Ester 7:8 - Ang Pulong sa Dios

⁸ Sa pagbalik sa hari gikan sa hardin, iyang nakita si Haman nga naghapa sa sopa nga ginalingkoran ni Ester. Miingon ang hari, “Buot mo pang lugoson ang rayna bisan ania ako dinhi sa palasyo!” Pagkahuman gayod ug sulti sa hari niini, gitabonan sa mga sulugoon ang ulo ni Haman.

Ang Biblia 2011

⁸ Unya ang hari mibalik gikan sa tanaman sa balay sa hari ngadto sa dapit diin sila nag-inom sa bino samtang si Haman nag-akbo sa sopa diin didto sa Ester. Unya miingon ang hari, “Iya ba diayng panamastamasan ang rayna sa akong atubangan, dinhi sa akong kaugalingong balay?” Samtang ang mga pulong migula sa baba sa hari, ilang gitabonan ang nawong ni Haman.

Maayong Balita Biblia

⁸ Unya pagbalik sa hari gikan sa tanaman sa palasyo ngadto sa dapit nga ilang giinoman nakita niya si Haman nga nag-akbo sa sopa nga gilingkoran ni Ester ug miingon ang hari, “Imo ba usab diayng panamastamasan ang rayna dinhi sa akong atubangan sulod sa akong palasyo?” Sa pagpamulong niini sa hari, gitabonan sa mga yunuko ang nawong ni Haman.

Ang Bag-ong Maayong Balita Biblia

⁸ Unya pagbalik sa hari gikan sa tanaman sa palasyo ngadto sa dapit nga ilang giinoman nakita niya si Haman nga nag-akbo sa sopa nga gilingkoran ni Ester ug miingon ang hari, “Imo ba usab diayng panamastamasan ang rayna dinhi sa akong atubangan sulod sa akong palasyo?” Sa pagpamulong niini sa hari, gitabonan sa mga yunuko ang nawong ni Haman.

Ester 7:8 Cross References

Ester 1:5

Pagkahuman niadto, nagpakombira na usab ang hari alang sa tanang mga lumulupyo sa pinarilan nga lungsod sa Susa gikan sa labing halangdon ngadto sa pinakaubos. Gihimo kini nga kombira sa hardin sa palasyo sa hari sulod sa pito ka adlaw.

Ester 1:6

Gidekorasyonan ang hardin ug puti ug asul nga mga kurtina. Gibutangan kinig mga higot nga lino nga kolor ube, ug gitaod ngadto sa mga singsing nga plata sa marmol nga mga haligi. Ang mga lingkoranan hinimo sa bulawan ug plata, ug ang salog adunay mga disenyo nga hinimo sa puti nga marmol, perlas, ug uban pang mahalong mga bato.

Ester 6:12

Pagkahuman, mibalik si Mordecai sa pultahan sa palasyo. Apan si Haman midali-dali ug pauli nga nagtabon sa iyang nawong tungod sa labihang kaulaw.

Ester 7:10

Busa gituhog nila si Haman sa kahoy nga gipahimo niya alang unta kang Mordecai. Unya nahupay ang kasuko sa hari.

Job 9:24

Gitugyan niya ang kalibotan ngadto sa mga daotan. Gibutaan niya ang mata sa mga maghuhukom. Kon dili siya ang naghimo niini, nan, kinsa pa man?

Isaias 22:17

Pagbantay, kay bisan ug gamhanan ka, dakpon ka sa Ginoo ug ilabay.

Isaias 49:23

Mag-alagad kanimo ang mga hari ug mga rayna. Sila ang moatiman kanimo. Moluhod sila agig pagtahod kanimo, ug magpasakop gayod sila kanimo. Unya mahibaloan mo nga ako mao ang  Ginoo, ug ang mga nagsalig kanako dili gayod mapakyas.”

Amos 3:12

Midugang pagsulti ang  Ginoo, “Maingon nga luwason sa magbalantay ang duha ka tiil o usa ka dalunggan sa mananap nga gikaon sa liyon, salbaron usab ang mga Israelinhon nga nagpuyo sa Samaria. Apan wala silay madala gawas sa mga putol nga bahin sa ilang mga lantay ug katre.”

Marcos 14:65

Giluwaan si Jesus sa pipila kanila. Gitaptapan nila siya ug gisumbag. Ug miingon sila, “Tag-ana kuno kon kinsa ang misumbag kanimo?” Dayon gikuha siya sa mga tigbalantay ug gisigihan nilag sagpa.