Daniel 7:9 - Ang Pulong sa Dios

⁹ “Unya nakita ko nga adunay gibutang nga mga trono, ug milingkod sa usa niini ang Nagkinabuhi sa Walay Kataposan. Sulaw kaayo ang iyang bisti ug buhok tungod sa kaputi. Nagdilaab ang iyang trono nga adunay mga ligid.

Ang Biblia 2011

⁹ Samtang ako nagsud-ong, ang mga trono gibutang, ug ang usa sa kakaraanan milingkod; ang iyang mga bisti puti kaayo ug ang buhok sa iyang ulo sama sa lunsay nga balhibo sa karnero; ang iyang trono nagdilaab nga siga, ang mga ligid niini nagsiga nga kalayo.

Maayong Balita Biblia

⁹ Ug sa pagtan-aw nako, may mga trono nga gibutang, ug milingkod niini siya nga walay kataposan; ingon sa niyebe ang kaputi sa iyang bisti ug ang iyang buhok sama sa delana nga puti kaayo, ang iyang trono kalayo nga nagdilaab ug may ligid kini nga kalayo usab.

Ang Bag-ong Maayong Balita Biblia

⁹ Ug sa pagtan-aw nako, may mga trono nga gibutang, ug milingkod niini siya nga walay kataposan; ingon sa niyebe ang kaputi sa iyang bisti ug ang iyang buhok sama sa delana nga puti kaayo, ang iyang trono kalayo nga nagdilaab ug may ligid kini nga kalayo usab.

Daniel 7:9 Cross References

1 Mga Hari 22:19

Mipadayon pag-ingon si Micaya, “Pamatia ang mensahe sa Ginoo! Nakita ko ang Ginoo nga naglingkod sa iyang trono, ug ang tanang mga langitnong binuhat nagtindog dapit sa iyang wala ug sa iyang tuo.

2 Cronicas 18:18

Mipadayon pag-ingon si Micaya, “Pamatia ang mensahe sa Ginoo! Nakita ko ang Ginoo nga naglingkod sa iyang trono, ug ang tanang mga langitnong binuhat nagtindog dapit sa iyang wala ug sa iyang tuo.

Salmo 45:8

Ang imong bisti humot sa mira, aloe, ug casia. Lingawon ka sa honi sa mga instrumento sa imong palasyo nga adunay mahalong mga dekorasyon.

Salmo 90:2

Sa wala mo pa buhata ang mga bukid ug ang kalibotan, ikaw na ang Dios, ug ikaw ang Dios sa walay kataposan.

Salmo 93:2

Hari ka na sukad pa sa sinugdan, kay anaa ka na sukad pa kaniadto.

Isaias 6:1

Sa tuig nga namatay si Haring Uzias, nakita ko ang Ginoo nga naglingkod sa habog kaayong trono. Ang iyang taas nga bisti milukop sa tibuok Templo.

Isaias 9:6

Matawo ang usa ka batang lalaki ug maghari siya kanamo. Pagatawgon siya nga, “Maalamong Magtatambag, Makagagahom nga Dios, Amahan hangtod sa kahangtoran, ug Prinsipe sa Kalinaw!”

Jeremias 49:38

Ipahimutang ko sa Elam ang akong trono ug hukman ko sila. Laglagon ko ang hari ug ang mga opisyal sa Elam.

Ezequiel 1:26

Ug didto adunay murag trono nga hinimo gikan sa batong sapiro, ug adunay naglingkod niini nga sama sa tawo.

Daniel 7:13

“Unya nakita ko ang murag anak sa tawo nga gilibotan sa panganod. Miduol siya sa Nagkinabuhi sa Walay Kataposan.

Daniel 7:22

Pagkahuman, miabot ang Nagkinabuhi sa Walay Kataposan, ang Labing Halangdon nga Dios, ug naghukom dapig sa mga balaan. Ug miabot ang panahon sa paghari sa mga balaan.

