan nga daw ilaga, sumala sa gidaghanon sa atong mga pangulo, tungod kay managsama kita nga nakatagamtam sa katalagman pinaagi sa mga tumor ug mga ilaga nga midaot sa atong nasod. Ihalad ninyo kini agig pagpasidungog sa Dios sa Israel, kay basin pa ug undangon na niya ang pagsilot kanato, sa atong mga dios, ug sa atong nasod.