Daniel 7:10 - Ang Pulong sa Dios

¹⁰ Ug adunay suba nga kalayo nga nagdagayday gikan kaniya. Minilyon nga anghel ang nag-alagad kaniya. Andam na siya sa paghukom, ug giablihan na ang mga libro.

Ang Biblia 2011

¹⁰ Ang sapa nga kalayo mibul-og ug mibaha gikan sa iyang atubangan; libo ka libo ang nag-alagad kaniya, ug napulo ka libo ka napulo ka libo nagtindog sa iyang atubangan; ang hukmanan milingkod sa paghukom ug ang mga basahon gibukhad.

Maayong Balita Biblia

¹⁰ May suba nga kalayo nga nagbaha gikan sa iyang atubangan; libo ka libo ang nag-alagad kaniya ug nagbarog sa iyang atubangan. Ang hukmanan andam na ug ang mga basahon giablihan.

Ang Bag-ong Maayong Balita Biblia

¹⁰ May suba nga kalayo nga nagbaha gikan sa iyang atubangan; libo ka libo ang nag-alagad kaniya ug nagbarog sa iyang atubangan. Ang hukmanan andam na ug ang mga basahon giablihan.

Daniel 7:10 Cross References

1 Mga Hari 22:19

Mipadayon pag-ingon si Micaya, “Pamatia ang mensahe sa Ginoo! Nakita ko ang Ginoo nga naglingkod sa iyang trono, ug ang tanang mga langitnong binuhat nagtindog dapit sa iyang wala ug sa iyang tuo.

2 Cronicas 18:18

Mipadayon pag-ingon si Micaya, “Pamatia ang mensahe sa Ginoo! Nakita ko ang Ginoo nga naglingkod sa iyang trono, ug ang tanang mga langitnong binuhat nagtindog dapit sa iyang wala ug sa iyang tuo.

Job 25:3

Maihap ba ang iyang mga sundalo? Adunay dapit ba nga wala madan-agi sa iyang kahayag?

Salmo 103:21

Dayega ninyo ang  Ginoo, kamong tanan nga iyang langitnong mga binuhat nga nag-alagad kaniya ug nagtuman sa iyang kabubut-on.

Salmo 18:8

Nanggawas ang aso sa imong ilong, ug sa imong baba nanggawas ang nagdilaab nga kalayo ug mga baga.

Salmo 50:3

Moabot ang Dios ug dili siya magpakahilom. Sa iyang unahan adunay nagdilaab nga kalayo, ug sa iyang palibot adunay kusog nga bagyo.

Salmo 68:17

Miabot ang Ginoong Dios sa iyang balaang puloy-anan gikan sa Sinai uban sa linibong mga karwahi.

Isaias 30:27

Tan-awa! Moanhi ang  Ginoo gikan sa halayo nga hilabihan kasuko, inubanan sa aso nga daw panganod kabaga. Ang iyang kapungot sama kini sa nagdilaab nga kalayo.

Isaias 30:33

Dugay na nga naandam ang dapit nga pagasunogan sa hari sa Asiria. Halapad ug lawom kining dapita, ug ang kalayo abunda ug sugnod. Ang gininhawa sa Ginoo daw sapa sa nagdilaab nga asupre, nga mao ang mopadilaab sa mga sugnod niini.

Daniel 12:1

“Nianang panahona, motungha si Micael, ang gamhanan nga pangulo sa katawhan sa Israel, ug mahimong labihan kalisod ang kahimtang sa katawhan. Kini nga kalisod wala pa gayod mahitabo sukad sa panahon nga ang Israel nahimong usa ka nasod. Apan maluwas gikan niana nga kalisod ang imong mga isigka-Israelinhon kansang mga ngalan nasulat sa libro.

Daniel 7:22

Pagkahuman, miabot ang Nagkinabuhi sa Walay Kataposan, ang Labing Halangdon nga Dios, ug naghukom dapig sa mga balaan. Ug miabot ang panahon sa paghari sa mga balaan.

Daniel 7:26

Apan moabot ang panahon nga hukman siya, kuhaon ang iyang gahom, ug laglagon siya sa walay kataposan.

Zacarias 14:5

Mangikyas kamo pinaagi niini nga walog, kay kini makaabot man hangtod sa Azal. Moikyas kamo sama sa gihimo sa inyong mga katigulangan sa dihang milinog sa panahon ni Haring Uzias sa Juda. Ug moabot ang  Ginoo nga akong Dios uban sa tanan niyang mga anghel.

Mateo 25:31

“Kon ang Anak sa Tawo moabot na ingon nga Hari, inubanan sa tanang anghel, molingkod unya siya sa iyang harianon nga trono.

Deuteronomio 33:2

Miingon siya: “Miabot ang Ginoo gikan sa Sinai; nagpadayag siya kanato gikan sa Bukid sa Seir sama sa pagsidlak sa adlaw. Misidlak siya sa mga tawo gikan sa Bukid sa Paran. Miabot siya uban sa linibo ka mga anghel, ug ang iyang tuong kamot adunay nagdilaab nga kalayo.

Mga Hebreo 1:14

Dili ba nga ang mga anghel mga espiritu lang nga gisugo sa Dios nga motabang sa mga tawo nga iyang luwason?

Mga Hebreo 12:22

Ang inyong pagduol sa Dios dili sama niadto. Kay ang inyong giduolan mao ang tinuod nga Bukid sa Zion, ang siyudad sa Dios nga buhi, ang langitnon nga Jerusalem nga adunay linibo ka mga anghel.

Judas 1:14

Si Enoc nga ikaunom nga kaliwat ni Adan nanagna na bahin kanila. Miingon siya, “Moabot ang Ginoo kauban sa iyang linibo ka mga anghel

Gipadayag 11:18

Hilabihan gayod ang kasuko sa mga tawo nga wala nag-ila kanimo. Kay miabot na ang panahon nga silotan mo sila, ug ang mga patay hukman mo na. Mao na kini ang panahon nga hatagan mo ug ganti ang imong mga sulugoon, ang mga propeta, ang imong katawhan, ug ang tanan nga nagtahod kanimo, inila man o dili. Panahon na nga pamatyon mo ang mga tawo nga nagguba sa kalibotan.”

Gipadayag 5:11

Unya nakita ko ug nadungog ang linibo ug minilyon nga mga anghel nga nagtigom palibot sa trono, sa upat ka mananap, ug sa mga pangulo.