2 Samuel 8:15 - Ang Pulong sa Dios

¹⁵ Naghari si David sa tibuok Israel, ug gihimo niya ang matarong ug husto alang sa tanan niyang katawhan.

Ang Biblia 2011

¹⁵ Busa si David naghari sa tibuok nga Israel, ug si David nagpahamtang ug hustisya ug kaangayan sa tanan niyang katawhan.

Maayong Balita Biblia

¹⁵ Busa naghari si David sa tibuok Israel ug gihatagan niyag hustisya ug kaangayan ang tanan niyang mga tawo.

Ang Bag-ong Maayong Balita Biblia

¹⁵ Busa naghari si David sa tibuok Israel ug gihatagan niyag hustisya ug kaangayan ang tanan niyang mga tawo.

2 Samuel 8:15 Cross References

2 Samuel 15:3

Unya moingon si Absalom kaniya, “Adunay katarungan ka sa imong kaso, galing lang kay walay representante ang hari nga maoy mamati niini.

2 Samuel 20:23

Ang pangulo sa tibuok kasundalohan sa Israel mao si Joab. Ang pangulo sa mga badigard ni David nga mga Keretnon ug mga Peletnon mao si Benaya nga anak ni Jehoyada.

2 Samuel 3:12

Unya nagpadala si Abner ug mga mensahero kang David sa pag-ingon, “Ikaw ang angay nga maghari sa tibuok yuta sa Israel. Maghimo kita ug kasabotan ug tabangan ka nako nga masakop nimo ang tibuok nasod sa Israel.”

2 Samuel 5:5

Pito ka tuig ug unom ka bulan siyang naghari sa Juda sa dihang didto siya sa Hebron, ug 33 ka tuig siyang naghari sa tibuok Israel ug Juda sa dihang didto siya sa Jerusalem.

2 Samuel 8:14

Unya nagpabutang siyag mga kampo sa tibuok Edom, ug nahimo niyang sakop ang tanang mga Edomihanon. Gipadaog sa Ginoo si David sa iyang mga pagpakig-gira bisan asa siya moadto.

2 Samuel 8:16

Ang nangulo sa iyang mga sundalo mao si Joab nga anak ni Zeruya. Ang nagdumala sa mga kasulatan sa gingharian mao si Jehosafat nga anak ni Ahilud.

1 Mga Hari 10:9

Dalaygon ang Ginoo nga imong Dios, nga nalipay kanimo ug nagbutang kanimo sa trono sa Israel. Tungod sa walay kataposan nga gugma sa Ginoo alang sa Israel, gihimo niya ikaw nga hari aron mapatunhay mo ang hustisya ug katarong.”

1 Mga Hari 4:1

Naghari si Solomon sa tibuok Israel.

1 Cronicas 18:14

Naghari si David sa tibuok Israel, ug gihimo niya ang matarong ug husto alang sa tanan niyang katawhan.

Salmo 119:121

Gihimo ko ang matarong ug husto, busa ayaw ako itugyan sa akong mga kaaway.

Salmo 72:2

aron hukman niya diha sa pagkamatarong ang imong katawhan, labi na ang mga kabos.

Salmo 75:2

Miingon ang Dios, “Adunay gitakda ako nga panahon sa paghukom, ug matarong ang akong paghukom.

Salmo 89:14

Naghari ka nga adunay katarong ug hustisya, nga inubanan sa gugma ug pagkamatinumanon.

Isaias 9:7

Walay kataposan ang kauswagan ug kalinaw diha sa iyang pagdumala. Maghari siya isip manununod sa gingharian ni David. Palig-onon niya kini ug patunhayon ang hustisya ug katarong sa walay kataposan. Sigurohon gayod sa Ginoo nga Makagagahom nga matuman kini.

Amos 5:15

Likayi ninyo ang daotan ug himoa ninyo ang maayo, ug ipatigbabaw ang hustisya diha sa korte. Basin pa ug maluoy ang Ginoong Dios nga Makagagahom sa nabiling mga kaliwat ni Jose.

Amos 5:24

Patunhaya hinuon ninyo sa kanunay ang hustisya ug ang katarong sama sa suba nga walay undang sa pagdagayday.

Mga Hebreo 11:33

Tungod sa ilang pagtuo gipildi nila ang mga gingharian, nagdumala sila nga matarong, ug nadawat nila ang mga gisaad sa Dios kanila. Tungod sa ilang pagtuo wala sila tukba sa mga liyon,

1 Samuel 14:47

Sa panahon nga naghari si Saulo sa Israel, nakig-gira siya sa ilang mga kaaway sa palibot. Ang iyang mga kaaway mao ang mga taga-Moab, mga taga-Amon, mga taga-Edom, ang mga hari sa Zoba, ug ang mga Filistihanon. Bisag kinsa ang iyang ikaaway mapildi niya.