2 Samuel 7:21 - Ang Pulong sa Dios

²¹ Tungod sa imong saad ug sumala sa imong pagbuot, gihimo mo kining dagkong mga butang ug gipahibalo mo kanako nga imong alagad.

Ang Biblia 2011

²¹ Tungod sa imong saad ug sumala sa imong kaugalingon nga kasingkasing, ikaw nagbuhat niining dakong butang aron masayod niini ang imong sulugoon.

Maayong Balita Biblia

²¹ Tungod sa imong gisaad ug sumala sa imong pagbuot, gibuhat mo kining dakong butang aron masayod niini ang imong sulugoon.

Ang Bag-ong Maayong Balita Biblia

²¹ Tungod sa imong gisaad ug sumala sa imong pagbuot, gibuhat mo kining dakong butang aron masayod niini ang imong sulugoon.

2 Samuel 7:21 Cross References

1 Cronicas 17:19

O Ginoo, tungod ug alang kanako nga imong alagad ug sumala sa imong kabubut-on, gihimo mo ug gipadayag kining dagkong mga butang.

Salmo 115:1

Dili kami ang angay pasidunggan, Ginoo, kondili ikaw, tungod sa imong gugma ug pagkamatinumanon.

Salmo 138:2

Moyukbo ako nga mag-atubang sa imong Templo ug modayeg kanimo tungod sa imong gugma ug pagkamatinumanon. Kay gipakita mo nga ikaw ug ang imong pulong labaw sa tanang mga butang.

Numeros 23:19

Dili tawo ang Dios nga mamakak o mausab ang huna-huna. Adunay gisulti ba siya nga wala niya buhata? Adunay gisaad ba siya nga wala niya tumana?

Mateo 11:26

Oo amahan, tungod mao kana ang imong kabubut-on.”

Mateo 24:35

Mawala ang langit ug ang yuta, apan ang akong mga pulong dili mawala.

Lucas 1:72

Kaloy-an niya ang atong mga katigulangan, ug tumanon niya ang iyang balaang kasabotan kanila

Lucas 10:21

Niadtong higayona gilipay gayod si Jesus sa Espiritu Santo. Ug miingon siya, “Amahan, nga tag-iya sa langit ug sa yuta, gidayeg ka nako tungod kay ang kamatuoran nga gililong mo sa mga tawo nga giilang maalamon ug adunay taas nga kahibalo, gipasabot mo sa mga tawo nga gamay lang ug kaalam sama sa mga bata. Amahan, salamat gayod nga mao kana ang imong kabubut-on.”

Lucas 12:32

“Pipila na lang kamong akong mga sumusunod. Apan ayaw kamo kahadlok tungod kay pagbuot sa inyong Amahan nga maghari kamo kauban niya.

1 Mga Taga-Corinto 1:1

Gikan kang Pablo nga pinili sa Dios nga mahimong apostol ni Cristo Jesus. Ako ug si Sostenes nga atong igsoon diha kang Cristo.

Mga Taga-Efeso 1:9

aron masabtan nato ang iyang tinago nga plano nga buot niyang buhaton pinaagi kang Cristo

Mga Taga-Efeso 3:11

Mao na kini ang iyang plano bisan pa kaniadto, ug natuman na niya kini pinaagi kang Cristo Jesus nga atong Ginoo.

Mga Taga-Efeso 4:32

Hinuon, magminaayo ug magmalumo kamo sa usag usa, ug magpinasayloay kamo sama sa pagpasaylo sa Dios kaninyo pinaagi kang Cristo.

Deuteronomio 9:5

Panag-iyahan ninyo ang ilang yuta dili tungod kay matarong o maayo kamong mga tawo kondili tungod kay daotan sila, ug aron matuman sa Ginoo nga inyong Dios ang iyang gisaad sa inyong mga katigulangan nga si Abraham, Isaac, ug Jacob.