Ester 3:2 - Ang Pulong sa Dios

² Ang tanang opisyal sa hari nga nag-alagad sa pultahan sa palasyo miyukbo kang Haman agig pagtahod kaniya, sumala sa sugo sa hari. Apan si Mordecai wala moyukbo.

Ang Biblia 2011

² Ug ang tanang mga alagad sa hari nga didto sa ganghaan sa hari miyukbo ug mitahod kang Haman kay ang hari nagsugo sa ingon mahitungod kaniya. Apan si Mardoqueo wala moyukbo o motahod kaniya.

Maayong Balita Biblia

² Ug ang tanang sulugoon sa hari nga diha sa ganghaan sa palasyo miyukbo kang Haman kay may sugo man ang hari bahin niini. Apan si Mardoqueo wala moyukbo kang Haman.

Ang Bag-ong Maayong Balita Biblia

² Ug ang tanang sulugoon sa hari nga diha sa ganghaan sa palasyo miyukbo kang Haman kay may sugo man ang hari bahin niini. Apan si Mardoqueo wala moyukbo kang Haman.

Ester 3:2 Cross References

Genesis 41:43

Gipasakay niya si Jose sa iyang ikaduhang karwahi, ug adunay mga tigpahibalo nga gauna kaniya ug nagsinggit, “Yukbo-i ninyo ang gobernador!” Busa sukad niadto nahimong gobernador si Jose sa tibuok Ehipto.

Ester 2:19

Sa ikaduhang panagtigom sa mga dalaga, nahimo nang opisyal si Mordecai ug didto siya nakapwesto sa pultahan sa palasyo.

Ester 2:21

Sa panahon nga usa na ka opisyal si Mordecai nga nag-alagad sa pultahan sa palasyo, adunay duha ka opisyal sa hari nga si Bigtana ug si Teresh. Sila ang mga tigbalantay sa pultahan sa kuwarto sa hari. Karon, nasuko sila kang Haring Ahasuerus ug nagplano sila sa pagpatay kaniya.

Ester 2:5

Adunay usa ka Judio nga nagpuyo sa pinarilan nga lungsod sa Susa nga ginganlag Mordecai. Ang iyang amahan mao si Jair, ug apo siya ni Shimei nga anak ni Kish nga gikan sa tribo ni Benjamin.

Ester 3:1

Human niadtong hitaboa, gipatas-an ni Haring Ahasuerus ang ranggo ni Haman nga anak ni Hamedata nga Agagnon. Gihatagan sa hari si Haman sa labing taas nga katungdanan sa iyang gingharian.

Ester 3:3

Gipangutana siya sa ubang mga opisyal kon nganong wala siya motuman sa sugo sa hari.

Ester 3:5

Sa dihang nakita ni Haman nga dili moyukbo si Mordecai agig pagtahod kaniya, nasuko siya pag-ayo.

Ester 5:9

Niadtong adlawa, malipayon si Haman nga migawas sa palasyo. Apan nasuko siya pag-ayo sa dihang nakita niya si Mordecai sa pultahan sa palasyo ug wala kini motindog o mopakita ug pagtahod kaniya.

Salmo 15:4

Alang kaniya talamayon ang mga tawo nga akong gisalikway, apan ginapasidunggan niya ang mga nagtahod kanako. Ginatuman gayod niya ang iyang saad bisan pa kon malisod kini alang kaniya.

Exodo 17:14

Unya miingon ang Ginoo kang Moises, “Isulat kini sa libro aron dili malimtan ug ipahibalo kini kang Josue: Puohon ko gayod sa hingpit ang mga Amalekanhon.”

Exodo 17:16

Miingon siya, “Tungod kay gikumoan sa mga Amalekanhon ang trono sa Ginoo, padayon nga makig-gira ang Ginoo batok kanila hangtod sa hangtod.”

Daniel 2:49

Gihangyo ni Daniel ang hari nga himuon sila si Shadrach, Meshach, ug Abednego nga iyang katabang sa pagdumala sa probinsya sa Babilonia. Ug misugot ang hari. Unya didto nagpuyo si Daniel sa palasyo sa hari.

Deuteronomio 25:19

Busa laglaga gayod ninyo ang tanang mga Amalekanhon kon hatagan na kamo sa Ginoo nga inyong Dios sa kalinaw gikan sa tanan ninyong mga kaaway didto sa yuta nga ihatag niya kaninyo nga inyong panag-iyahan. Ayaw gayod ninyo kini kalimti.

Mga Taga-Filipos 2:10

Aron nga ang tanan nga anaa sa langit ug sa yuta, bisan ang anaa sa ilalom sa yuta, mangluhod ug mosimba kaniya.

1 Samuel 15:3

Busa karon, sulonga ang mga Amalekanhon! Laglaga sa hingpit ang tanan nga anaa kanila. Pamatya ang ilang mga lalaki, mga babaye, mga kabataan, apil ang mga masuso, ang mga baka, mga karnero, mga kanding, mga kamelyo, ug mga asno.’ ”