Daniel 7:5 - Ang Pulong sa Dios

⁵ “Ang ikaduha nga mananap murag oso nga nagtindog sa iyang duha ka ulahing tiil ug nagtangag kini ug tulo ka gusok. Adunay tingog nga miingon kaniya, ‘Sige, kaon ug daghang karne.’

Ang Biblia 2011

⁵ Unya, dihay laing mananap, ang ikaduha, sama sa usa ka oso. Kini gipatindog sa usa ka kilid, ug kini adunay tulo ka gusok diha sa iyang baba taliwala sa iyang mga ngipon, ug kini giingnan, ‘Tindog, panukob ug daghang unod.’

Maayong Balita Biblia

⁵ Ang ikaduhang mananap samag hitsura sa oso. Mitindog kini pinaagi sa mga tiil sa luyo; ug nagtangag kinig tulo ka gusok ug giingnan, “Tindog ug kaog daghang karne!”

Ang Bag-ong Maayong Balita Biblia

⁵ Ang ikaduhang mananap samag hitsura sa oso. Mitindog kini pinaagi sa mga tiil sa luyo; ug nagtangag kinig tulo ka gusok ug giingnan, “Tindog ug kaog daghang karne!”

Daniel 7:5 Cross References

2 Mga Hari 2:24

Miatubang si Eliseo ug gitan-aw niya ang mga batan-ong lalaki, ug gitunglo sa ngalan sa Ginoo. Unya adunay duha ka bayeng oso nga nanggawas gikan sa kakahoyan ug gikunis-kunis ang 42 ka mga batan-ong lalaki.

Mga Panultihon 17:12

Mas makuyaw pa nga ikatagbo ang tawong buang-buang nga naghimog binuang kaysa mananap nga oso nga nawad-ag mga anak.

Isaias 56:9

Duol kamo, tanang nasod nga sama sa mabangis nga mga mananap, ug laglaga ninyo ang katawhan sa Israel.

Daniel 11:2

“Karon, isulti ko kanimo ang kamatuoran: adunay tulo pa ka hari nga maghari sa Persia, ug ang ikaupat nga mosunod sa ila mas adunahan pa kay kanila. Mahimo siyang gamhanan pinaagi sa iyang bahandi, ug hagiton niya ang tanan nga makigbatok sa gingharian sa Grecia.

Daniel 2:39

“Human sa imong paghari adunay motungha nga laing gingharian nga huyang kaysa imong gingharian. Ang sunod niini mao ang ikatulo nga gingharian nga gisimbolohan sa bronsi nga bahin sa estatuwa, ug modumala kini sa tibuok kalibotan.

Daniel 5:28

“Ang Parsin nagkahulogan nga mabahin ang imong gingharian ug ihatag sa Media ug Persia.”

Daniel 7:4

“Ang una nga mananap murag liyon, ug adunay pako sa agila. Unya, nakita ko nga gilangkat ang iyang mga pako. Gialsa siya ug gipatindog nga daw tawo ug gihatagan sa panghuna-huna nga sama sa tawo.

Daniel 7:6

“Ang ikatulo nga mananap murag leopardo. Adunay upat kini ka pako sa likod ug adunay upat ka ulo. Gihatagan siya ug katungod sa pagdumala.

Gipadayag 13:2

Ang mananap nga akong nakita murag leopardo. Ang iyang tiil murag tiil sa mananap nga oso, ug ang iyang baba murag baba sa liyon. Ug gihatag sa dragon ang iyang gahom ug ang iyang trono sa mananap aron modako ang gahom niini sa paghari.