2 Samuel 7:25 - Ang Pulong sa Dios

^25-26 “Ug karon, Ginoong Dios, tumana ang imong gisaad kanako nga imong alagad ug sa akong pamilya, aron mapasidunggan ka hangtod sa kahangtoran. Unya moingon ang mga tawo, ‘Ang Ginoo nga Makagagahom Dios sa Israel!’ Ug ang akong pamilya mahiluna diha sa imong presensya hangtod sa kahangtoran.

Ang Biblia 2011

²⁵ Ug karon, O Ginoong Dios, pamatud-i hangtod sa kahangtoran ang pulong nga imong gisulti mahitungod sa imong sulugoon ug mahitungod sa iyang balay, ug buhata kini sumala sa imong gisulti.

Maayong Balita Biblia

²⁵ “Ug karon, O Ginoong Dios, tumana kanunay ang imong gisaad sa imong sulugoon ug sa iyang banay

Ang Bag-ong Maayong Balita Biblia

²⁵ “Ug karon, O Ginoong Dios, tumana kanunay ang imong gisaad sa imong sulugoon ug sa iyang banay

2 Samuel 7:25 Cross References

Genesis 32:12

Apan misaad ka kanako nga panalanginan mo ako ug padaghanon mo ang akong mga kaliwat sama sa balas sa baybayon nga dili maihap.”

2 Samuel 7:24

Gihimo mo ang mga Israelinhon nga imong katawhan sa walay kataposan, ug ikaw, Ginoo, nahimong ilang Dios.

1 Mga Hari 2:4

Kon buhaton mo kini, tumanon sa Ginoo ang iyang gisaad kanako, nga kon ang akong mga kaliwat magkinabuhi nga matarong ug mosunod kaniya nga matinumanon ug matinud-anon sa tibuok nilang kinabuhi, kanunay gayod nga adunay usa kanila nga maghari sa Israel.

1 Mga Hari 8:26

Busa karon, O Dios sa Israel, tumana ang imong gisaad sa imong alagad nga si David nga akong amahan.

2 Cronicas 6:17

Busa karon, O Ginoo, Dios sa Israel, tumana ang imong gisaad sa imong alagad nga si David.

Salmo 119:38

Tumana ang imong saad kanako nga imong alagad, nga gisaad mo sa mga nagtahod kanimo.

Salmo 119:49

Hinumdomi ang imong saad kanako nga imong alagad, kay kini ang naghatag kanako ug paglaom.

Ezequiel 36:37

Nagpadayon pa gayod sa pag-ingon ang Ginoong Dios, “Dunggon ko usab ang pagpakiluoy sa katawhan sa Israel, ug mao kini ang himuon ko kanila: Himuon ko silang sama kadaghan sa panon sa mga karnero nga ginahalad sa Jerusalem panahon sa pista. Busa ang nangaguba nga mga lungsod mapuno na pag-usab sa daghang mga tawo. Unya mahibaloan nila nga ako mao ang  Ginoo.”

1 Samuel 1:23

Mitubag si Elkana kaniya, “Himoa kon unsay maayo alang kanimo. Pabilin lang dinhi hangtod nga malutas mo na siya. Ug hinaut nga tabangan ka sa Ginoo sa pagtuman sa imong panaad ngadto kaniya.” Busa nagpabilin si Hana ug giatiman niya ang iyang anak.