2 Samuel 8:3 - Ang Pulong sa Dios

³ Napildi usab ni David ang hari sa Zoba nga si Hadadezer nga anak ni Rehob, sa dihang milakaw si Hadadezer aron sa pagbawi sa yuta duol sa Suba sa Eufrates.

Ang Biblia 2011

³ Gibuntog usab ni David si Hadadeser nga anak ni Rehob ug hari sa Zoba, sa diha nga miadto siya aron sa pagbawi sa iyang gahom sa suba sa Eufrates.

Maayong Balita Biblia

³ Nabuntog usab ni David si Hadadeser nga anak ni Rehob nga hari sa Soba, usa ka nasod nga ubos sa pagmando sa Siria. Panahon kini nga si Hadadeser nakiggubat aron ikapabalik niya ang iyang gahom didto sa Suba sa Eufrates.

Ang Bag-ong Maayong Balita Biblia

³ Nabuntog usab ni David si Hadadeser nga anak ni Rehob nga hari sa Soba, usa ka nasod nga ubos sa pagmando sa Siria. Panahon kini nga si Hadadeser nakiggubat aron ikapabalik niya ang iyang gahom didto sa Suba sa Eufrates.

2 Samuel 8:3 Cross References

Genesis 15:18

Niana gayod nga adlaw, nagbuhat ang Ginoo ug kasabotan kang Abram. Miingon siya, “Ihatag ko sa imong mga kaliwat kining yutaa, gikan sa suba sa utlanan sa Ehipto paingon sa dako nga suba nga mao ang Eufrates.

2 Samuel 10:15

Sa dihang nakita sa mga Aramehanon nga napildi sila sa mga Israelinhon, nagtigom sila pag-usab.

2 Samuel 10:16

Gitabangan sila sa ubang mga Aramehanon nga gipatawag ni Hadadezer gikan sa tabok sa Suba sa Eufrates. Miadto sila sa Helam ubos sa pagpangulo ni Shobac nga komander sa mga sundalo ni Hadadezer.

2 Samuel 10:19

Sa dihang nakita sa mga hari nga kauban sa mga Aramehanon, nga sakop ni Hadadezer, nga napildi na sila sa mga Israelinhon, nagpasakop sila sa mga Israelinhon ug mialagad kanila. Busa sukad niadto nahadlok na ang mga Aramehanon nga motabang sa mga Amonihanon.

2 Samuel 10:6

Nakaamgo ang mga Amonihanon nga gipalagot nila pag-ayo si David, busa nagsuhol silag 20,000 ka mga sundalong Aramehanon nga taga-Bet Rehob ug taga-Zoba, 1,000 ka mga sundalo gikan sa hari sa Maaca, ug 12,000 ka mga sundalo gikan sa Tob.

2 Samuel 23:36

si Igal nga anak ni Natan nga taga-Zoba; ang anak ni Hagadi;

1 Mga Hari 4:21

Gidumalahan ni Solomon ang tanang mga gingharian gikan sa Suba sa Eufrates paingon sa yuta sa mga Filistihanon hangtod sa utlanan sa Ehipto. Nagbayad sila ug buhis kang Solomon ug nag-alagad kaniya sa tibuok niyang kinabuhi.

1 Cronicas 18:3

Napildi usab ni David si Hadadezer nga hari sa Zoba, didto sa Hamat, sa dihang miadto si Hadadezer sa mga kayutaan duol sa Suba sa Eufrates sa pagsakop niini.

2 Cronicas 8:3

Mao usab kini ang panahon nga gisulong ni Solomon ug giilog ang Hamat Zoba.

Salmo 60:1

O Dios, gisalikway mo kami ug gipapildi. Nasuko ka kanamo, apan karon tagda na kamig balik.

Salmo 72:8

Hinaut pa nga maghari siya gikan sa usa ka dagat hangtod sa pikas dagat, ug gikan sa Suba sa Eufrates hangtod sa kinatumyan sa yuta sa Israel.

Exodo 23:31

“Siguradohon ko nga ang utlanan sa inyong mga yuta maggikan sa Pulang Dagat hangtod sa Dagat sa Mediteraneo, ug gikan sa disyerto sa habagatan hangtod sa Suba sa Eufrates. Itugyan ko kaninyo ang mga tawo nga namuyo sa maong yuta ug abugon ninyo sila.

Deuteronomio 11:24

Ang tanang yuta nga inyong maadtoan gikan sa kamingawan paingon sa Lebanon, ug gikan sa Suba sa Eufrates paingon sa Dagat sa Mediteraneo, mainyo.

1 Samuel 14:47

Sa panahon nga naghari si Saulo sa Israel, nakig-gira siya sa ilang mga kaaway sa palibot. Ang iyang mga kaaway mao ang mga taga-Moab, mga taga-Amon, mga taga-Edom, ang mga hari sa Zoba, ug ang mga Filistihanon. Bisag kinsa ang iyang ikaaway mapildi niya.