Daniel 11:4 - Ang Pulong sa Dios

⁴ Sa dihang gamhanan na gayod siya kaayo, mabungkag ang iyang gingharian ug mabahin sa upat ka direksyon sa kalibotan, apan dili ang iyang mga kaliwat ang maghari niini. Ang mopuli nga mga hari dili mahimong sama kaniya kagamhanan. Sa pagkatinuod kuhaon ang iyang gingharian ug ihatag sa uban.

Ang Biblia 2011

⁴ Ug sa diha nga mobarog na siya, ang iyang gingharian mabungkag ug mabahin paingon sa upat ka hangin sa langit, apan dili sa iyang kaliwatan o sumala sa iyang paghari nga niini siya nagmando, kay ang iyang gingharian ibton ug maadto sa lain gawas niini.

Maayong Balita Biblia

⁴ Apan sa dihang magamhanan na siya kaayo, mabahin sa upat ang iyang gingharian. Mga hari nga dili niya kaliwat maoy mopuli kaniya pagmando apan walay usa kanila nga makabaton sa gahom nga iyang gihuptan kaniadto.

Ang Bag-ong Maayong Balita Biblia

⁴ Apan sa dihang magamhanan na siya kaayo, mabahin sa upat ang iyang gingharian. Mga hari nga dili niya kaliwat maoy mopuli kaniya pagmando apan walay usa kanila nga makabaton sa gahom nga iyang gihuptan kaniadto.

Daniel 11:4 Cross References

Salmo 39:6

o sama sa anino nga mawala. Nagkapuliki ang tawo sa mga buluhaton nga walay kapuslanan. Nagtigom siyag bahandi apan wala siya masayod kon kinsay makapahimulos niini kon mamatay na siya.

Ecclesiastes 4:8

Adunay usa ka tawo nga nag-inusara lang. Wala siyay anak o igsoon, apan wala siyay undang sa pagpaningkamot, ug dili siya kontento sa iyang bahandi. Miingon siya sa iyang kaugalingon, “Gihikawan ko ang akong kaugalingon sa kalipay sa hilabihan nga pagpaningkamot. Apan kinsa may bilinan ko sa akong hinagoan?” Wala kini kapuslanan! Makasusubo kini nga klasi sa pagkinabuhi!

Jeremias 12:15

Apan human ko kini buhata, kaloy-an ko pag-usab kining mga nasora ug ibalik ko sila sa ilang kaugalingong yuta.

Jeremias 12:17

Apan kon dili sila motuman kanako, abugon ko sila sa ilang yuta ug laglagon. Ako, ang  Ginoo nga nag-ingon niini.”

Jeremias 18:7

Kon moingon ako nga ang usa ka nasod o gingharian mapukan ug malaglag,

Jeremias 31:40

Ang tibuok lugut nga labayanan sa mga patayng lawas ug sa mga abo sa mga halad, apil ang tanang kaumahan sa Kapatagan sa Kidron sa sidlakan, hangtod sa ganghaan nga ginaagian sa mga kabayo didto sa amihan, igahin alang kanako. Dili na gayod malaglag o mapukan pag-usab kini nga siyudad.”

Jeremias 45:4

“Baruc, miingon ang  Ginoo nga sultihan ka niini, ‘Gub-on ko ang nasod nga akong gitukod. Ibton ko ang akong tinanom. Himuon ko usab kini sa tibuok yuta.

Jeremias 49:36

Sulongon ang Elam sa mga kaaway nga naggikan sa upat ka bahin sa kalibotan ug patibulaagon ko ang iyang mga lumulupyo sa tanang dapit. Ug bihagon sila ngadto sa tanang kanasoran sa kalibotan.

Ezequiel 37:9

Miingon ang  Ginoo kanako, “Tawo, ingna ang hangin nga ako, ang Ginoong Dios, nag-ingon: O hangin, huros kamo gikan sa upat ka direksyon, ug huypi ninyo kana nga mga patay nga lawas aron mabuhi sila.”

Daniel 7:2

“Usa niana ka gabii, nakita ko sa akong damgo ang usa ka halapad nga dagat nga giuyog sa kusog nga hangin nga naggikan sa nagkalain-laing direksyon.

Daniel 7:6

“Ang ikatulo nga mananap murag leopardo. Adunay upat kini ka pako sa likod ug adunay upat ka ulo. Gihatagan siya ug katungod sa pagdumala.

Daniel 7:8

“Samtang nagtan-aw ako sa mga sungay, nakita ko nga adunay mitubo nga gamayng sungay taliwala niini ug naibot ang unang tulo ka sungay. Kining sungaya adunay mata nga murag iya sa tawo ug adunay baba nga nanghambog.

Daniel 8:22

Ang upat ka sungay nga mipuli diha sa naputol nga sungay nagrepresentar sa upat ka gingharian nga mobarog diha sa maong nasod, apan dili sama ka lig-on sa unang gingharian.

Daniel 8:8

Nahimong gamhanan ang kanding. Apan sa dihang hilabihan na siya kagamhanan, napungil ang iyang dakong sungay. Puli niini mitubo ang talagsaong upat ka mga sungay nga nag-atubang sa upat ka bahin sa kalibotan.

Zacarias 2:6

Miingon ang  Ginoo ngadto sa mga Israelinhon, “Gipatibulaag ko kamo ngadto sa bisan asang bahin sa kalibotan. Apan karon pangikyas kamo, apil kamong mga gibihag sa Babilonia, ug pamalik kamo sa Zion.”

Zacarias 6:5

Mitubag ang anghel, “Kini sila mao ang upat ka hangin sa kalangitan nga migawas gikan sa presensya sa Ginoo nga naggahom sa tibuok kalibotan.

Mateo 12:25

Nahibalo si Jesus sa ilang mga huna-huna, busa miingon siya kanila, “Kon ang mga lumulupyo sa usa ka gingharian magkabahin-bahin, kana nga gingharian mabungkag. Mao usab ang mahitabo sa bisan unsa nga lungsod o panimalay kon ang mga nagpuyo magkabahin-bahin.

Lucas 12:20

“Apan miingon ang Dios kaniya, ‘Buang-buang! Karong gabii bawion ko ang imong kinabuhi. Busa kinsa man ang makapahimulos sa imong gitigom nga mga kabtangan?’

Gipadayag 7:1

Human niadto, aduna akoy nakita nga upat ka anghel nga nagtindog sa upat ka kanto sa kalibotan. Gipugngan nila ang upat ka hangin sa kalibotan aron walay hangin nga mohuros sa yuta, o sa dagat o kaha sa bisan unsa nga kahoy.