Daniel 7:4 - Ang Pulong sa Dios

⁴ “Ang una nga mananap murag liyon, ug adunay pako sa agila. Unya, nakita ko nga gilangkat ang iyang mga pako. Gialsa siya ug gipatindog nga daw tawo ug gihatagan sa panghuna-huna nga sama sa tawo.

Ang Biblia 2011

⁴ Ang una sama sa usa ka liyon, ug adunay mga pako sa agila. Unya samtang nagtan-aw ako, ang mga pako niini nangaibot ug kini gialsa gikan sa yuta ug gipatindog sa duha ka tiil sama sa usa ka tawo ug ang panghunahuna sa tawo gihatag niini.

Maayong Balita Biblia

⁴ Ang una morag liyon ug kini may pako sa agila. Unya nakita ko nga nalangkat ang iyang mga pako ug naalsa siya ug gipatindog daw tawo ug gihatagan kinig pangisip nga sama sa tawo.

Ang Bag-ong Maayong Balita Biblia

⁴ Ang una morag liyon ug kini may pako sa agila. Unya nakita ko nga nalangkat ang iyang mga pako ug naalsa siya ug gipatindog daw tawo ug gihatagan kinig pangisip nga sama sa tawo.

Daniel 7:4 Cross References

2 Samuel 1:23

Gimahal gayod sa mga Israelinhon si Saulo ug si Jonatan sa buhi pa sila, ug nag-inunongay sila hangtod sa kamatayon. Mas abtik pa sila kay sa mga agila ug mas kusgan pa kay sa mga liyon.

Job 25:6

unsa pa kaha ang tawo nga sama lang sa usa ka ulod.”

Salmo 9:20

O Ginoo, ipabati kanila ang kahadlok, ug ipaila kanila nga mga tawo lamang sila.

Jeremias 25:38

Ang Ginoo sama sa liyon nga mibiya sa iyang tago-anan. Maawaaw ang inyong yuta tungod sa gira ug tungod sa labihang kasuko sa Ginoo.

Jeremias 4:13

Tan-awa! Ang atong kaaway nagpadulong nga daw sa mga panganod. Ang iyang mga karwahi daw buhawi, ug ang iyang mga kabayo tulin pa sa mga agila. Alaot kita! Malaglag gayod kita.

Jeremias 4:7

Daw sa liyon nga migula sa iyang tago-anan ang tiglaglag sa mga nasod. Mibiya na siya sa iyang dapit sa paglaglag sa inyong yuta. Ang inyong mga lungsod panggub-on hangtod dili na kini kapuy-an.

Jeremias 48:40

Nagpadayon pa gayod sa pagsulti ang  Ginoo, “Tan-awa! Ang kaaway sa Moab daw agila nga mosakdap niini.

Jeremias 49:19

“Pakalitan kog sulong ang Edom, sama sa liyon nga gikan sa kalasangan duol sa Suba sa Jordan nga migukod sa mga karnero sa sabsabanan. Patibulaagon ko sila ug padumalahan ko ang Edom sa tawo nga akong pilion. Kinsay ikatandi kanako? Kinsay mangahas pagsukol kanako? Kinsa nga pangulo ang makigbatok kanako?

Mga Pagbangotan 4:19

Mas tulin pa sa mga agila ang among mga kaaway nga naggukod kanamo. Ginagukod nila kami sa kabukiran. Ug bisan sa kamingawan giatangan nila kami.

Ezequiel 17:3

ug ingna sila nga ako, ang Ginoong Dios, ang nag-ingon niini: Adunay usa ka dakong agila nga milupad paingon sa Lebanon. Lapad ang iyang mga pako ug baga ang iyang mga balhibo nga lain-lain ug kolor. Mitugdon kini sa tumoy sa kahoy nga sedro,

Ezequiel 28:2

“Tawo, ingna ang pangulo sa Tiro nga ako, ang Ginoong Dios, nag-ingon: “Sa imo nga pagkagarboso nag-ingon ka nga ikaw usa ka dios nga naglingkod sa trono taliwala sa kadagatan. Apan ang tinuod, bisan kon naghuna-huna ka nga maalam ka sama sa usa ka dios, dili ka Dios kondili tawo ka lamang.

Ezequiel 28:9

Tan-awon ta kon makaingon ka pa ba gihapon nga ikaw usa ka dios atubangan sa mga mopatay kanimo. Alang kanila usa ka lang ka tawo ug dili dios.

Daniel 2:38

Gitugyan niya kanimo ang mga tawo, mga mananap, ug mga langgam, sa bisan asa nga dapit. Ikaw mao ang nagsimbolo niadtong ulo nga bulawan sa estatuwa.

Daniel 4:36

Dungan sa paghibalik sa akong maayong panghuna-huna mibalik usab ang akong dungog ug pagkahalangdon ingon nga hari. Mibalik ang akong mga opisyal ug mga magtatambag, ug nahimo akong mas gamhanan kaysa sa una.

Daniel 7:12

Ang nahibilin nga tulo ka mananap gikuhaan ug gahom, apan gitugotan silang mabuhi sa mubo lang nga panahon.

Daniel 7:5

“Ang ikaduha nga mananap murag oso nga nagtindog sa iyang duha ka ulahing tiil ug nagtangag kini ug tulo ka gusok. Adunay tingog nga miingon kaniya, ‘Sige, kaon ug daghang karne.’

Mateo 24:28

Adunay panultihon, ‘Kon asa ang patayng lawas, atua magtigom ang mga buwitre.’

Deuteronomio 28:49

“Ipasulong kamo sa Ginoo sa usa ka nasod nga gikan sa layong dapit, sa kinatumyang bahin sa kalibotan, kansang pinulongan dili ninyo masabtan. Sulongon nila kamo nga daw sama sa agila nga nagsakdap.

Gipadayag 13:2

Ang mananap nga akong nakita murag leopardo. Ang iyang tiil murag tiil sa mananap nga oso, ug ang iyang baba murag baba sa liyon. Ug gihatag sa dragon ang iyang gahom ug ang iyang trono sa mananap aron modako ang gahom niini sa paghari.