Ester 3:1 - Ang Pulong sa Dios

¹ Human niadtong hitaboa, gipatas-an ni Haring Ahasuerus ang ranggo ni Haman nga anak ni Hamedata nga Agagnon. Gihatagan sa hari si Haman sa labing taas nga katungdanan sa iyang gingharian.

Ang Biblia 2011

¹ Human niining mga butanga gipauswag ni Hari Ahasuero ang katungdanan ni Haman nga Agaghanon, anak ni Hamedata, ug gihimo siyang labaw ug gibutang ang iyang lingkoranan labaw sa tanang mga pangulo nga diha uban kaniya.

Maayong Balita Biblia

¹ Human niadto gipatas-an ni Hari Ahasuero ang katungdanan ni Haman nga anak ni Hamedata nga kaliwat ni Agag ug gihimo siyang labaw sa tanang kadagkoan nga uban kaniya.

Ang Bag-ong Maayong Balita Biblia

¹ Human niadto gipatas-an ni Hari Ahasuero ang katungdanan ni Haman nga anak ni Hamedata nga kaliwat ni Agag ug gihimo siyang labaw sa tanang kadagkoan nga uban kaniya.

Ester 3:1 Cross References

Genesis 41:40

Himuon ka nako karon nga tigdumala sa akong palasyo ug gobernador sa tibuok Ehipto, ug motuman kanimo ang tanan kong katawhan. Ako ray labaw kanimo kay hari man ako.”

Genesis 41:55

Wala madugay, nakasinati na usab sa kagutom ang mga taga-Ehipto, busa nangayo sila ug pagkaon gikan sa hari. Miingon ang hari kanila, “Adto kamo kang Jose ug buhata ninyo kon unsay iyang isulti.”

Esdras 7:14

Ako ug ang akong pito ka magtatambag nagkauyon nga paadtoon ka sa Juda ug sa Jerusalem aron sa pagsusi kon gituman ba nila ang Kasugoan nga gitugyan kanimo sa imong Dios.

Ester 1:14

Ang kanunay niyang pangayoan ug tambag mao sila si Carshena, Shetar, Admata, Tarshish, Meres, Marsena, ug Memukan. Kini silang pito ang pinakataas ug ranggo sa mga opisyal sa gingharian sa Persia ug Media, ug sayon ra silang makaduol sa hari.

Ester 3:10

Unya gihubo sa hari ang iyang singsing nga pangsilyo ug gihatag kang Haman nga anak ni Hamedata nga Agagnon, nga kaaway sa mga Judio.

Ester 5:11

Gipasigarbo niya kanila ang iyang daghang bahandi ug mga anak, ug ang tanang pasidungog nga gihatag kaniya sa hari, apil ang paghatag kaniya sa ranggo nga labaw sa tanang opisyal ug sa uban pang mga alagad sa hari.

Ester 7:6

Mitubag si Ester, “Ang among kaaway walay lain kondili kining daotan nga si Haman.” Labihang kahadlok ni Haman sa atubangan sa hari ug sa rayna.

Ester 8:3

Nakigsulti na usab si Ester kang Haring Ahasuerus. Miluhod siya sa tiilan sa hari ug mihilak. Nagpakiluoy siya nga dili na ipadayon ang daotang plano ni Haman nga Agagnon batok sa mga Judio.

Salmo 12:8

Kay gilibotan nila kami, ug gidayeg sa tanan ang ilang daotang mga binuhatan.

Mga Panultihon 29:2

Kon mga matarong ang mangulo malipayon ang mga tawo, apan kon mga daotan ang mangulo masubo gayod sila.

Ecclesiastes 10:6

Ang mga buang-buang gihatagan ug taas nga posisyon apan ang mga adunahan gihatagan ug mubo nga posisyon.

Daniel 6:2

Kini nga mga gobernador ubos sa pagdumala sa tulo ka administrador, nga ang usa kanila mao si Daniel, aron mahapsay ang pagdumala sa hari.

Numeros 24:7

Mag-awas ang tubig sa ilang mga sudlanan, ug magtanom silag liso diha sa mga yuta nga abunda ug tubig. Ang ilang hari mahimong mas gamhanan kaysa kang Agag nga hari sa mga Amalekanhon. Ug ang ilang gingharian mabantog.

1 Samuel 15:33

Apan miingon si Samuel, “Maingon nga daghang mga inahan ang nawad-an ug mga anak tungod sa imong pagpamatay, maingon usab nga ang imong inahan mawad-an ug anak.” Ug gipatay ni Samuel si Agag sa presensya sa Ginoo didto sa Gilgal.

1 Samuel 15:8

Gipamatay nila ang tanang mga Amalekanhon, apan si Agag nga ilang hari ila lang gibihag.