Exodo 10:6 - Ang Pulong sa Dios

⁶ Mapuno sa mga dulon ang imong palasyo ug ang mga balay sa imong mga opisyal ug mga katawhan. Ang inyong mga katigulangan wala gayod nakakitag sama niini sa yuta sa Ehipto sukad sa ilang pag-abot dinhi.’ ” Unya mitalikod sila ni Moises ug milakaw.

Ang Biblia 2011

⁶ Pun-on nila ang imong mga balay ug ang mga balay sa tanan nimong mga alagad, ug sa tanang mga Ehiptohanon, nga wala pa gayod makita sa imong katigulangan bisan sa imong mga apohan sukad sa adlaw nga mianhi sila niining yutaa hangtod karon.’ ” Ug mitalikod sila ug mibiya sa Paraon.

Maayong Balita Biblia

⁶ Mapuno nila ang imong mga palasyo ug ang mga balay sa imong mga opisyal ug ang mga balay sa tanan mong katawhan. Wala pay ingon niini ka makalilisang nga nakita sa inyong mga katigulangan sukad sila mahianhi niining yutaa.’” Unya mibiya si Moises sa hari.

Ang Bag-ong Maayong Balita Biblia

⁶ Mapuno nila ang imong mga palasyo ug ang mga balay sa imong mga opisyal ug ang mga balay sa tanan mong katawhan. Wala pay ingon niini ka makalilisang nga nakita sa inyong mga katigulangan sukad sila mahianhi niining yutaa.’” Unya mibiya si Moises sa hari.

Exodo 10:6 Cross References

Exodo 10:11

Dili ko mosugot! Ang mga lalaki lang ang molakaw aron mosimba sa Ginoo, kay mao man gayod kaha kana ang inyong gusto.” Gipapahawa dayon si Moises ug si Aaron sa atubangan sa hari.

Exodo 11:6

Madunggan ang pagminatay ug hilak sa tibuok Ehipto nga wala pa gayod sukad mahitabo, ug dili na gayod mahitabo pa pag-usab.

Exodo 11:8

Ug ang tanan mo nga opisyal moduol kanako nga nagyukbo ug nag-ingon, ‘Lakaw na kamo uban sa mga tawo nga nagsunod kanimo!’ Ug pagkahuman niana, molakaw ako.” Unya masuk-anon kaayo nga mibiya si Moises sa hari.

Exodo 8:21

Kon dili mo gani sila palakwon, magpadala ako ug daghang mga langaw nganha kanimo, sa imong mga alagad ug sa imong katawhan ug mga balay. Mapuno sa mga langaw ang inyong mga balay ug ang yuta malukop niini.

Exodo 8:3

Mapuno ug baki ang Suba sa Nilo ug manulod kini sa imong palasyo, sa imong kuwarto, ug diha mismo sa imong higdaanan. Manulod usab sila sa mga balay sa imong mga opisyal ug sa imong katawhan, ug ngadto sa mga abuhan ug sa masahanan sa harina.

Exodo 9:18

Busa ugma, sa ingon niini nga oras, paulanan ko kamo ug labihan ka dagkong yelo nga wala pa gayod ninyo sukad masinati gikan sa pagkatukod sa Ehipto.

Joel 2:2

Ngitngit ug dulom kanang adlawa. Ug sama sa pagdan-ag sa adlaw kon magbanag-banag na, magkatag sa mga bukid ang makadaot nga mga dulon nga labihan kadaghan. Wala gayoy nahitabo nga sama niini sukad pa kaniadto, ug dili na mahitabo pa ang sama niini sa umaabot nga panahon.

Joel 2:9

Giataki nila ang siyudad ug gisaka nila ang paril. Gisaka nila ang mga kabalayan ug moagi sila sa mga bintana sama sa kawatan.

Mga Hebreo 11:27

Ug tungod sa pagtuo, mibiya si Moises sa Ehipto, ug wala siya mahadlok sa kasuko sa hari kaniya. Giantos niya ang kalisod nga iyang nasinati ug wala gayod siya mobalik didto tungod kay sama ra nga nakita niya ang dili makita nga Dios.