Exodo 10:7 - Ang Pulong sa Dios

⁷ Miingon ang mga opisyal sa hari kaniya, “Hangtod kanus-a mo pasagdan kining tawhana nga nagdaot kanato? Palakwa na ang mga Israelinhon, aron makasimba sila sa Ginoo nga ilang Dios. Wala mo ba makita nga dako na ang kadaot sa Ehipto?”

Ang Biblia 2011

⁷ Unya ang mga alagad sa Paraon miingon kaniya, “Hangtod kanus-a ba nga kining tawhana mahimong usa ka bitik alang kanato? Tugoti sa paglakaw kining mga katawhan aron makaalagad sila sa Ginoo nga ilang Dios. Wala pa ba ikaw makasabot nga ang Ehipto nalaglag na?”

Maayong Balita Biblia

⁷ Ang mga opisyal sa hari miingon kaniya, “Hangtod kanus-a magsamok kining tawhana kanato? Palakta na ang mga Israelita aron mag-alagad sila sa Ginoo nga ilang Dios. Wala mo ba makita nga nalaglag na ang Ehipto?”

Ang Bag-ong Maayong Balita Biblia

⁷ Ang mga opisyal sa hari miingon kaniya, “Hangtod kanus-a magsamok kining tawhana kanato? Palakta na ang mga Israelita aron mag-alagad sila sa Ginoo nga ilang Dios. Wala mo ba makita nga nalaglag na ang Ehipto?”

Exodo 10:7 Cross References

Salmo 107:34

Gihimo niyang walay pulos ang maayo nga yuta, tungod sa pagkadaotan sa mga namuyo niini.

Exodo 12:33

Gipadali ug pahawa sa mga Ehiptohanon gikan sa ilang nasod ang mga Israelinhon, kay ingon nila, “Kon dili kamo mohawa, mangamatay kaming tanan!”

Exodo 23:33

Ayaw ninyo sila tugoti nga mopuyo sa inyong yuta kay basin sila pa ang motukmod kaninyo sa pagpakasala batok kanako. Kay kon mosimba kamo sa ilang mga dios, sigurado nga mahimo kining laang alang kaninyo.”

Exodo 7:5

Kon masilotan ko na ang Ehipto ug mapagawas ang mga Israelinhon gikan sa ilang nasod, mahibaloan sa mga Ehiptohanon nga ako mao ang Ginoo.”

Exodo 8:19

Miingon ang mga madyikero sa hari, “Buhat kini sa Dios!” Apan gahi gihapon ug kasing-kasing ang hari, ug wala gayod siya maminaw kang Moises ug kang Aaron, sumala sa giingon sa Ginoo.

Mga Panultihon 29:6

Ang tawong daotan malit-agan sa iyang kaugalingong sala, apan ang tawong matarong mag-awit nga malipayon.

Ecclesiastes 7:26

Nadiskobrehan ko nga ang babayeng maninintal mas mapait pa kaysa kamatayon. Ang iyang gugma sama sa lit-ag, ug ang iyang mga bukton sama sa kadena. Makaikyas kaniya ang tawo nga nagtuman sa Dios sa iyang kinabuhi, apan ang makasasala malit-agan gayod niya.

Isaias 14:20

Dili ka ilubong sama sa ubang hari, kay gilaglag mo ang imong nasod ug gipamatay mo ang imong katawhan. Walay mahibiling buhi sa imong daotang kaliwat.

Isaias 51:9

Sige na, Ginoo, tabangi kami. Gamita ang imong gahom sa pagluwas kanamo. Tabangi kami sama sa imong gihimo kaniadto. Dili ba ikaw man ang nagtagod-tagod sa dragon nga si Rahab?

Jeremias 48:4

Malaglag gayod ang Moab, ug manghilak ang mga kabataan.

Jeremias 51:8

Kalit nga malaglag ang Babilonia! Pagsubo kamo alang kaniya. Tambali ninyo ang iyang mga samad, basin pag maayo siya.

Sofonias 1:18

Dili makaluwas kanila ang ilang mga pilak o mga bulawan gikan sa adlaw nga ipakita ko ang akong kapungot nga sama sa kalayo nga lamyon ang tibuok kalibotan. Tungod kay laglagon ko ang tanang nagpuyo sa kalibotan.”

1 Mga Taga-Corinto 7:35

Gisulti ko kini alang sa inyong kaayohan. Wala ko kamo pugngi nga magminyo kondili gusto lang nako nga hapsay ug walay babag ang inyong pag-alagad sa Ginoo.

Josue 23:13

sigurado gayod nga dili na ipaabog sa Ginoo nga inyong Dios kining mga nasora. Mahimo silang sama kadelikado sa lit-ag alang kaninyo. Maghatag silag kasakit kaninyo sama sa kasakit sa lapdos sa latigo diha sa inyong likod o sa tuslok sa tunok sa inyong mga mata. Magpadayon kini hangtod nga mangamatay kamo niining maayo nga yuta nga gihatag kaninyo sa Ginoo nga inyong Dios.

1 Samuel 18:21

Miingon siya sa iyang kaugalingon, “Ipaasawa ko si Mical kang David, ug himuon ko siyang paon aron mapatay si David sa mga Filistihanon.” Busa miingon si Saulo kang David, “Adunay higayon ka pa nga mahimong akong umagad!”

1 Samuel 5:11

Busa gipatawag nila ang tanang pangulo sa mga Filistihanon ug giingnan, “Ibalik ninyo ang Sudlanan sa Dios sa Israel didto sa iyang dapit, kay kon dili, mangamatay kitang tanan.” Nakasulti sila niini tungod kay nagsugod na ang labihang pagsilot sa Dios sa ilang lungsod. Nangalisang sila kay daghan ang nangamatay.