2 Samuel 8:2 - Ang Pulong sa Dios

² Napildi usab ni David ang mga Moabihanon. Gipahigda niya sila sa yuta nga naglaray ug gisukod ug pisi. Ang masakop sa kada duha ka sukod sa pisi gipamatay ug ang masakop sa ikatulo ka sukod gitugotan nga mabuhi. Ang mga Moabihanon nga wala gipamatay nahimong mga ulipon ni David ug nagbayad silag buhis kaniya.

Ang Biblia 2011

² Iyang gibuntog ang Moab ug gisukod sila pinaagi sa pisi ug gipahigda sila sa yuta. Ang duha ka laray iyang gisukod aron patyon ug luwason niya ang usa ka laray. Ug ang mga Moabihanon nahimong mga sulugoon ni David ug naghatag ug buhis.

Maayong Balita Biblia

² Ug nabuntog usab niya ang mga taga-Moab ug gipahigda niya sila sa yuta ug pinaagi sa pisi gisukod niya sila. Patyon niya ang mosulod sa duha ka dupa ug ang mosulod sa ikatulo ka dupa luwason niya. Naulipon ni David ang mga taga-Moab ug nanghatag silag buhis kaniya.

Ang Bag-ong Maayong Balita Biblia

² Ug nabuntog usab niya ang mga taga-Moab ug gipahigda niya sila sa yuta ug pinaagi sa pisi gisukod niya sila. Patyon niya ang mosulod sa duha ka dupa ug ang mosulod sa ikatulo ka dupa luwason niya. Naulipon ni David ang mga taga-Moab ug nanghatag silag buhis kaniya.

2 Samuel 8:2 Cross References

2 Samuel 12:31

Gibihag niya ang mga lumulupyo niini ug gipatrabaho ginamit ang mga gabas, piko, ug atsa. Gipahimo usab silag mga tisa. Mao kini ang iyang gihimo sa mga lumulupyo sa tanang lungsod sa mga Amonihanon. Unya mipauli si David ug ang tanan niyang mga sundalo ngadto sa Jerusalem.

2 Samuel 8:6

Unya nagpabutang si David ug mga kampo sa Damasco, ang dapit sa mga Aramehanon. Ug nahimo niya sila nga mga sakop ug nagbayad silag buhis kaniya. Gipadaog sa Ginoo si David sa iyang mga pagpakig-gira bisan asa siya moadto.

1 Mga Hari 4:21

Gidumalahan ni Solomon ang tanang mga gingharian gikan sa Suba sa Eufrates paingon sa yuta sa mga Filistihanon hangtod sa utlanan sa Ehipto. Nagbayad sila ug buhis kang Solomon ug nag-alagad kaniya sa tibuok niyang kinabuhi.

2 Mga Hari 1:1

Human namatay si Ahab, nagrebelde ang Moab sa Israel.

2 Mga Hari 17:3

Gisulong ni Shalmaneser nga hari sa Asiria si Oseas. Nailalom siya sa gahom ni Shalmaneser ug gipabayad ug buhis.

1 Cronicas 18:2

Napildi usab ni David ang mga Moabihanon, ug gisakop niya sila ug nagbayad silag buhis kaniya.

2 Cronicas 26:8

Nagbayad ug buhis ang mga Amonihanon ngadto kaniya, ug nabantog siya bisan sa utlanan sa Ehipto, tungod kay nahimo siyang labihan ka gamhanan.

Salmo 108:9

Ang Moab akong sulugoon ug ang Edom akong gipanag-iyahan. Mosinggit ako sa kadaogan batok sa Filistia.”

Salmo 18:45

Nawad-an silag kaisog, ug nanggawas sa ilang mga tago-anan nga nagkurog sa kahadlok.

Salmo 60:10

Dili ba ikaw, O Dios, nga nagsalikway kanamo ug wala na mouban sa among mga sundalo?

Salmo 60:8

Ang Moab akong sulugoon ug ang Edom akong gipanag-iyahan. Mosinggit ako sa kadaogan batok sa Filistia.”

Salmo 83:6

Sila mao ang mga Edomihanon, Ishmaelinhon, Moabihanon, Hagarnon,

Isaias 36:16

“Ayaw kamo pamati kang Ezequias! Mao kini ang giingon sa hari sa Asiria: Ayaw na kamo pagsukol kanako; ampo na lang kamo! Unya tugotan ko kamo nga makakaon sa bunga sa inyong ubasan ug kahoy nga igos, ug makainom sa inyong pundohanan ug tubig,

Numeros 24:17

“Adunay nakita ako sa akong panan-awon nga wala pa nahitabo. Sa umaabot adunay maghari sa Israel nga gikan sa kaliwat ni Jacob. Laglagon niya ang mga Moabihanon ug ang tanang kaliwat ni Set.

1 Samuel 10:27

Kay adunay mga daotang tawo nga nagbugal-bugal kang Saulo. Miingon sila, “Unsaon niining tawhana pagluwas kanato?” Ug wala sila mohatag ug mga gasa kang Saulo. Apan nagpakahilom lang si Saulo.

1 Samuel 14:47

Sa panahon nga naghari si Saulo sa Israel, nakig-gira siya sa ilang mga kaaway sa palibot. Ang iyang mga kaaway mao ang mga taga-Moab, mga taga-Amon, mga taga-Edom, ang mga hari sa Zoba, ug ang mga Filistihanon. Bisag kinsa ang iyang ikaaway mapildi niya.

1 Samuel 22:3

Gikan didto, miadto si David sa Mizpa nga sakop sa Moab ug miingon sa hari sa Moab, “Tugotan mo ba ang akong mga ginikanan nga mopuyo una dinhi hangtod nga mahibaloan ko kon unsa ang himuon sa Dios alang kanako?”

1 Samuel 22:4

Misugot ang hari, busa gibilin ni David ang iyang mga ginikanan didto sa hari sa Moab samtang didto siya sa kuta.