Miqueas 5:2

Miingon ang Ginoo: “Ikaw, Betlehem Efrata, dili kaayo importante nga lungsod sa Juda. Apan maggikan kanimo ang usa ka tawo nga mag-alagad kanako isip pangulo sa Israel, kansang mga katigulangan inila nga mga tawo sa unang panahon.”

Habacuc 1:12

Ginoo dili ba wala ka may kinutoban? Akong Dios nga Balaan ug wala kay kamatayon. Ikaw Ginoo, ang mipili kanila aron ipakanaog ang imong hukom. Ikaw, ang akong Bato. Gipili mo sila aron mosilot kanamo.

Mateo 17:2

Samtang nagtan-aw sila kang Jesus, nausab ang iyang panagway. Ang iyang nawong misidlak sama sa adlaw, ug ang iyang bisti miputi ug silaw kaayo.

Mateo 28:3

Ang iyang panagway labihan kasulaw sama sa kilat, ug ang iyang bisti puti gayod kaayo.

Marcos 9:3

Ang iyang bisti miputi ug silaw kaayo. Walay bisan kinsa dinhi sa kalibotan nga makapaputi ug sama niadto.

Mga Buhat 2:30

Propeta si David ug nahibalo siya nga ang Dios nagsaad kaniya nga ang usa sa iyang mga kaliwat manunod sa iyang gingharian.

Mga Buhat 2:33

Gibayaw siya ngadto sa tuong dapit sa Dios. Ug gihatag kaniya sa Amahan ang Espiritu Santo nga gisaad kaniya. Ug kining maong Espiritu Santo gipadala ni Jesus kanamo, ug ang iyang gahom mao ang inyong nakita ug nadunggan karon.

Mga Taga-Filipos 3:9

ug maanaa ako kaniya. Wala na ako magsalig nga mahimong matarong pinaagi sa akong kaugalingon nga paningkamot sa pagtuman sa Kasugoan apan pinaagi sa pagtuo kang Cristo. Kini nga pagkamatarong gasa sa Dios tungod sa pagtuo.

1 Timoteo 6:16

Kaniya lang ang kinabuhi nga walay kamatayon. Didto siya nagpuyo sa masulaw nga kasanag nga dili maduolan. Wala gayoy tawo nga nakakita kaniya ug wala gayoy makakita. Dayegon ta ang Dios nga makagagahom sa walay kataposan. Amen!

1 Juan 1:5

Mao kini ang among nadunggan nga gitudlo ni Jesu-Cristo ug mao usab kini ang among gisangyaw kaninyo, nga ang Dios kahayag ug wala gayoy kangitngit diha kaniya.

Gipadayag 1:14

Ang iyang buhok puti kaayo, ug ang iyang mga mata daw sa nagdilaab nga kalayo.

Gipadayag 19:18

Dali kamo ug kan-a ninyo ang unod sa mga hari, mga heneral, mga sundalo, mga tigkabayo, lakip ang unod sa ilang mga kabayo. Kan-a ninyo ang unod sa tanang mga tawo, ulipon o dili ulipon, inila o dili inila!”

Gipadayag 20:4

Unya aduna akoy nakita nga mga trono. Ang naglingkod niining mga trono gihatagan ug katungod sa paghukom. Ug nakita ko usab ang mga kalag sa mga tawo nga gipangpunggotan ug ulo tungod sa ilang pagsugilon sa pagtulon-an ni Jesus ug sa pulong sa Dios. Kini sila wala magsimba sa mananap o sa iyang larawan. Wala usab sila magpamarka sa marka sa mananap diha sa ilang agtang o sa ilang mga kamot. Gipangbanhaw sila, ug gipadumala kauban ni Cristo sulod sa 1,000 ka tuig.

Gipadayag 4:2

Diha-diha gigamhan ako sa Espiritu. Ug nakita ko didto sa langit ang usa ka trono ug adunay naglingkod niini.