Daniel 11:3 - Ang Pulong sa Dios

³ Unya, adunay moabot nga usa ka gamhanan nga hari. Sakopon niya ang daghang mga nasod, ug himuon niya ang iyang gustong himuon.

Ang Biblia 2011

³ Unya ang gamhanang hari motindog, nga maghari uban sa dakong gahom, ug magbuhat sumala sa iyang kabubut-on.

Maayong Balita Biblia

³ “Unya motungha ang usa ka gamhanang hari nga dakog gingharian ug buhaton niya ang iyang gusto.

Ang Bag-ong Maayong Balita Biblia

³ “Unya motungha ang usa ka gamhanang hari nga dakog gingharian ug buhaton niya ang iyang gusto.

Daniel 11:3 Cross References

Daniel 11:16

Busa himuon sa hari sa Siria ang bisan unsa nga gusto niya nga himuon, ug wala gayoy makapugong kaniya. Sakopon niya ang Israel, ug hingpit kini nga mailalom sa iyang gahom.

Daniel 11:36

“Himuon sa hari sa Siria ang tanang buot niyang himuon. Isipon niya ang iyang kaugalingon nga labaw sa tanang mga dios, ug magsulti siyag mga pagpasipala batok sa Dios nga labaw sa tanang mga dios. Magmalampuson siya hangtod sa panahon nga ipadayag sa Dios ang iyang kasuko, tungod kay kinahanglan gayod nga mahitabo ang mga butang nga gitakda sa Dios nga mahitabo.

Daniel 4:35

Ubos ra kaayo ang mga tawo sa kalibotan kompara kaniya. Buhaton niya ang iyang gusto ngadto sa mga anghel sa langit ug sa mga tawo sa yuta. Walay makapugong kaniya o makapangutana kon nganong gibuhat niya kini.

Daniel 5:19

Tungod sa gahom nga gihatag sa Dios kaniya, nahadlok kaniya ang mga tawo gikan sa nagkalain-laing mga nasod, tribo, ug pinulongan. Patyon niya si bisan kinsa nga buot niyang patyon. Ug ang gusto niyang magpabilin nga buhi, mabuhi. Pasidunggan niya ang gusto niyang pasidunggan; ipaubos niya ang gusto niyang ipaubos.

Daniel 7:6

“Ang ikatulo nga mananap murag leopardo. Adunay upat kini ka pako sa likod ug adunay upat ka ulo. Gihatagan siya ug katungod sa pagdumala.

Daniel 8:21

Kadtong laki nga kanding nagrepresentar sa gingharian sa Grecia, ug ang sungay nga gitaliwad-an sa iyang duha ka mata mao ang unang hari.

Mga Taga-Efeso 1:11

Ang tanang mga butang gibuhat sa Dios sumala sa iyang plano ug kabubut-on. Ug sumala sa iyang plano gikan pa kaniadto, gipili na niya kaming mga Judio nga mahimong iya pinaagi sa among pagkahiusa kang Cristo,

Mga Hebreo 2:4

Ug gipamatud-an usab kini sa Dios pinaagi sa nagkalain-laing mga milagro, mga timailhan, mga kahibulongang buhat, ug sa paghatag sa nagkalain-laing mga hiyas pinaagi sa Espiritu Santo sumala sa iyang kabubut-on.

Santiago 1:18

Sumala sa iyang kabubut-on, gihimo niya kita nga iyang mga anak pinaagi sa atong pag-ila sa kamatuoran, aron molabaw kita sa tanan niyang mga binuhat.