Ester 7:7 - Ang Pulong sa Dios

⁷ Unya mitindog ang hari sa labihang kasuko. Gibiyaan niya ang iyang ilimnon ug miadto sa hardin sa palasyo. Apan nagpabilin si Haman ug nagpakiluoy kang Rayna Ester tungod kay nasayod siya nga silotan gayod siya sa hari.

Ang Biblia 2011

⁷ Ang hari suko nga mitindog gikan sa kan-anan ug miadto sa tanaman sa balay sa hari. Apan si Haman mipabilin aron sa paghangyo sa iyang kinabuhi kang Rayna Ester kay nakita niya nga may daotan nga gihunahuna batok kaniya ang hari.

Maayong Balita Biblia

⁷ Unya ang hari mitindog ug mibiya sa panihapon sa hilabihang kasuko ug miadto sa tanaman sa palasyo. Apan si Haman nagpabilin aron pagpakiluoy kang Rayna Ester nga dili unta siya patyon sa hari.

Ang Bag-ong Maayong Balita Biblia

⁷ Unya ang hari mitindog ug mibiya sa panihapon sa hilabihang kasuko ug miadto sa tanaman sa palasyo. Apan si Haman nagpabilin aron pagpakiluoy kang Rayna Ester nga dili unta siya patyon sa hari.

Ester 7:7 Cross References

Ester 1:12

Apan sa dihang gisultihan sa mga alagad si Rayna Vasti mahitungod sa gisugo sa hari, midumili siya sa pag-adto. Busa nasuko pag-ayo ang hari.

Ester 1:5

Pagkahuman niadto, nagpakombira na usab ang hari alang sa tanang mga lumulupyo sa pinarilan nga lungsod sa Susa gikan sa labing halangdon ngadto sa pinakaubos. Gihimo kini nga kombira sa hardin sa palasyo sa hari sulod sa pito ka adlaw.

Ester 7:10

Busa gituhog nila si Haman sa kahoy nga gipahimo niya alang unta kang Mordecai. Unya nahupay ang kasuko sa hari.

Salmo 112:10

Makita kini sa mga daotan ug mokagot ang ilang mga ngipon sa kasuko, ug daw mangatunaw sila sa kaulaw. Ang ilang mga plano dili magmalampuson.

Mga Panultihon 14:19

Ang mga daotan moluhod ug magpakiluoy sa mga matarong.

Mga Panultihon 14:35

Makapalipay sa hari ang maalamon nga sulugoon, apan kapungtan niya ang sulugoon nga nagpakaulaw kaniya.

Mga Panultihon 16:14

Kon masuko ang hari malagmit aduna siyay patyon, busa ang tawong maalamon maningkamot gayod nga dili masuko ang hari.

Mga Panultihon 19:12

Ang kasuko sa hari sama sa ngulob sa liyon, apan ang iyang kaayo sama sa yamog sa tanaman.

Isaias 60:14

Ang mga kaliwat sa mga nagdaog-daog kanimo moduol kanimo nga magyukbo. Moluhod sa imong tiilan ang tanang mitamay kanimo, ug tawgon ka nila nga ‘Siyudad sa Ginoo’ o ‘Zion, ang Siyudad sa Balaang Dios sa Israel.’

Daniel 3:19

Tungod sa ilang tubag misamot ang kasuko sa hari kanila, ug makita kini sa iyang dagway. Busa nimando siya nga dugangan ug pito ka pilo ang kainit sa hudno.

Gipadayag 3:9

Apan mahitungod niadtong mga tawo nga sakop ni Satanas, nga mga bakakon ug nagpakaaron-ingnon nga mga Judio, paludhon ko sila diha sa inyong atubangan, ug masayran nila nga gihigugma ko kamo.

1 Samuel 20:7

Kon moingon siya nga walay kaso, dili ako mabalaka. Apan kon masuko siya, sigurado gayod nga aduna siyay tuyo nga patyon ako.

1 Samuel 20:9

Mitubag si Jonatan, “Dili kana mahitabo! Kon makasiguro ako nga ang akong amahan adunay tinguha sa pagpatay kanimo, ipahibalo ko gayod kini kanimo.”

1 Samuel 25:17

Karon, huna-hunaa kon unsay maayo nimong buhaton, tungod kay moabot ang katalagman sa imong bana ug sa iyang tibuok panimalay. Daotan kaayo siya ug batasan ug dili siya masultihan.”