2 Samuel 8:14 - Ang Pulong sa Dios

¹⁴ Unya nagpabutang siyag mga kampo sa tibuok Edom, ug nahimo niyang sakop ang tanang mga Edomihanon. Gipadaog sa Ginoo si David sa iyang mga pagpakig-gira bisan asa siya moadto.

Ang Biblia 2011

¹⁴ Ug siya nagbutang ug mga sundalo nga bantay sa kuta didto sa Edom, sa tibuok Edom siya nagbutang ug mga sundalo nga bantay sa kuta, ug ang tanang mga Edomhanon nahimong mga sulugoon ni David. Ug ang Ginoo mihatag ug kadaogan kang David, bisan diin siya miadto.

Maayong Balita Biblia

¹⁴ Ug gitukoran ni David ug mga kampo ang tibuok Edomea, ug nahimong ulipon ni David ang tanang Edomihanon. Gipadaog sa Ginoo si David bisag asa siya makig-away.

Ang Bag-ong Maayong Balita Biblia

¹⁴ Ug gitukoran ni David ug mga kampo ang tibuok Edomea, ug nahimong ulipon ni David ang tanang Edomihanon. Gipadaog sa Ginoo si David bisag asa siya makig-away.

2 Samuel 8:14 Cross References

Genesis 25:23

Miingon ang Ginoo kaniya, “Duha ka nasod ang maggikan sa duha ka bata nga anaa sa imong sabakan; duha ka pundok sa mga katawhan nga magkontrahanay. Ang usa mahimong gamhanan kay sa usa. Ang magulang moalagad sa manghod.”

Genesis 27:29

Hinaut nga moyukbo ug moalagad kanimo ang daghang mga katawhan. Hinaut nga magmando ka sa imong mga kaparyentehan ug magpasakop sila kanimo. Tunglohon ang gatunglo kanimo, ug ang nagpanalangin kanimo panalanginan usab.”

2 Samuel 5:10

Misamot ang pagkagamhanan ni David, tungod kay gitabangan siya sa Ginoong Dios nga Makagagahom.

2 Samuel 7:9

Giubanan ka nako bisan asa ka moadto, ug gipildi ko ang tanan mong mga kaaway. Karon, himuon ka nako nga bantogan sama sa bantogan nga mga tawo sa kalibotan.

2 Samuel 8:15

Naghari si David sa tibuok Israel, ug gihimo niya ang matarong ug husto alang sa tanan niyang katawhan.

2 Samuel 8:6

Unya nagpabutang si David ug mga kampo sa Damasco, ang dapit sa mga Aramehanon. Ug nahimo niya sila nga mga sakop ug nagbayad silag buhis kaniya. Gipadaog sa Ginoo si David sa iyang mga pagpakig-gira bisan asa siya moadto.

1 Mga Hari 11:15

Kaniadto, sa dihang nakig-gira si David sa Edom, si Joab nga komander sa mga sundalo ni David miadto didto sa Edom aron ilubong ang nangamatay sa gira. Ug sa dihang didto siya, gipamatay niya ug sa iyang mga tawo ang tanang mga lalaki sa Edom.

1 Mga Hari 22:47

Niadtong panahona walay hari sa Edom; gidumalahan lang kini sa usa ka pangulo nga gipili ni Jehosafat.

1 Mga Hari 22:48

Nagpahimo si Jehosafat ug mga barko nga pangnegosyo nga mobiyahe sa Ofir aron magkuha ug bulawan. Apan wala kini nakabiyahe kay nangaguba kini sa Ezion Geber.

2 Mga Hari 14:7

Nakapatay si Amazia ug 10,000 ka mga taga-Edom sa walog nga gitawag ug Asin. Nailog usab niya ang Sela, ug gitawag niya kinig Jokteel, ug mao gihapon ang ngalan niini hangtod karon.

2 Mga Hari 18:7

Giubanan siya sa Ginoo, ug nagmalampuson siya sa tanan niyang gihimo. Nagrebelde siya batok sa hari sa Asiria ug wala moalagad kaniya.

1 Cronicas 18:13

Unya nagpabutang si David ug mga kampo didto sa Edom, ug nahimo niyang sakop ang tanang mga Edomihanon. Gipadaog sa Ginoo si David bisan asa siya moadto sa pagpakig-gira.

Salmo 60:1

O Dios, gisalikway mo kami ug gipapildi. Nasuko ka kanamo, apan karon tagda na kamig balik.